த மிழ்­நாட்­டில் கல்­வி­யை­யும் பொது நூல­கத்­துறை யையும் பெரும் இயக்­க­மாக வளர்த்­தெ­டுத்த கலை­ஞ­ரின் பிறந்த தினத்­தன்று தமிழ்­நாட்­டின் புகழ்­பெற்ற நூல­கம் ஒன்­றி­லி­ருந்து கலை­ஞ­ரின் புகைப்­ப­டம் அகற்­ற­ப்பட்­ட­தைப் பற்றி பேச வேண்­டிய அவ­லம் நிகழ்ந்­துள்­ளது.

ஜுன் 2ஆம் தேதி மாலை சென்னை தேவ­நே­யப் பாவா­ணர் மாவட்ட மைய நூலக அரங்­கில் பள்­ளிக்­கல்­வித்­துறை அமைச்­சர் பங்­கேற்ற நிகழ்ச்சி ஒன்­றில் அரங்­கத்­தில் மற்ற தலை­வர்­க­ளின் படங்­க­ளோடு வைக்­கப்­பட்­டி­ருந்த கலை­ஞ­ரின் படம் அகற்­றப்­பட்டு பின்­னர் ஊட­கங்­கள் கேள்வி எழுப்­பி­ய­வு­டன் அவ­சர அவ­ச­ர­மாக திரும்ப மாட்­டப்­பட்­டது.

அந்த அரங்­கில் எப்­போ­தும் எம்.ஜி.ஆரின் பட­மும் இருந்­தி­ருக்­கி­றது. கலை­ஞ­ரின் பட­மும் இருந்­தி­ருக்­கி­றது. அங்கு கலை­ஞ­ரின் படம் இருப்­ப­தில் யாருக்கு என்ன பதற்­றம்? யாரை மகிழ்ச்­சிப்­ப­டுத்த யார் செய்த செயல் இது?

பள்­ளிக்­கல்­வித்­துறை அமைச்­சரை ஒரு பேச்­சா­ள­ராக நான் நீண்ட நாள் அறி­வேன். அவரே அடிப்­ப­டை­யில் ஒரு கலை­ஞர் பற்­றா­ளர்­தான். புத்­த­கங்­க­ளோ­டும் தொடர்­பு­டை­ய­வர் அவர். அவர் விருப்­பப்­படி இது நடந்­தி­ருந்­தால் அது கண்­ட­னத்­திற்­கு­ரி­யது. அப்­படி இல்­லா­விட்­டால் இது யாரு­டைய விருப்­பப்­படி நடந்­தது என்­ப­தற்கு அவர் துறை­சார்ந்த விசா­ர­ணைக்கு உத்­த­ர­விட வேண்­டும்.

பொது­நூ­ல­கங்­கள், நூலக அரங்­கு­கள் தமிழ்­நாட்­டின் அறி­வு­சார் பாரம்­ப­ரிய பொது­சொத்­து­கள் ஆகிய வற்­றிற்கு எல்லா தலை­வர்­க­ளுமே பங்­க­ளித்­தி­ருக்­கி­றார்­கள். அவை உரிய வகை­யில் நினை­வு­ கூரப்­ப­ட­ வேண்­டும்.

அண்ணா நூற்­றாண்டு நூல­கத்தை அ.தி.மு.க. ஆட்­சி­யில் பாழ­டை­ய­விட்­ட­போது நீதி­மன்­றம் கடும் கண்­ட­னங்­களை தெரி­வித்­தது. அந்த அண்ணா நூற்­றாண்டு நூல­கத்­தில் கலை­ஞ­ரின் பெயர் இருந்த கல்­வெட்டை அன்­றைய ஆட்­சி­யா­ளர்­கள் செடி­களை வைத்து மறைத்­தார்­கள். இது­போன்ற செயல்­கள் வர­லாற்றை அழிப்­ப­து­மட்­டு­மல்ல, அர­சி­யல் மாண்­பு­க­ளுக்­கும் எதி­ரா­னது.

கடந்த தி.மு.க. ஆட்­சிக்­கா­லத்­தில் மதுரை கலை­ஞர் நூற்­றாண்டு நூல­கம் உட்­பட பல பிரம்­மாண்­டமான நூல­கங்­கள் உரு­வாக்­கப்­பட்­டன. தமிழ்­நாட்­டி­லுள்ள ஏரா­ள­மான நூல­கங்­கள் புதுப்­பிக்­கப்­பட்­ட­து­டன் இளை­ஞர்­க­ளின் எதிர்­கால கன­வு­க­ளுக்கு ஒளி­யூட்ட அறி­வு­சார் மையங்­க­ளும் திறக்­கப்­பட்­டன.

இந்­தப் பங்­க­ளிப்­பை­யும் சாத­னை­க­ளை­யும் எவ­ரா­வது மறுக்க முடி­யுமா?

நான் சென்னை மாவட்ட நூலக ஆணைக்­குழு தலை­வ­ரா­கப் பொறுப்பு வகித்த காலத்­தில்­தான் தேவ­நே­யப் பாவா­ணர் மாவட்ட மைய நூல­கம் அனைத்து நவீன வச­தி­க­ளு­டன் புதுப்­பிக்­கப்­பட்டு சென்­னை­யின் மையத்­தில் இது ஒரு மிகச்­சி­றந்த அரங்­க­மாக திகழ்ந்து வரு­கி­றது.

பொது நூல­கத்­து­றையை அர­சி­யல் காழ்ப்­பு­ணர்ச்­சி­க­ளற்று வளர்த்­தெ­டுப்­ப­து­தான் எந்த அர­சிற்­கும் பெருமை சேர்ப்­ப­தாக இருக்­கும்.

கலை­ஞ­ரின் படத்தை ஒரு பொது­நூ­லக அரங்­கி­லி­ருந்து அகற்­று­வ­தன் வழி­யாக அவரை மக்­கள் இத­யங்­க­ளி­லி­ருந்து அகற்ற முடி­யாது. தமிழ்­நாட்­டின் பொது­நூ­லக வர­லாற்­றி­லி­ருந்­தும் அகற்ற முடி­யாது.