சென்னை, ஜூன்.8–
திராவிட மாடல் நாயகர் கழக தலைவர் அன்பு தளபதி அவர்களின் அறிவிப்பிற்கினங்க தமிழினத்தின் பெருமை, சமூகநீதியின் பேரொளி, உழைக்கும் மக்களின் உற்ற தோழன், தொழிலாளர்களின் காவலர், ஏழை எளிய மக்களின் நம்பிக்கை நட்சத்திரம், முத்தமிழின் மாமேதை, நமது உயிரினும் மேலான தலைவர் முத்தமிழ் அறிஞர் டாக்டர் கலைஞர் அவர்களின் 103–வது பிறந்த நாள் விழா வருகிற 03.06.2026 அன்று தமிழ்நாடு மின் கழகத் தொழிலாளர் முன்னேற்றச் சங்கம், சென்னை வடக்கு திட்டம் சார்பில் சிறப்பாகவும் எழுச்சியுடனும் கொண்டாடப்பட்டது
மின்வாரிய தொழிலாளர்களின் வாழ்வாதார முன்னேற்றத்திற்கா கவும், தொழிலாளர் உரிமைகள் பாதுகாப்பிற்காகவும் எண்ணற்ற வரலாற்றுச் சாதனைகளை நிகழ்த்தி யவர் தலைவர் கலைஞர். தனது ஆட்சிக் காலங்களில் மின்வாரிய ஊழியர்கள் மற்றும் தொழிலாளர்களுக்கு வரலாறு காணாத ஊதிய உயர்வுகளை வழங்கியதுடன், ஏறக்குறைய 71,600 ஒப்பந்த தொழிலாளர்களை பணி நிரந்தரம் செய்து ஆயிரக்கணக்கான தொழிலாளர் குடும்பங் களின் வாழ்க்கையில் ஒளியேற்றிய மாமனிதர் ஆவார்.
மின்வாரிய தொழிலாளர்களின் உரிமைகளை பாதுகாக்கும் வலிமையான கவசமாக விளங்கும் அரசாணை எண் 100, முத்தரப்பு ஒப்பந்தம் உள்ளிட்ட பல்வேறு தொழிலாளர் நலத் திட்டங்களை உருவாக்கி நடைமுறைப்படுத்திய பெருமை தலைவர் கலைஞர் அவர்களையே சாரும். இன்று மின்வாரிய தொழிலாளர்கள் அனுபவிக்கும் பல்வேறு நலன்களின் அடித்தளமாக அவரது தொலைநோக்குப் பார்வையும் தொழிலாளர் பாசமும் திகழ்கிறது.
அவரது உயரிய கொள்கை வழியில் பயணிக்கும் கழகத் தலைவரின் தலைமையில், கடந்த ஐந்து ஆண்டுகளில் மின்வாரிய தொழிலாளர்களுக்கு வரலாறு காணாத வகையில் இருமுறை ஊதிய உயர்வு வழங்கப்பட்டுள்ளது. மேலும், மத்திய அரசின் தனியார்மய முயற்சிகளுக்கு அடிபணியாமல், தலைவர் கலைஞர் உருவாக்கிய தொழிலாளர் நலக் கொள்கைகளும் உரிமைகளும் தொடர்ந்து பாதுகாக்கப்பட்டு நடைமுறைப்படுத்தப்பட்டு வருகின்றன.
காலை 9.00 மணியளவில் சென்னை வடக்கு திட்டம் சார்பில் தண்டையார்பேட்டை கோட்டம், நாப்பாளையம் அலுவலகத்தில்,110 கே.வி.மணலி துணை மின் நிலையத்தில் முத்தமிழ் அறிஞர் தலைவர் கலைஞர் அவர்களின் திருவுருவப் படத்திற்கு மலர்தூவி மரியாதை செலுத்தி, தொ.மு.ச. பேரவை கொடியேற்றி, இனிப்புகள் வழங்கும் நிகழ்ச்சி நடைபெற்றது மதியம் 1.30 மணியளவில் சென்னை வடக்கு திட்டம் சார்பில் தண்டையார்பேட்டை கோட்டம் மணலி புதுநகர் வினாயகர் முதியோர் அன்பு இல்லத்தில் உள்ள முதியோர் அனைவருக்கும் அறுசுவை உணவு தமிழ் நாடு மின் கழகத் தொழிலாளர் முன்னேற்றச் சங்கம் மாநில முன்னாள் தலைவர் சென்னை வடக்கு திட்ட செயலாளர் கே.சசிகுமார் வழங்கினார் உடன் சென்னை வடக்கு திட்ட நிர்வாகிகள் பொருளாளர் டி.அருள்,து.தலைவர்கள் ஏ.ராஜேந்திரன்,சி.சிவப்பிரகாசம் திட்ட துணை செயலாளர்கள் ஆர்.சங்கர், வேதமணி தண்டையார் பேட்டை கோட்ட செயலாளர் எம்.இளங்கோவன் கோட்ட தலைவர் கணபதி, நாம் பாளையம் கிளை ரவி,முத்து, ஜெயசந்திரன் மற்றும் நிர்வாகிகள் கலந்து கொண்டனர்.
அவருக்குத் தெரியவில்லை
அரசு நாற்காலிக்கு
நான்கு கால்கள்
கடமை கண்ணியம்
கட்டுப்பாடு கனிவு
அவருக்குத் தெரியவில்லை
அந்த
நாற்காலியின் குணம்
தங்கத்தட்டில் வைத்த
சோறாக
இருக்க வேண்டும்
தகரத் தட்டில் வைத்த
நரகலாக அல்ல
அவருக்குத் தெரியவில்லை
அந்த நாற்காலியின் தரம்
மலரை மொய்க்கும்
வண்டாக
இருக்க வேண்டும்
மலத்தை மொய்க்கும்
ஈயாக அல்ல
அவருக்குத்
தெரியவில்லை
அந்த
நாற்காலியின்
குரல்
சந்தனக் குழைவாக
இருக்க வேண்டும்
சாக்கடைக் கழிவாக அல்ல
அவருக்குத் தெரியவில்லை
அந்த
நாற்காலியின் கம்பீரம்
கொள்கையின் உயரமாக இருக்க வேண்டும்
கட்டைைக்கால் உயரமாக அல்ல
அவருக்குத் தெரியவில்லை
அந்த
நாற்காலியின் துணிவு
பருந்துப் பாய்ச்சலாக
இருக்க வேண்டும்
ஊர்க்குருவி கூச்சலாக அல்ல
அவருக்குத் தெரியவில்லை
கோட் சூட் போடுவது
முக்கியமல்ல
தமிழர்கள் கோவணாண்டி
ஆகக் கூடாது
என்பதே முக்கியம்
தனிவிமானத்தில்
சிகை அலங்கார நிபுணரோடு
செல்வது முக்கியமல்ல
ஒன்றியம்
தமிழ்நாட்டை மொட்டையடிக்கக் கூடாது
என்பதே முக்கியம்
நரம்பு புடைக்க
வசனம் பேசுவது
முக்கியமல்ல
சமூகநீதி சமநீதி
மெலியக் கூடாது என்பதே முக்கியம்
என்ன சொல்லி
என்ன பிரயோஜனம்?
அவருக்குத் தெரியவில்லை
எதுவுமே