#Title

வரலாற்று நெடுந்தொடர் கலைஞர்! ப ண்பாட்டுப் பகலவனே! பார் போற்றும் தமிழ் மகனே! திராவிடத்துத் திரவியமே! திக்கெட்டும் ஒளியாகி தமிழர் திசையாகி நின்றவனே! உழைப்பாலே பூமியுனை சுற்றி வர வைத்தவனே!-உன் கரகரத்த குரலாலே காந்தத் தமிழ் செய்தவனே! உன் ஈர்ப்பு விசை தானே எம் இனத்தின் வரலாறு! நீ பிறந்த போது உன் கையில் தமிழ்க்கொடி இருந்திருந்தால் தொப்புள் கொடியில் கூட கொடியேற்றி மகிழ்ந்திருப்பாய்..! எம் தலைவா! நீ தமிழர் திசையெங்கும் லட்சம் கொடியேற்றி லட்சிய கொடியேற்றி கொடிகம்பங்களை எல்லைகளாக்கி தமிழ் மொழியினம் பாதுகாத்தாய்! தமிழரை வாழ வைத்தாய்! முடிவேயில்லாத வரலாற்று நெடுந்தொடர் நீ !! உனக்கே ..... உனக்கே .... இடமில்லை என்றார்கள் மூன்றாவது அணுகுண்டு வீசப்படாமல் உலகம் அதிர்ந்தது! உன்னை தனக்குள் புதைத்து கொள்ள அல்ல விதைத்துக்கொள்ள அன்றைய நாளில் உலகத்தமிழர்களின் அத்தனை இதயமும் மெரினா கடற்கரையாய் மாறிய அதிசயம் நிகழ்ந்தது! நீ பூக்களை வென்றவன்! குவளை மலர்கள் சுருக்கலில் கண் மலரும் முன்னரே விழித்தெழுந்து பூக்களை வென்றவன்! காதுகளால் படித்தவன்! பெரியார், அண்ணா பேச்சை கேட்டே பேரறிவு பெற்றவன்.முத்தமிழ் அறிஞனானாய்! கண்களால் பேசியவன் சூரியப் பார்வையால் தமிழராட்சியை பிரகடனம் செய்தவன் நீ! கு.வாஞ்சிநாதன் தி.மு.க. தலைமைக் கழகப் பேச்சாளர் கடலூர்

இராயபுரம் 48வது வட்டத்தில் முத்தமிழறிஞர் கலைஞர் பிறந்த நாளை முன்னிட்டு இரா.பாலன் தலைமையில் கழகக் கொடி ஏற்றி இனிப்பு, காலை அறுசுவை சிற்றுண்டி வழங்கப்பட்டது. மாவட்டப் பொறுப்பாளர் ஆர்.டி.சேகர் முன்னிலையில் இராயபுரம் முன்னாள் சட்டமன்ற உறுப்பினர் ஐட்ரிம் ஆர்.மூர்த்தி, தா. இளைய அருணா, வ.பெ சுரேஷ், இரா.செந்தில்குமார் , ந.சண்முகம் , விஜயலட்சுமி, விஜயகுமார் எம்.சி., கு.ரமேஷ், எஸ்.ரமேஷ், ரெயின்போ என்.விஜயகுமார், இரா.பொன்முடி மற்றும் கா.சாமுண்டீஸ்வரி, எஸ்.தங்கவாசுகி, என்.சிவக்குமார் டபிள்யூ.எஸ்.ரவிச்சந்திரன், பி.பாலாஜி, என்.ஹையத் பாஷா , எல்.ராஜா, எச்.பாபு பாய், பி.அன்பழகன் மற்றும் கழகத் தோழர்கள் அனைவரும் கலந்து கொண்டு சிறப்பித்தனர்.