புதுக்­கோட்டை, ஜூன் 9 –

இந்­தியா கூட்­ட­ணி­யில் நாங்­கள்இல்லை காங்­கி­ரஸ் இருக்­கும் கூட்­ட­ணி­யில் நாங்­கள் இல்லை, இனி­மேல் எந்த காலத்­தில் முது­கில் குத்­து­விட்டு ஓடி­ய­வர்­களை சேர்க்க மாட்­டோம் அவர்­க­ளோடு ஒட்டு உறவு கிடை­யாது. இனி கட்சி தொண்­டன் அவர்­களை ஏற்­றுக் கொள்ள மாட்­டார்­கள், காங்­கி­ரஸ் எங்கு உள்­ளதோ அந்த கூட்­ட­ணி­யு­டன் நாங்­கள் இருக்க மாட்­டோம். ஓடிப்­போன மனை­வி­யோடு யாரும் வாழ மாட்­டார்­கள், எதிர்­கா­லத்­தில் பா.ஜ­.க.­வோடு கூட்­டணி செல்­லும் வாய்ப்பு சத்­தி­ய­மாக இல்லை. புதுக்­கோட்­டை­யில் தி.மு.க.அமைப்­புச் செய­லா­ளர் ஆர்.எஸ்.பாரதி பேட்டி யளித்தார்.

ஆர்.எஸ்.பாரதி அளித்த பேட்டி வருமாறு:–

புதுக்­கோட்­டை­யில் முத்தமிழறிஞர் கலை­ஞர் அவர்களின் பிறந்­த­நாள் விழாவை முன்­னிட்டு தி.மு.க. சார்­பில் நடை­பெ­ற்ற பொதுக்­கூட்­டத்­தில் பங்­கேற்க வருகை தந்த கழக அமைப்­புச் செய­லா­ளர் ஆர்.எஸ்.பாரதி புதுக்­கோட்­டை­யில் உள்ள தனி­யார் விடு­தி­யில் செய்­தி­யா­ளர்­களை சந்­தித்­தார்.

அப்­போது அவர் கூறு­கை­யில்:

ஆதவ் அர்­ஜுனா அர­சி­ய­லில் ஒரு கள்ள லாரி, எத்­தனை கட்சி மாறி­வந்­துள்­ளார். பல்­வேறு கட்­சி­கள் மாறி வந்து தற்­போது தவெ­க­வுக்கு தாவி­யுள்­ளார். அவர் இந்த கட்­சி­யில் எத்­தனைநாள் தாக்­குப்­பி­டிப்­பார் என்­பதை பொறுத்­ தி­ருந்­து­தான் பார்க்க வேண்­டும்.

தி.மு.க. – அ.தி­.மு.க. இந்த இரண்டுகட்­சி­க­ளி­லும் மாறு­வது வேறு. ஆனால்பல கட்­சி­கள் மாறி­வ­ரு­ப­வர்­கள் ஓரி­டத்­தில் நிலை­யாக நிற்க மாட்­டார்­கள்.

அதற்கு இன்­றைய உதா­ர­ணம் ஆதவ் அர்­ஜுனா, அர்ப்­ப­னுக்கு வாழ்வு வந்­தால் அர்த்த ராத்­தி­ரி­யில் குடை பிடிப்­பது போல், ஆதவ் அர்­ஜு­னா­விற்கு வாழ்வு வந்­துள்­ளது.

ஆதவ் அர்ஜூனா

புது துடைப்பம்!

லாட்­டரி சீட்­டில் பணம் சேர்த்து, எப்­படி பணம் வந்­தது என்று தெரி­யா­மல், அந்த பணத்தை எப்­படி செலவு செய்­வது என்று தெரி­யா­மல், கண்ணுமண்ணு தெரி­யா­மல் தடித்த வார்த்­தை­களை ஆதவ் அர்­ஜுனா பயன்­ப­டுத்­து­கி­றார். அவ­ருக்கு தி.மு­.க­.வின் வர­லாறுதெரி­யாது. 76 ஆண்­டு­கால தி.மு.க. வர­லாற்­றில் இவ­ரைப் போன்ற பல பேரை நாங்­கள் பார்த்­துள்­ளோம். ஆதவ் அர்­ஜுனா போன்று பல பேர் இருந்­த­னர். அவர்­க­ளெல்­லாம் இன்று இல்லை.

புது துடைப்­பம் கொஞ்­சம் வேக­மா­கத்­தான் பெருக்­கும் என்­பார்­கள். அதே­போல் ஆதவ் அர்­ஜுனா ஒரு புது துடைப்­பம்.

ரொம்ப வேக­மாக பேசி­னால் மக்­கள் அதற்கு திரும்ப பதில் அடி கொடுப்­பார்­கள் இது­தான் தமிழ்­நாட்­டின் வர­லாறு. இதை ஆதவ் அர்­ஜுனா புரிந்து கொள்ள வேண்­டும்.

நேற்று உள்­ளாட்­சித் தேர்­த­லில் ஒரு இடத்­தில் வர முடி­யுமா என்று ஆதவ் அர்­ஜுனா சவால் விடு­கி­றார்.அடி­ம­டை­ய­னுக்கு கூட தெரி­யும் 1984 தேர்­தல் குறித்து. தி.மு.க. தோன்­றிய காலத்­தில் இருந்து பல தோல்­வி­க­ளை­யும் கண்­டுள்­ளோம். எங்­க­ளைப்போல வெற்றி பெற்­ற­வர்­க­ளும் கிடை­யாது. 1957–ல் இருந்து இது­வ­ரை­யில் தி.மு.­க­.வுக்கு என்று ஒரு தனிப்­பட்ட செல்­வாக்கு உள்­ளது. அது எந்த காலத்­தி­லும் குறைந்­தது கிடை­யாது. இவ்­வ­ளவு பேர் அணி மாறு­கி­றார்­களே..

தி.மு.­க­.வில் இருந்து யாரா­வது அணி மாறி உள்­ள­னரா? தி.மு.க. தொண்­டர்­கள் எங்­கும் செல்ல மாட்­டார்­கள். த.வெ.க. கொள்­கை­யைச் சொல்லி லட்­சி­யத்தை சொல்லி ஓட்டு கேட்டு வெற்றி பெற்­றார்­களா?

யார் எம்.­எல்.ஏ. என்று கூட தெரி­யா­மல் விஜய்க்­காக வாக்கு அளித்­துள்­ள­னர். எம்.­எல்.ஏ. பெயர், மந்­திரி பெயர்கூட தொகுதி மக்­க­ளுக்கு தெரி­யாது?

லாட்­டரி சீட்டு அடித்­தது போல் ஒரு லக்கு தமி­ழக வெற்­றிக் கழ­கத்­திற்கு அடித்­துள்­ளது. அது கூட முழு மெஜா­ரிட்டி கிடை­யாது. இந்த தேர்­தல் ஒரு விபத்து. உள்­ளாட்­சித் தேர்­த­லில் உள்­ளூர் காரர்­கள் யார் தகு­தி­யா­ன­வர்­களோ அவர்­க­ளுக்கு தான் மக்­கள் வாக்­க­ளிப்­பார்­கள்,

இப்ப போட்ட வாக்­கு­கள் எல்­லாம் விஜய்க்­காக வந்­ததே தவிர வேறு யாருக்­கா­க­வும் கிடை­யாது.

இப்­போது வந்­துள்ள மந்­தி­ரி­கள் எல்­லாம் யோக்­கி­யர்­களா? விஜய் வீட்­டிற்கு ரெய்டு செல்ல சென்­ற­வர் மந்­திரி ஆகி உள்­ளார் என்­றால் அது எப்­படி என்று சாதா­ரண மக்­க­ளுக்கு கூட தெரி­யும். இது­தான் மிகப்­பெ­ரிய லஞ்­சம்.அன்று அவரை காப்­பாற்­றி­ய­தற்­காக இன்று அவ­ருக்கு அமைச்­சர் பதவி கொடுத்­துள்­ளார். இப்­ப­டிப்­பட்ட யோக்­கி­யர்­களை கையில் வைத்­துக்­கொண்டு, ஆதவ் ­அர்­ஜுனா போன்­ற­வர்­கள் எல்­லாம் பேசி­னால் தி.மு.க .காரர்­கள் பேசி­னால் அவர்­கள் தாங்க மாட்­டார்­கள்.

மாணிக் தாகூர் எப்­படி வெற்றி பெற்­றார் என்று அவ­ருக்­கென்று ஒரு மன­சாட்சி இருந்­தால் முத­லில் அவர் அதை சொல்­லட்­டும், அவர் வெற்­றியை அவர் முத­லில் ஆய்வு செய்­யட்­டும் அப்­பு­றம் தி.மு.க. பற்றி பேசட்­டும். ஒரு கட்­சி­யி­ லி­ருந்து இன்­னொரு கட்­சிக்கு பத­விக்­காக செல்­ப­வர்­கள் ரொம்ப நாள் நிற்க மாட்­டார்­கள். ஆட்சி திடீ­ரென ஆறு மாதத்­தில் கவிழ்ந்து விட்­டால் மீண்­டும் அதே கட்­சிக்கு வந்து விடு­வார்­கள்.

ஆயா­ராம், சாயா­ராம் எல்­லாம் தமிழ்­நாட்­டிற்கு தெரி­யாது. ஆனால் அதனை இப்­போது போயி­ருப்­ப­வர்­கள் காட்­டு­கின்­ற­னர்.

ஆனால் ஒன்று,

ஸ்டாலி­னுக்கோ, உத­ய­நிதி ஸ்டாலி­னுக்கோ சவால் விடு­கிற தகுதி ஆதவ் அர்­ஜு­னா­வுக்கு இல்லை.

ஓட்டுப் போட்ட

மக்கள் புலம்புகிறார்கள்!

எம்.­ஜி.­ஆரை விட பெரிய தலை­வர்­கள் விஜ­யும் அல்ல மற்­ற­வர்­க­ளும் அல்ல. ஆனால் 1984 தேர்­த­லுக்கு பின்­னர் 1986 உள்­ளாட்சி தேர்­த­லில் 102 நக­ராட்­சி­யில் 90 நக­ராட்­சி­யில் தி.மு.க. கூட்­டணி வெற்றி பெற்­றது.

ஆறு மாதத்­தில் முடிந்­தால் உள்­ளாட்­சித் தேர்­தலை வையுங்­கள், ஒரு மேயர் இடத்­தி­லா­வது தமி­ழக வெற்­றிக் கழ­கம் வெற்றி பெற்­றால் நான் ஒரு பக்க மீசையை எடுத்­துக் கொள்­கி­றேன்.

இந்த சவாலை ஏற்க

தமி­ழக வெற்­றிக் கழ­கம் தயாரா?

கார­ணம் தமிழ்­நாடு மக்­கள் அவர்­க­ளுக்கு வாக்­க­ளித்­து­விட்டு இந்த ஒரு மாத­மாக சொல்­லு­கின்­ற­னர். தெரி­யா­மல் வாக்­க­ளித்து விட்­டோம் என்று.

எல்­லோ­ரும் பாலை ஊற்ற போகி­றார்­கள். நம்ம மட்­டும் தண்ணி ஊத்­து­ வோம் என்று நினைத்து எல்­லோ­ரும் தண்ணி ஊத்தி விட்­ட­னர். அதில் தான் வெற்றி பெற்­றுள்­ள­னர்.

இந்த விசித்­தி­ரம் நீண்ட நாள் நீடிக்­காது. எவ்­வ­ளவு சீக்­கி­ரம் வந்­ததோ அவ்­வ­ளவு சீக்­கி­ரம் கீழே வந்து விடும்

விஜய்க்கு ஒரு ஆபத்து வரப்­போ­கி­றது என்­றால் அதற்கு கார­ணம் ஆதவ் அர்­ஜுனா தான்.

அண்­ணா­மலை எப்­படி கட்சி ஆரம்­பிக்­கி­றார்? யாரை எதிர்க்க போகி­றார்? யாருக்கு பி பார் டியாக இருக்­கப் போகி­றார் யாருக்கு சி பார்­டி­யாக இருக்க போகி­றார் எந்த டீம்­மாக இருக்­கப் போகி­றாய் என்­பதை பார்த்து தான் சொல்ல முடி­யும்.

தி.மு.க. – காங்­கி­ரஸ் கூட்­டணி தொடர்­கி­றது என்று ப.சிதம்­ப­ரம் கூறி­யி­ருந்­தா­லும் நாங்­கள் காங்­கி­ரஸ் கூட்­ட­ணியை டைவர்ஸ் செய்து விட்­டோம்.

சில கட்­சி­கள் எங்­களை விட்டு சென்­ற­வர்­கள் எங்­க­ளுடைய ஆலோ­ச­னை­யோடு சென்று உள்­ள­னர். அது ஒரு வகை­யான டைவர்ஸ்.

ஆனால் காங்­கி­ரஸ் உடன் செய்­துள்ள டைவர்ஸ் வேறு வகை­யா­னது. (கள்­ளத்­தொ­டர்பு)

கொள்கைக்காக இயங்கும்

கட்சி தி.மு.க.!

இனி­மேல் எந்த காலத்­திலும் முது­கில் குத்­து­விட்டு ஓடி­ய­வர்­களை சேர்க்க மாட்­டோம். அவர்­க­ளோடு ஒட்டு உறவு கிடை­யாது.

இனி கட்சி தொண்­டன் அவர்­களை ஏற்­றுக் கொள்ள மாட்­டார்­கள்.

காங்­கி­ரஸ் எங்கு உள்­ளதோ அந்தக் கூட்­ட­ணி­யு­டன் நாங்­கள்இருக்க மாட்­டோம். ஓடிப்­போன மனை­வி­யோடு யாரும் வாழ மாட்­டார்­கள்.

எதிர்­கா­லத்­தில் பா.ஜ­.க­.வோடு கூட்­டணி செல்­லும் வாய்ப்பு சத்­தி­ய­மாக இல்லை.

துரை வைகோ தற்­போது மாற்றிப் பேசு­கி­றார். இன்று மாலை கூறி­யுள் ­ளார் தி.மு.­க­.வில் தான் நீடிக்­கி­றோம் என்று கூறி­யுள்­ளார்.

யார் தமி­ழக வெற்­றிக் கழ­கம் பக்­கம்போனா­லும் நாங்­கள் கவ­லைப்­பட போவ­தில்லை.

ஜெய­ல­லி­தா­வையே தோற்­க­டித்­த­வர்­கள் நாங்­கள். தி.மு.க. அர­சி­யல் கட்சி அல்ல இலட்­சி­யத்­துக்­காக கொள்­கைக்­காக இயங்­கும் கட்சி.இதனை யாரா­லும் அழிக்க முடி­யாது.

நிர்­மல் குமார் தற்­போது அமைச்­சர்இதற்கு முன்­பாக அ.தி.­மு­.க­.வின் செய்திதொடர்­பா­ளர். அடுத்து எந்த கட்­சி­யில் இருக்­கி­றார் என்­பதை பார்ப்­போம். காலை­யில் ஒரு கட்சி மாலை­யில்ஒரு கட்சி லாரி­யில் ஏறிப் போகி­ற­வர்­கள்பற்றி எல்­லாம் நான் பேச முடி­யாது.

இந்­தியா கூட்­ட­ணி­யில் நாங்­கள் இல்லை. காங்­கி­ரஸ் இருக்­கும் கூட்­ட­ணி­யில் நாங்­கள் இல்லை.

இவ்வாறு கழக அமைப்­புச் செய­லா­ளர் ஆர்.எஸ்.பாரதி பேட்டி யளித்தார்.