சென்னை, ஜூன் 6 –

“பேராசிரியர் மா.நன்னன் அவர்கள் தொடங்கிவைத்த பணிகளை, இன்றளவும் தொய்வில்லாமல் தொடர்ந்து வரும் அவரது குடும்பத்தினரின் பணி போற்று தலுக்குரியது. அந்தப் பணிக்குப் பெருந்துணையாக, தூணாக விளங்கிய திருமதி பார்வதி நன்னன் அவர்களது மறைவு ஈடுசெய்ய முடியாத பேரிழப்பாகும்” என்று, கழகத் தலைவர் அவர்கள், வலைதளத்தில் விடுத்துள்ள இரங்கல் செய்தியில் குறிப்பிட்டுள்ளார்.

கழகத் தலைவர் அவர்களின் இரங்கல் செய்தி வருமாறு:–

தமிழுணர்வும் திராவிட இயக்கப் பற்றும் கொண்டு பெரியாரியப் பாதையில் வாழ்ந்து, நம் உள்ளங்களில் நிறைந்து வாழும் பேராசிரியர் மா.நன்னன் அவர்களது வாழ்விணையர் திருமதி பார்வதி நன்னன்அவர்கள் மறைந்த துயர்மிகு செய்தி சொல்லொண்ணா வேதனையைத்தருகிறது. அவரது மறைவிற்கு நேரில்சென்று இரங்கலைத் தெரிவித்து, அவரது குடும்பத்தினருக்கு ஆறுதலைத் தெரிவித்தேன்.

தமிழுக்கும் திராவிட இயக்கத்திற்கும் பெருந்தொண்டாற்றிய பேராசிரியர் மா.நன்னன் அவர்களது நூல்களைக் கடந்த 2023-ஆம் ஆண்டுநான் முதலமைச்சராக இருந்தபோது நாட்டு டைமையாக்கி, அதற்கான நூலுரிமைத் தொகையை வழங்கியபோது, பேராசிரியர் நன்னன் அவர்களது நினைவலைகளைப் பகிர்ந்துகொண்டு அவரோடு உரையாடிய தருணத்தை இப்போது நினைத்துப் பார்க்கிறேன்.

பேராசிரியர் மா.நன்னன் அவர்கள்தொடங்கி வைத்த பணிகளை, இன்றள வும் தொய்வில்லாமல் தொடர்ந்து வரும் அவரது குடும்பத்தினரின் பணி போற்றுதலுக்குரியது. அந்தப் பணிக்குப் பெருந் துணையாக –- தூணாக விளங்கிய திருமதி பார்வதி நன்னன் அவர்களது மறைவு ஈடு செய்ய முடியாத பேரிழப்பாகும்.

இந்தப் பேரிழப்பையும் கடந்து,பேராசிரியர் மா.நன்னன் அவர்கள் தொடங்கிவைத்த பணிகளை, அவரதுகுடும்பத்தினர் தொடர்வார்கள்; பேராசிரி யர் மா.நன்னன் - பார்வதி நன்னன் ஆகியோருக்கு நிச்சயம் புகழ் சேர்ப்பார்கள்.

இவ்வாறு அப்பதிவில் கழகத் தலைவர் அவர்கள் குறிப்பிட்டுள்ளார்.