சென்னை, ஜூன் 8–
தலைநகர் சென்னை உட்பட தமிழ்நாட்டின் பல்வேறு இடங்களில் தொடர்ந்துமின்வெட்டு நிலவுவதால் மக்கள் அவதிக்குள்ளாக்கியுள்ளனர். த.வெ.க. அரசின் கையாலாகாத தனத்தை கண்டித்து
நள்ளிரவில் மக்கள் போராட்டத்தில்
ஈடுபட்டனர்.
திருவள்ளூர் மாவட்டம் பொன்னேரி அடுத்த ஆரணி பேரூராட்சியில் த.வெ.க. ஆட்சியமைந்த பிறகு, இரவு நேரங்களில் தொடர்ந்துமின்வெட்டு ஏற்பட்டு வருகிறது. இந்நிலையில், நேற்றிரவு ஒருமணி நேரத்திற்கு மேலாக மின்தடை நீடித்ததால் பொறுமை இழந்த மக்கள் ஆரணி பஜாரில் சாலை மறியலில் ஈடுபட்டனர். பொதுமக்களின் புகார்களுக்கு செவி மடுத்து விளக்கம் அளிக்க மின்வாரிய அதிகாரிகள் முன்வருவது இல்லை என குற்றம் சாட்டினர். மேலும், மின்வெட்டு காரணமாக குழந்தைகள்,
முதியவர்கள் என அனைவரும் பாதிக்கப்படுவதாகபொதுமக்கள் புகார் தெரி வித்தனர். சாலைமறியலில் ஈடுபட்ட மக்களிடம் காவல்துறை அதிகாரிகள் சமரச பேச்சுவார்த்தை நடத்தினர். அப்போது மின்வாரிய அதிகாரிகள் யாரும் ஏன் வரவில்லை எனக் கூறி பொதுமக்கள்வாக்குவாதத்தில்
ஈடுபட்டனர்.
செங்கல்பட்டுமாவட்டம் முட்டுக்காடு ஊராட்சிக்குட்பட்ட கறிக்காட்டுக்குப்பம் கிழக்கு கடற்கரை சாலை பகுதியில் நள்ளிரவில் 3 மணி நேரத்திற்கு மேலாக மின்வெட்டு ஏற்பட்டுள்ளது. இதனால்,ஆத்திரமடைந்த அப்பகுதி மக்கள் நள்ளிரவில் கிழக்கு கடற்கரை சாலையை மறித்து போராட்டத்தில் ஈடுபட்டனர். இதனால் அப்பகுதிகளில் பரபரப்பு ஏற்பட்டது.
இதேபோல், திருத்தணி அருகே உள்ள பள்ளிப்பட்டு உள்ளிட்ட பகுதிகளில் நேற்று காலை முதல் மின்சாரம் வழங்கப்படாதால்பொதுமக்கள் கடும் அவதிக்கு உள்ளாகியுள்ளனர். காலை 9 மணி முதல் 5 மணி வரை மின்தடை ஏற்படும் என அறிவிக்கப்பட்டிருந்த நிலையில், மாலை 5 மணிக்கு பிறகும் மின்சாரம் வரவில்லை. 6,7, 8 என நேரம் கடந்தாலும், இரவு 10 மணி வரை மின்சாரம் வழங்கப்படாததால் மக்கள் கடும் சிரமத்திற்கு உள்ளாகினர். 13 மணி நேரத்திற்கும் மேலாக மின்சாரம் இன்றி மக்கள் அவதி அடைந்தனர்.
மயிலாப்பூர்!
சென்னை மயிலாப்பூர், லஸ் கார்னர், அம்பேத்கர் பாலம் உள்ளிட்ட பல்வேறு இடங்களில் இரவு 10 மணிமுதல் மின்சாரம் இல்லை. மின்ன
கத்திற்கு அழைத்த போதும் உரிய பதிலை மின்வாரிய அதிகாரிகள் அளிக்கவில்லை என கூறப்படுகிறது. இதனால் ஆத்திரம் அடைந்த அப்பகுதி மக்கள் மயிலாப்பூர், டாக்டர் இராதாகிருஷ்ணன் சாலையில் அமைந்துள்ள மின்வாரிய அலுவலகத்தை நள்ளிரவில் முற்றுகையிட்டு சாலைமறியலில் ஈடுபட்டனர். அதிலும் ஒருவர் த.வெ.க. அரசுக்கு ஆதரவாளராக இருந்த நிலையில், அவரும் அரசுக்கு எதிராகபோராட்டத்தில்ஈடுபட்டுள்ளார். சாலை மறியலால் கடும் போக்குவரத்து நெரிசல் ஏற்பட்டது. மின்வாரிய அலுவலகத்தில் ஒருவர் மட்டுமேஇருந்த நிலையில், அவரும் மதுபோதையில் இருந்த தாக குற்றச்சாட்டு எழுந்துள்ளது. நாள்தோறும் இரவில் மின்வெட்டு ஏற்படுவதால் தூங்க முடியாமல் வாழ்வியலே பாதிக்கப்படுவதாக பொதுமக்கள் வேதனை தெரிவிக்கின்றனர்.
பெரம்பூர் தொகுதியில் மின்வெட்டு! மறியல்!
முதலமைச்சர் விஜய் தொகுதியான பெரம்பூரில் தொடரும் மின்வெட்டு காரணமாக மக்கள் கடும் அவதிக்கு உள்ளாகி வருகின்றனர். பெரம்பூர்சட்டமன்றத்தொகுதிக்கு உட்பட்ட கொடுங்கையூர், சர்மா நகர், வியாசர்பாடி, கணேசபுரம், எம்.ஆர்.நகர், எம்.கே.பி.நகர் உள்ளிட்ட பல்வேறு இடங்களில் தினமும் பல மணிநேரம் மின்வெட்டு தொடர்கிறது. இந்நிலையில் வியாசர்பாடி ஜே.ஜே.நகரில் திடீரென மின்வெட்டு ஏற்பட்டு மூன்று மணி நேரம் ஆகியும் மின்சாரம் வராததால் பொதுமக்கள் மின்வாரிய ஊழியர்களை மற்றும் அதிகாரிகளை தொடர்பு கொண்டனர். ஆனால் அழைப்பை ஏற்காததால்பொதுமக்கள் ஆத்திரமடைந்தனர். இதனால், சத்தியமூர்த்தி நகர் சாலையில் 300ம் மேற்பட்ட மக்கள் சாலையில் அமர்ந்து மறியலில் ஈடுபட்டனர். இதனால் அப்பகுதியில் போக்குவரத்துமுடங்கியதோடு அப்பபகுதி முழுவதும் பரபரப்பாக காணப்பட்டது.
மேடவாக்கம்!
இதேபோல், சென்னை மேடவாக்கத்திலும் இரவில்மின்சாரம் இல்லாததால் பொதுமக்கள் சாலை மறியலில் ஈடுபட்டனர். மேடவாக்கம் பிரதான சாலையில் மறியலில் ஈடுபட்டதால் கடும் போக்குவரத்து நெரிசல் ஏற்பட்டது. 3 மணி நேரத்திற்கும் மேலாகமின்சாரம் வழங்கப்படாததால், த.வெ.க.அரசை கண்டித்து அவர்கள் மறியலில் ஈடுபட்டனர்.