சென்னை, ஜூன் 5–

நான் வளர்த்த, என்னை வளர்த்த அன்பகம் புதுப் பொலிவுடன் திகழ்கிறது என்று கழகத் தலைவர் மு.க.ஸ்டாலின் அவர்கள் தெரிவித்துள்ளார்.

முத்தமிழறிஞர் கலைஞர் அவர்களின் 103–வது பிறந்த நாளை முன்னிட்டு, திராவிட முன்னேற்றக் கழக இளைஞர் அணியின் தலைமையகமான அன்பகத்தில் புதிதாக நிறுவப்பட்டுள்ள 75 அடி உயர கம்பத்தில் கழகத்தின் இருவண்ணக் கொடியை கழகத் தலைவர் – முத்துவேல் கருணாநிதி ஸ்டாலின் அவர்கள் ஏற்றி வைத்து தந்தை பெரியார் – பேரறிஞர் அண்ணா – முத்தமிழறிஞர் கலைஞர் ஆகியோரின் மார்பளவுச் சிலைகளைத் திறந்துவைத்து, அன்பகத்தின் முதல் தளத்தில் புதுப்பிக்கப்பட்ட அலுவலகத்தையும் திறந்துவைத்து, இளைஞர் அணி மேற் கொண்டுவரும் ஆக்கப்பூர்வமான பணிகளைப் பார்வையிட்டார். ஏற்கெனவே புதுப்பிக்கப்பட்ட இரண்டாவது தளத்திற்கும் சென்று, அங்கு நடை பெறும் பணிகளையும் கழகத் தலைவர் மு.க.ஸ்டாலின் அவர்கள் பார்வையிட்டார்.

இதைத் தொடர்ந்து கழகத் தலைவர் மு.க.ஸ்டாலின் அவர்கள் விடுத்துள்ள வலைதளப் பதிவு வருமாறு:

நான் வளர்ந்த – என்னை வளர்த்த அன்பகம் புதுப்பொலிவுடன் ️

@dmk_youthwing புதுவேகத்துடன் – புதிய இளைஞர்களைக் கொள்கையோடு வளர்த்து, வெற்றியை நமதாக்கட்டும்!

இவ்வாறு கழகத் தலைவர் மு.க.ஸ்டாலின் தெரிவித்துள்ளார்.