சென்னை, ஜூன் 6 –

த.வெ.க. அரசு பொறுப்­பேற்ற பின் பூந்­த­மல்லி - –வட­ப­ழனி இடையே ரயில் சேவையை தொடங்­கு­வ­தில் கால தாம­தம் ஆவ­தால் பொது­மக்­கள் அதி­ருப்­தி­ய­டைந்­துள்­ள­னர்.

சென்­னை­யில் இரண்­டாம் கட்ட மெட்ரோ ரயில் திட்­டம் 63 ஆயி­ரத்து 246 கோடி ரூபாய் மதிப்­பில், 116 கிலோ மீட்­டர் தொலை­வில் 3 வழித் தடங்­க­ளில் செயல்­ப­டுத்­தப்­ப­டு­கி­றது.

அதன்­படி, மாத­வ­ரம் - சிறு­சேரி வரை 3-வது வழித்­த­டத்­தி­லும், கலங்­கரை விளக்­கம் - பூந்­த­மல்லி வரை 4-வது வழித்­த­டத்­தி­லும், மாத­வ­ரம் - சோழிங்­க­நல்­லூர் வரை 5-வது வழித்­த­டத்­தி­லும் பணி­கள் நடை­பெ­று­கின்­றன. மொத்­தம்118 மெட்ரோ ரயில் நிலை­யங்­கள் அமைக்க திட்­ட­மிட்டு, பணி­கள் நடை­பெ­று­கின்­றன. கடந்த திமுக ஆட்­சி­யில் மெட்ரோ ரயில் திட்­டப்­ப­ணி­கள் வேக­மாக நடை­பெற்று வந்­தன.

ஆனால், த.வெ.க ஆட்சி அமைந்த பிறகு மெட்ரோ ரயில் திட்­டங்­கள் ஆமை வேத்­தில் நடை­பெ­று­கி­றது. தேர்­த­லுக்­காக வட­மா­நி­லங்­க­ளுக்கு சென்­ற­வர்­கள் குறைந்த அளவே பணிக்கு திரும்­பி­ய­தால் விறு­வி­றுப்­பு­டன் நடை­பெற்று வந்த மெட்ரோ பணி­யில் சுணக்­கம் ஏற்­பட்­டுள்­ளது.

இரண்­டாம் கட்ட மெட்ரோ ரயில் திட்­டத்­தில் ஒட்­டு­மொத்­த­மாக, ஏப்­ரல் வரை 52 சத­வீ­தம் மெட்ரோ பாதை அமைக்­கும் பணி­கள் மட்­டுமே நிறை­வ­டைந்­துள்­ள­ தால் குறிப்­பிட்ட காலத்­தில் மெட்ரோ ரயில் சேவையை தொடங்­கு­வ­தில் தாம­தம் ஏற்­பட்­டுள்­ளது.

இதே­போன்று, பூந்­த­மல்லி - –போரூர்- – வட­ப­ழனி தடத்­தில் பணி­கள் நிறை­வ­டைந்து 5 மாதங்­கள்ஆகி­யும் ரயில்­சேவை தொடங்­கா­த­தால் பய­ணி­கள் சிர­மம் அடைந்­துள்­ள­னர்.