மஸ்கட், ஜூன் 9–
ஓமன் திமுக அயலக அணி சார்பில் முத்தமிழ் அறிஞர் கலைஞரின் 103-வது பிறந்தநாள் விழா மிக விமர்சையாக மஸ்கட் மாநகரில் நடைபெற்றது.
இந்நிகழ்ச்சியினை ஓமன் தி.மு.க. செயலாளர் சிவக்குமார் துவக்கி வைக்க, அவைத்தலைவர் பாலமுருகன் வரவேற்புரை ஆற்றிட, பொருளாளர் சிவசெந்தில் நிகழ்ச்சியினை தொகுத்து வழங்கி நன்றி உரை ஆற்றினார்.
இந்நிகழ்ச்சியில் ஓமன் தி.மு.க. அயலக அணி துணை அமைப்பாளர்கள் முகமது பாரூக் அயூப் கான், மற்றும் நிர்வாக குழு சார்ந்த உறுப்பினர்களான முனைவர் சுந்தர வடிவழகன், ராமச்சந்திரன், ஓம் பிரகாஷ், கவிஞர் சுதர்சன், மாணிக்கவேல், தயாநிதி, மார்சலின், ராஜன், பிராங்கிளின், சுவாஜிதின் அபுததிர், கோபாலகிருஷ்ணன், மருத்துவர் மலர்வண்ணன், சுந்தர், மருத்துவர் பஷீர் அகமத், பேச்சி முத்து, பாட்ஷா, காதர், முகமது அன்சாஷ் முகமது இஸ்மாயில், நசீர் கான், ஹாஜா மைதீன், முகமது சுபயான், அகம் மைதீன், வைஸ்லீ பேராசிரியர் மாரிமுத்து, ராஜகோபால், கண்ணதாசன், பிரதீப், குமார், சலாருதீன், அப்துல் சமத், கமல் பிரவீன் ராஜ், சதீஷ், தாரிக், ரபிக், காமில் மற்றும் கழக மகளிர் அணியைச் சார்ந்த நிர்வாகிகள் ரேவதி அறிவுச்செல்வி, உமா மகேஸ்வரி, சத்யா, அஸ்மா பேகம், பகரா பாத்திமா, யோகன், அவந்திகா,
கவிஸ்ரீ மற்றும் ஓமன் திமுக GENZ குரூப்ஸ் மற்றும் பல்வேறு துறையை சார்ந்த வல்லுனர்கள் மற்றும் பொதுமக்கள் கலந்து கொண்டனர். இந்நிகழ்ச்சியில் கலந்து கொண்டு பேசிய அனைவரும் நம் சமூக நீதியின் சூரியன் கலைஞர் அவர்களால் தமிழ்நாட்டிற்கு ஏற்பட்ட அரை நூற்றாண்டு சாதனைகளை வரலாற்றுச் செய்திகளை பேசியது சிறப்பு வாய்ந்ததாக அமைந்திருந்தது.
முத்தமிழ் அறிஞர் கலைஞர் அவர்களால் ஒவ்வொரு குடும்பமும் பெற்ற நன்மைகளும், கலைஞர் அவர்கள் ரத்து செய்த நுழைவுத் தேர்வுகளைப் பற்றியும் அடிப்படை கல்வி முதல் கல்லூரி கல்வி வரை அவர் நம் தமிழ் சமூகத்திற்கு செய்த எண்ணற்ற நன்மைகளும் குறிப்பாக பெண்களின் முன்னேற்றத்திற்காக அவர் கொண்டு வந்த சீர்திருத்தங்களும் என அனைத்து தகவல் களஞ்சியங்களும் அனைவருக்கும் அறியும் வண்ணம் எடுத்துரைக்கப்பட்டது.
தமிழ்த்தாய் வாழ்த்துக்களோடு தொடங்கப்பட்ட இந்த நிகழ்ச்சி இறுதியில் அனைவரின் மனதிலும் “ கலைஞர் ஓர் சகாப்தம்” என்ற எண்ணங்களோடு மீண்டும் கழக ஆட்சியினை கொண்டு வர வேண்டும் என்று உறுதி மொழி ஏற்பு நிகழ்ச்சியாக முடிந்தது.