சென்னை, ஜூன் 7–
சென்னை முட்டுக்காட்டில் இயங்கி வரும் மாற்றுத்திறனாளிகளுக்கான NIEPMD நிறுவனத்தில் ஆட்குறைப்பு நடவடிக்கையை ஒன்றிய அரசு உடனடியாக நிறுத்த வேண்டும் என்று கழக மாற்றுத் திறனாளிகள் அணிச் செயலாளர் பேராசிரியர் டி.எம்.என்.தீபக் வெளியிட்ட அறிக்கையில் கூறியுள்ளார்.
இது குறித்து அவர் விடுத்துள்ள அறிக்கை வருமாறு:–
கடந்த 2005–ஆம் ஆண்டில், தலைவர் கலைஞர் அவர்களின் பெரும் முயற்சியில் கொண்டுவரப்பட்ட நிறுவனம், ஒன்றுக்கும் மேற்பட்ட மாற்றுத்திறனாளிகள் தேசிய மேம்பாட்டு நிறுவனம் (NIEPMD) ஆகும். மாற்றுத்திறனாளிகள் மேம்பாட்டு துறை, சமூக நீதி மற்றும் அதிகாரம் அளித்தல் அமைச்சகத்தின் கீழ் இயங்கி வருகிறது.
தேசிய நிறுவனமான NIEPMD கிழக்குக் கடற்கரைச் சாலை, முட்டுக்காடு, கோவளத்தில் அமைந்துள்ளது. இந்திய நாட்டின் பல்வேறு பகுதிகளைச் சேர்ந்த மாற்றுத்திற னாளிகளுக்கு இந்த நிறுவனம் பல ஆண்டுகளாக மதிப்புமிக்க சேவைகளை வழங்கி வருகிறது.
ஒரு மனிதனுக்கு ஒன்றுக்கு மேற்பட்ட ஊனங்கள் அமையப்பெற்று சிரமப்படுபவர்களு க்கும், பல்வகை ஊனம் கொண்ட மாற்றுத்திறனாளிகளுக்கும் மதிநுட்பமிக்க மற்றும் நுண்ணிய அறிவியல் முறை சிகிச்சைகளை மேற்கொண்டு வரும் நிறுவனமாக NIEPMD இருப்பது குறிப்பிடத் தகுந்ததாகும். 2024–25 ஆண்டு செயல் அறிக்கையின் படி புதிய பயனாளர்கள்: 4565 நபர்களும்; தொடர் பயனாளர்கள்: 52342 நபர்களும் பயன் பெற்று வந்துள்ளனர். பின்வரும் துறைகள் மற்றும் பிரிவுகள் இதில் செயல்பட்டு வருகிறது.
1.மருத்துவ அறிவியல் துறை
a)செயற்கை அவயங்கள் மற்றும் உபகரணங்கள் துறை.
b)இயன் முறை சிகிச்சை.
c)தொழில்சார் சிகிச்சை.
2.மருத்துவ உளவியல் துறை.
3.பேச்சு, செவிப்புலன் மற்றும் தகவல் தொடர்புத் துறை.
4.சிறப்புக் கல்வித் துறை.
5. முதியோர் தற்சார்பு வாழ்க்கைத்துறை என பல்வேறு பிரிவுகளுடன் தமிழகத்தின் தேசிய நிறுவனமாக பரிணமித்து சென்னை மற்றும் அதன் சுற்றுப்புறத்தில் உள்ள பல்வேறு மாற்றுத்திறனாளிகள், மாற்றுத்திறனாளி குழந்தைகளுக்கான பள்ளிகளும், அவர்களை முறையாக பராமரிப்பதற்கான சிகிச்சைகளும், கூடுதலாக அவர்களை முறைப்படி வழிநடத்த தேவையான சிறப்பு நிபுணர்களையும் உருவாக்குகின்ற பல்வேறு பிரிவுகளைக் கொண்ட கல்லூரியும் இயங்கி வருகிறது.
இந்நிறுவனத்தில் 24 நிரந்த பணியாளர்களும் மற்றும் 150–க்கும் மேற்பட்ட ஒப்பந்த பணியாளர்களும் தொடக்கத்தில் இருந்து இந்நிறுவனத்தின் மேம்பாட்டுக்காக தங்களை அர்ப்பணித்து பணியாற்றி வருகின்றனர். குறிப்பாக தினசரி செயல்பாடு, பராமரிப்பு, மறுவாழ்வு சேவைகள், சிறப்புக் கல்வி, நிர்வாகம், விடுதி பராமரிப்பு, சிகிச்சை சேவைகள் மற்றும் வெளிநடவடிக்கை என பல திட்டங்களுக்கு கணிசமாக பங்களிக்கின்றனர்.
பெரும்பாலும் தங்களுடைய வாழ்நாளின் நேரத்தை இந்நிறுவனத்தின் வளர்ச்சிக்காக அர்ப்பணித்து வந்த ஒப்பந்த ஊழியர்களுக்கு, சொற்ப ஊதியம் கொடுக்கப்பட்டு வந்த நிலையில், பல்வேறு பேச்சு வார்த்தைக்கு பின், செப்டம்பர் 2024 ஆண்டு அமைச்சகத்தின் ஒப்புதலோடு, திருத்தி அமைக்கப்பட்ட ஊதியத்தை வழங்குவதாக அதிகாரப்பூர்வமாக தெரிவித்தது. அதன் அடிப்படையில் எழுத்து தேர்வு மற்றும் நேர்முகத் தேர்வு நடத்தியதில் தேர்ச்சி பெற்றதோடு, அனுபவ தகுதியின் அடிப்படையில் தொடர்ந்து ஒப்பந்த ஊழியராக அனுமதிக்கப்பட்டு பணியாற்றி வருகின்றனர்.
இந்நிலையில் ஒப்பந்த ஊழியர்களாக பணியாற்றி வருபவர்கள் 2024–2027 ஆண்டுக்கான ஒப்பந்தம் முடிவதற்கு முன்னரே இந்த நிர்வாகம் எந்தவித முன்னறிவிப்பும் இன்றி, ஊழியர்களை வேலையை விட்டு நிறுத்துவதாக தெரிவித்திருக்கிறது.
குறிப்பாக ஏப்ரல் 2026 ஆண்டு புதிதாக கூடுதல் பொறுப்பாக பதவியேற்றுள்ள இயக்குனர் (NIEPMD) டாக்டர் பி. வி.ராம்குமார் அவர்களின் நியமனத்திற்குப் பிறகு, NIEPMD– இல் கிராண்ட்– இன்–எய்ட் (GIA) நிதிநிலைமை மிகவும் மோசமாக இருப்பதாகவும் தேவையான அளவு நிதி இல்லை என மேற்கோள் காட்டி உடனடியாக பெரிய அளவிலான 100–க்கும் மேற்பட்ட ஒப்பந்த ஊழியர்களை நீக்குவதற்கான முடிவுகள் எடுக்கப்பட்டு வருவதாக தெரிகிறது. மேலும் தமிழர்களாகிய இந்த நிறுவன ஊழியர்கள் மீது கடுமையான இந்தி திணிப்பு நடப்பதாகவும் புகார் எழுந்துள்ளது.
இது ஒப்பந்த ஊழியர்கள் மற்றும் அவர்களது குடும்பத்தி னரிடையே அச்சத்தையும், நிலையற்ற தன்மையையும், மன அழுத்தத்தையும் உருவாக்கியுள்ளது. வயது மூப்பின் காரணமாக புதிதாக பணி கிடைப்பது என்பது எளிதானதல்ல என்பதால், அவர்களுடைய ஒட்டுமொத்த வாழ்க்கையும் கேள்விக்குறியாகி உள்ளது.
இதனால் இங்கு வந்து சிகிச்சை பெறுகின்ற பெரும்பான்மை ஏழை எளிய மற்றும் நடுத்தர குடும்ப பெற்றோர்கள் மற்றும் மாற்றுத்திறனாளிகள், குழந்தைகள் பெரிதும் பாதிக்கப்படுவார்கள். சொல்லப்போனால் மேல் குறிப்பிட்ட செயல்பாடுகள் அனைத்தும் நிறுத்தப்பட்டு ஒரு சாதாரண சிகிச்சை மையமாகவே இதை செயல்படுத்துவதற்கு தான் இந்த அதிகாரிகளும் ஒன்றிய அரசும் திட்டமிடுகிறதோ என்ற எண்ணம் எழுகிறது.
எனவே சமூக நீதி மற்றும் அதிகாரம் அளித்தல் துறை அமைச்சர் தலையிட்டு ஊழியர்களின் வேலை வாய்ப்பை நிரந்தர தன்மையுடையதாக மாற்றி வாழ்வாதாரத்தையும்; இந்நிறுவனம் எவ்வித இடையூறுமின்றி திறம்பட செயல்படவும்; மாற்றுத்திறனாளி குழந்தைகளை பாதுகாத்திடவும், மாற்றுத்திறனாளிகளின் அணி திராவிட முன்னேற்றக் கழகத்தின் சார்பாக வலியுறுத்துகிறோம்.
இவ்வாறு அறிக்கையில் கூறப்பட்டுள்ளது.
அவருக்குத் தெரியவில்லை
அரசு நாற்காலிக்கு
நான்கு கால்கள்
கடமை கண்ணியம்
கட்டுப்பாடு கனிவு
அவருக்குத் தெரியவில்லை
அந்த
நாற்காலியின் குணம்
தங்கத்தட்டில் வைத்த
சோறாக
இருக்க வேண்டும்
தகரத் தட்டில் வைத்த
நரகலாக அல்ல
அவருக்குத் தெரியவில்லை
அந்த நாற்காலியின் தரம்
மலரை மொய்க்கும்
வண்டாக
இருக்க வேண்டும்
மலத்தை மொய்க்கும்
ஈயாக அல்ல
அவருக்குத்
தெரியவில்லை
அந்த
நாற்காலியின்
குரல்
சந்தனக் குழைவாக
இருக்க வேண்டும்
சாக்கடைக் கழிவாக அல்ல
அவருக்குத் தெரியவில்லை
அந்த
நாற்காலியின் கம்பீரம்
கொள்கையின் உயரமாக இருக்க வேண்டும்
கட்டைைக்கால் உயரமாக அல்ல
அவருக்குத் தெரியவில்லை
அந்த
நாற்காலியின் துணிவு
பருந்துப் பாய்ச்சலாக
இருக்க வேண்டும்
ஊர்க்குருவி கூச்சலாக அல்ல
அவருக்குத் தெரியவில்லை
கோட் சூட் போடுவது
முக்கியமல்ல
தமிழர்கள் கோவணாண்டி
ஆகக் கூடாது
என்பதே முக்கியம்
தனிவிமானத்தில்
சிகை அலங்கார நிபுணரோடு
செல்வது முக்கியமல்ல
ஒன்றியம்
தமிழ்நாட்டை மொட்டையடிக்கக் கூடாது
என்பதே முக்கியம்
நரம்பு புடைக்க
வசனம் பேசுவது
முக்கியமல்ல
சமூகநீதி சமநீதி
மெலியக் கூடாது என்பதே முக்கியம்
என்ன சொல்லி
என்ன பிரயோஜனம்?
அவருக்குத் தெரியவில்லை
எதுவுமே
சென்னை வடக்கு மாவட்டம் ஆர்.கே.நகர் மேற்கு பகுதி 38வது வட்டத்தில் முத்தமிழ் அறிஞர் கலைஞர் அவர்களின் 103வது பிறந்தநாள் விழாவை முன்னிட்டு வட்ட கழக செயலாளர், 4வது மண்டல குழு தலைவர் நேதாஜி யு.கணேசன் எம்.சி, தலைமையில் கலைஞர் அவர்களின் திருஉருவப்படத்திற்கு மலர் தூவி மரியாதை செய்து கழக கொடி ஏற்றி பொது மக்களுக்கு இனிப்பு மற்றும் 1000 நபர்களுக்கு காலை சிற்றுண்டி முன்னாள் சட்டமன்ற உறுப்பினர் ஜே.ஜே.எபினேசர் வழங்கினார். நிகழ்ச்சியில் பகுதி செயலாளர் எஸ்.ஜெபதாஸ்பாண்டியன், ஏ.டி.மணி, க.கோவிந்தராஜ், எம்.லோகநாதன், இ.மணிமேகலை எம்.சி, எம்.விமலா, எஸ்.கிருஷ்ணன், ஏ.முருகேசன, மற்றும் வட்டத்திற்கு உட்பட்ட மாவட்ட பகுதி வட்டக் கழக நிர்வாகிகள் கழகத் தோழர்கள் பொதுமக்கள் கலந்து கொண்டனர்.