வ ரும் எட்டாம் தேதி டெல்லியில் நடைபெறுவதாக இருக்கும் இந்தியா கூட்டணி கட்சிகளின் முக்கியமான கூட்டத்தில் தி.மு.க. பங்கேற்காது என்று அறிவித்த வினாடியில் இருந்து, தேசிய அரசியலில் ஒருவிதமான பதற்றநிலை உருவாகிவிட்டிருக்கிறது என்பதை,

சிலர் ஏற்றுக்கொள்ள மறுப்பார்கள், சிலர் வெளிக் காட்டாமல் கடந்து போக முயற்சிப்பார்கள். ஆனால் வரும் வாரங்களில் இதற்கான மிகப் பலமான அதிர்வலைகள் தேசிய அரசியலில் பல பரிணாமங்களை உருவாக்கும் என்பதில் மாற்றுக் கருத்தில்லை.

ப.சிதம்பரம் துவங்கி, அவரது மகன், கிரிஷ் சோடங்கர், கார்கே, நாராயணசாமி, சிவக்குமார், திருமாவளவன், லோக்கல் காங்கிரஸார் சிலர் உள்ளிட்ட பலரும் தி.மு.க.வின் இந்த முடிவை மறுபரிசீலனை செய்யுமாறும்,

அதில் சிலர், தி.மு.க.வின் இந்த முடிவானது, பா.ஜ.க. வுக்கு சாதகமாக அமைந்து விடும் என்று எச்சரிக்கும் தொனியிலும், காங்கிரஸின் லோக்கல் புரோக்கர் மாணிக்க மும் தி.மு.க., பா.ஜ.க.வுக்கு ஆதரவாச் செயல்படுகிறது என்கிற ரீதியில் வன்மத்தை கக்கியும் பேசிவருகின்றனர்.

ஆனால் காங்கிரஸ் மட்டுமல்லாது, விஜய் பாஷையில் சொல்வதானால், வி.சி.க. உள்ளிட்ட அல்லு சில்லு கட்சிகள் எல்லாம் தவெகவுக்கு ஆதரவு தெரிவிக்கும் போது நாங்கள் ஆதரவளிக்கா விட்டால், மறை முகமாக ஆளுநர் ஆட்சி என்கிற வகையிலோ,அ.தி.மு.க.வின்ஒரு பிரிவு ஆதர வளித்து பா.ஜ.க. ஆதரவு ஆட்சியாக அமைந்து விடும் என்கிற காரணத்தாலோ தான் நாங்கள் பின்னங்கால் பிடறியில் அடிபடும் அளவிற்கு ஓடிச்சென்று த.வெ.க.வுக்கு ஆதரவு அளித்து,

கட்டில் மெத்தையில் கூட படுக்காம, வெறும் சோஃபாவி லேயே படுத்துறங்கி, அமைச்சர் பொறுப்பை ஒரு முள் படுக்கையாக பாவித்து பா.ஜ.க. ஆட்சி இங்கே வந்து விடாமல் தடுத்து விட்ட ஒரு ஜென் மனநிலையில் இருக்கின் றோம் என்று அளந்து விட்டுக் கொண்டி ருக்கின்றனர்!

ஆனால் சற்று நிதானமாக யோசித்தால், பா.ஜ.க. ஆட்சி இங்கே தமிழ்நாட்டில் ஏற்பட வாய்ப்பே இல்லை. ஆளுநர் ஆட்சி அமைந்தாலும், மீண்டும் ஆறு மாதங்களுக்குள் மறு தேர்தல் வந்து விடும். அப்படியே அ.தி.மு.க.வின ஆதர வைப் பெற்று த.வெ.க. ஆட்சி அமைத்தாலும்,

அ.தி.மு.க.வினர் தண்ணீர் போன்ற ஒரு திரவம். அது எந்த குடுவையில் அல்லது பாத்திரத்தில் ஊற்றப்படுகிறாதோ அந்த வடிவத்தையே தனதாக்கிக் கொள்வார்கள். அதாவது பா.ஜ.க. கூட்டணி என்றால் பா.ஜ.க. மாதிரியும், காங்கிரஸ் கூட்டணி என்றால் காங்கிரஸ் மாதிரியும், த.வெ.க. கூட்டணி என்றால் த.வெ.க. மாதிரியும் தங்களை தகவமைத்துக் கொள்வார்கள் அல்லது மாற்றிக் கொள்வார்கள்.

ஆகவே மறைமுகமாக பா.ஜ.க. வந்துவிடும், மல்லாக்கப்படுத்து பா.ஜ.க. வந்து விடும் என்று இந்த அல்ற சில்றைங்க எல்லாம் உதார்விடுவது ஆகச் சிறந்த நகைமுரண்!

போகட்டும், இவர்கள் உண்மையாகவே பா.ஜ.க. எதிர்ப்பில் அவ்வளவு உறுதியானவர்கள் என்றால், ஒரு அறம் சார்ந்த நேர்மையான இயக்கங்களாக இருந்தால், கம்யூனிஸ்டுகள் போல வெளியில் இருந்து பிரச்சினைகளின் அடிப்படையில் ஆதரவு தெரிவித்து இருக்க வேண்டும். அல்லது.ஒரு குறைந்தபட்ச செயல் திட்டத்தை வடிவமைத்து அதில் த.வெ.க.வை கையெழுத்திட வைத்து உள்ளே நுழைந்திருக்க வேண்டும்.

ஆனால் இவர்களில் நோக்கமும் அவசரமும் எப்படியிருந்தது என்றால், அ.தி.மு.க.வின் ஒரு பிரிவு உள்ளே நுழைந்துவிட்டால், தங்களுக்கு கிடைக்கும் பணமும் பதவியும் கிடைக்காமல் போய்விடுமே என்கிற அவசரத்தில், அள்ளித் தெளித்த கோலமாய் போய் ஒட்டிக் கொண்டார்கள் என்பதுதான் ஒட்டுமொத்த தமிழக மக்களுக்குமே தெரிந்த உண்மை!

அவர்கள் சொல்வதில் ஒரு உண்மை இருக்கிறது. அவர்கள் நோக்கத்தில் பழுதில்லை, அவர்கள் கொள்கைப் பிடிப்போடுதான் இருக்கின்றார்கள் என்பதை ஒரு வாதத்திற்காக ஏற்றுக்கொண்டால்....

ஒரு மாநிலத்தில் மறைமுக பா.ஜ.க. ஆட்சி அமையாமல் தடுப்பது முக்கியமா அல்லது ஒன்றியத்தில் மீண்டும் பா.ஜ.க.வின் நேரடி ஆட்சி அமையாமல் தடுப்பது முக்கியமா என்றால்,

இவர்கள் எதைத் தேர்ந்தெடுத்திருக்க வேண்டும்?

ஒன்றியத்தில், பா.ஜ.க.வுக்கு கடிவாளம் போடும், மட்டுப் படுத்தும், கட்டுப்படுத்தும், அல்லது ஆட்சிக்கே வரவிடாமல் தடுக்கும் ஒரு ஆட்சி அமைவதற்குத்தானே இவர்கள் முன்னுரிமை தந்திருக்க வேண்டும்? அதாவது ‘இந்தியா’ கூட்டணியின் ஒற்றுமையைக் கருத்தில் கொண்டு, தி.மு.க.வுடன் இவர்கள் அனுசரணையாக இருந்திருக்க வேண்டுமா? இல்லையா?

சரி, இனி தி.மு.க. இடத்தை த.வெ.க.வை வைத்து இட்டு நிரப்பிக்கொள்வோம் என்று இவர்கள் சொல்வார்களே யேனால், காங்கிரஸ், வி.சி.க. மற்றும் ஐ.யு.எம். எல் கட்சிக ளின் ஒன்பது எம்.எல்.ஏ.க்க ளையும் ராஜினாமா செய்யச் சொல்லி விட்டு, இவர்கள் வாதத்திற்கு வலு சேர்க்கும் வகையில் தேர்தலை சந்தித்து, மீண்டும் ஒன்பது எம்.எல்.ஏ.க்களை த.வெ.க. கூட்டணியோடு நின்று வென்று காட்டி விட்டு,

இனிமேல் தி.மு.க. இடத்தில் நாங்கள் த.வெ.க.வை வைத்து சமன் செய்து கொள்வோம் என்று சொன்னால் மட்டுமே இவர்களின் அந்த வாதம் எடுபடும். Otherwise இவர்கள் மறைமுகமாக வெளியிடும் இந்த காரணம் வெறும் சப்பைக்கட்டாகவே இன்னபிற தேசியக் கட்சிகளாலும், இந்தியா தழுவிய மாநிலக் கட்சிகளாலும் கணிக்கப்படும்.

சரி அடுத்த கட்டத்திற்கு வருவோம்.

தி.மு.க. இந்தக் கூட்டத்தில் பங்கேற்கவில்லை என்றால் என்னவாகும்?

ஏற்கனவே அந்த ‘இந்தியா’ கூட்டணியில் இருக்கின்ற முக்கிய கட்சிகளான அகிலேஷ் யாதவ்வின் சமாஜ்வாதி கட்சி, தேஜஸ்வி யாதவ்வின் ராஷ்டிரிய ஜனதாதளக் கட்சி, கெஜ்ரிவாலின் ஆம் ஆத்மி கட்சி மற்றும் தமிழ்நாட்டிற்கு வெளியே உள்ள இன்னபிற மாநிலக் கட்சிகள் எல்லாம் தி.மு.க. மற்றும் அதன் தலைவர் மு.க. ஸ்டாலின் அவர்கள் மீதான நம்பிக்கையிலும், அன்பிலும், கொள்கைப் பிடிப்பிலுமே பற்றுக் கொண்டு இந்தக் கூட்டணியில் நீடித்து வருகின்றன.

ஆகவே தி.மு.க. தனது ஆட்டத்தை வரும் வாரங்களில் டெல்லியில் இருந்து துவங்கப் போகின்றது. காங்கிரஸ் முஃப்த் பாரத் கோஷத்தை முன்னெடுத்தது என்னவோ பா.ஜ.க.தான்.... ஆனால் அதை முடித்து வைக்கப் போவது தி.மு.க.!

காத்திரு பகையே..!