திருவள்ளூர், ஜூன் 8 –
தமிழினத் தலைவர் முத்தமிழறிஞர் டாக்டர் கலைஞர் அவர்களின் 103வது பிறந்தநாள் விழாவை முன்னிட்டு திருவள்ளூர் மத்திய மாவட்டம், திருவேற்காடு நகரம் அயனம்பாக்கத்தில் மாபெரும் கால்பந்து போட்டி நடைபெற்றது.
மாவட்ட வர்த்தக அணி அமைப்பாளர் ஏ.ஜெ. பவுல் ஏற்பாட்டிலும், திருவேற்காடு நகரக் கழக செயலாளர் என். இ.கே. மூர்த்தி முன்னிலை யிலும் நடைபெற்ற இந்நிகழ்ச்சியில், திருவள்ளூர் மத்திய மாவட்ட கழக செயலாளரும் முன்னாள் அமைச்சருமான ஆவடி சா.மு. நாசர் சிறப்பு அழைப்பாளராக கலந்து கொண்டு இறுதிப் போட்டியை தொடங்கி வைத்தார்.
பின்னர் போட்டியில்வெற்றி பெற்ற அணிகளுக்கு மாபெரும் கோப்பைமற்றும் பரிசுப் பொருட்களை வழங்கி பாராட்டினார். தொடர்ந்து பொதுமக்களுக்கு அறுசுவை உணவு வழங்கப்பட்டதுடன், முத்தமிழறிஞர் கலைஞர் அவர்களின் திருவுருவப்படத்திற்கு மாலை அணிவித்து மரியாதை செலுத்தப்பட்டது.
இதனைத் தொடர்ந்து சிறப்புரையாற்றிய ஆவடி சா.மு. நாசர், “இளைஞர்களின் திறமைகளை ஊக்குவித்து, விளையாட்டுத் துறையில் தமிழ்நாடு முன்னேற வேண்டும் என்ற நோக்கத்துடன் கலைஞர் அவர்கள் பல்வேறு திட்டங்களை உருவாக்கினார். அந்த வழியில் தலைவர் மு.க. ஸ்டாலின் தலைமையிலான முன்னாத்தை திமுக அரசு விளையாட்டு வீரர்களுக்கு சர்வதேச தரத்திலான பயிற்சி, ஊக்கத்தொகை, வேலைவாய்ப்பு முன்னுரிமை, விளையாட்டு உட்கட்டமைப்பு மேம்பாடு உள்ளிட்ட பல்வேறு திட்டங்களை செயல்படுத்தி வருகிறது.
சர்வதேச மற்றும் தேசிய அளவிலான போட்டிகளில் பதக்கம் வெல்லும் வீரர், வீராங்கனை களுக்கு உயரிய ஊக்கத்தொகைகள் வழங்கப்பட்டு வருகின்றன. ‘தமிழ்நாடு சாம்பியன்ஸ் அறக்கட்டளை’ மூலம் திறமையான விளையாட்டு வீரர்களுக்கு நிதியுதவி வழங்கப்பட்டு வருகிறது. மேலும், கிராமப்புற இளைஞர்களின் விளையாட்டுத் திறனை வெளிக்கொணரும் வகையில் பல்வேறு போட்டிகள் நடத்தப்பட்டு வருகின்றன. இதன்காரண மாக விளையாட்டுத் துறையில் தமிழ்நாடு இந்தியாவின் முன்னணி மாநிலங்களில் ஒன்றாக திகழ்கிறது” என்று தெரிவித்தார்.
இந்நிகழ்ச்சியில் ஆவடி மாநகர பொறுப்பாளர் சண் பிரகாஷ், கழக நிர்வாகிகள் ம. விநாயகம், டி. தெய்வசிகாமணி, பிரதானம், ஐ. ஜேக்கப், செல்லதுரை, விஜய் சாரதி, அப்பு (எ) ஜெபராஜ், ஆ. நாராயணன், நரேஷ்குமார் உள்ளிட்ட திமுக நிர்வாகிகள் மற்றும் ஏராளமான பொதுமக்கள் கலந்து கொண்டனர்.