அம்­பத்­தூர், ஜூன் 6–

மின்­வெட்டு பிரச்­சினைக்கு தீர்வு காணாத த.வெ.க. ஆட்­சி­யில் ஓயாத மின்­வெட்­டால் நாள்­தோ­றும் தூக்­கத்தை தொலைக்­கும் மக்­கள் இர­வில் 5 மணி­நேர மின்­வெட்டை கண்­டித்து மின்­வா­ரிய அலு­வ­ல­கத்தை முற்­று­கை­ யிட்­ட­னர்.

சென்­னையை அடுத்த அம்­பத்­தூ­ரில் தொடர் மின்­வெட்­டால் தூக்­கத்தை தொலைத்த பொது­மக்­கள், மின்­வா­ரிய அலு­வ­ல­கத்தை முற்­று­கை­யிட்டு போராட்­டத்­தில் ஈடு­பட்­ட­தால் பர­ப­ரப்பு நில­வி­யது.

த.வெ.க. ஆட்சிஅமைந்து இன்­னும்மூன்றுவாரங்­கள் கூட முடி­ய­வில்லை. அதற்­குள் நாளொரு மேனி­யாக புதுப்­புது பிரச்­சினை­கள் தமிழ்­நாட்­டில் அரங்­கேறி வரு­கின்­றன.

ஒரு புறம் தமிழ்நாட்­டில் எங்கு பார்த்­தா­லும் கொலை, கொள்ளை சம்­ப­வங்­கள் மூலம் சட்­டம், ஒழுங்கு சந்தி சிரிக்­கும் நிலை­யில், மறு­பு­றம் ஓயாத மின்­வெட்­டால் மக்­கள் தூக்­கத்தை தொலைத்துவரு­கின்­ற­னர். அம்­பத்­தூ­ரில் தின­மும் இர­வில் அரங்­கே­றும் மின்­வெட்­டால் பொது­மக்­கள் கடும் அவ­தி­ய­டைந்­துள்­ள­னர்.

எஸ்.வி.நகர், கள்­ளிக்­குப்­பம், மாத­னாங்­குப்­பம், பானு நகர், புதூர் உள்­ளிட்ட பல்­வேறு பகு­தி­யில் நேற்று முன்தினம் இரவு தொடர்ந்து 5 மணி நேரத்­திற்கு மேலாக மின்­வெட்­டால் வெகுண்டு எழுந்த மக்­கள் மின்­வா­ரிய அலு­வ­ல­கத்தை முற்­று­கை ­யிட்டு அதி­கா­ரி­க­ளு­டன் வாக்­கு­வா­தத்­தில் ஈடு­பட்­ட­னர். அப்­போது, ஆவே­ச­ம­டைந்த பெண் ஒரு­வர், கடந்த தி.மு.க. ஆட்­சி­யில் மின்­வெட்டு பிரச்­­சினையே இல்­லாத நிலை­யில், த.வெ.க. ஆட்சி அமைந்த இரண்டு வாரங்­க­ளில்­தான் மின்­வெட்டு தலை­தூக்­கி­ யுள்­ள­தாக குற்­றம் சாட்­டி­னார்.