கோவை, ஜூன் 9 –
தமிழ்நாட்டு மக்களுக்காக பல்வேறு நலத்திட்டங்களை செயல்படுத்தி ஒரு நாளைக்கு 24 மணி நேரத்தில் 20 மணி நேரம் உழைத்தவர் எங்கள் நெஞ்ச மெல்லாம் நிறைந்திருக்கும் கழகத் தலைவர் முத்துவேல் கருணாநிதி ஸ்டாலின் அவர்கள் என்று கோவை தெற்கு சட்டமன்ற தொகுதியில் உதய சூரியன் சின்னத்தில் வாக்களித்து வெற்றி பெறச் செய்த வாக்காளப் பெருமக்களுக்கு நன்றி தெரிவிக்கும் நிகழ்ச்சியில் வி.செந்தில் பாலாஜி பெருமிதத்து டன் கூறினார்.
அவர் கூறியதாவது :- கோவை தெற்கு சட்டமன்ற தொகுதியில் போட்டியிடக்கூடிய வாய்ப்பை கழகத் தலைவர், தளபதி அவர்கள் எனக்கு வழங்கி, கோவை தெற்கு சட்டமன்ற தொகுதி வாக்காள பெருமக்களுடைய அன்போடும், ஆசியோடும் கோவை தெற்கு சட்டமன்ற தொகுதி உறுப்பினராக “உதயசூரியன்” சின்னத்தில் வாக்களித்து வெற்றி பெறச்செய்த வாக்காள பெருமக்களுக்கு நன்றி தெரிவிக்கின்ற இந்த நிகழ்விலே பங்கெடுத்திருக்கின்ற கோவை மாநகர் மாவட்ட கழக பொறுப்பாளர் துரை.செந்தமிழ் செல்வன், பகுதி கழக செயலாளர் பசுபதி, மாநகராட்சி மேயர் கா.ரங்கநாயகி ராமச்சந்திரன்,மாவட்ட துணைச் செயலாளர்கள் கோட்டை அப்பாஸ், கல்பனா செந்தில், மாமன்ற உறுப்பினர் சாந்தி முருகன், தலைமைச் செயற்குழு, பொதுக்குழு உறுப்பினர்கள், பகுதி கழக நிர்வாகி கள், வட்டக் கழக செயலாளர் நிர்வாகிகள், பி.எல்.ஏ. 2 பிஎல்சி, தோழமைக் கட்சி நிர்வாகிகள் மற்றும் செந்தில்குமார் உள்ளிட்ட அனைத்து கழக நிர்வாகி களுக்கும் அன்பு கலந்த வணக்கத்தையும், நன்றியையும் அன்போடு தெரிவித்துக் கொள்கிறேன்.
கழகத் தலைவர், தளபதி அவர்கள் தமிழ்நாட்டின் முதலமைச்சராக இருந்து 1 கோடி 51 லட்சம் தாய்மார்களுக்கு மாதம் 1,000 ரூபாய் கலைஞர் மகளிர் உரிமைத் தொகை திட்டம், விடியல் பயண திட்டம், நான் முதல்வன் திட்டம், புதுமைப்பெண் திட்டம், தமிழ் முதல்வன் திட்டம், இல்லம் தேடி கல்வி திட்டம், மக்களைத் தேடி மருத்துவ திட்டம், காலை உணவுத் திட்டம், 2 லட்சம் விவசாயிகளுக்கு இலவச மின் இணைப்புத் திட்டம், தாய் மாணவர் திட்டம், அன்புக் கரங்கள் திட்டம் என பல்வேறு சிறப்புத் திட்டங்களை தமிழ்நாட்டு மக்களுக்கு வழங்கி இந்தியாவிற்கே வழிகாட்டக்கூடிய திராவிட மாடல் ஆட்சியை நடத்தியவர் நம்முடைய கழகத் தலைவர், போற்றுதலுக்குரிய தளபதி அவர்கள்,
தளபதி அவர்களின் ஆசியோடும், மதச்சார்பற்ற முற்போக்கு கூட்டணி கட்சிகளின் ஆதரவோடும் கோவை தெற்கு தொகுதியில் போட்டியிடக் கூடிய வாய்ப்பைப் பெற்று உங்களுடைய ஆதரவோடு சட்டமன்ற உறுப்பினராக வெற்றி பெற்று மக்கள் பணியாற்றுக்கூடிய வாய்ப்பைத் தந்த கோவை தெற்கு சட்டமன்ற தொகுதி வாக்காள பெருமக்களுடைய மலர்ப் பாதங்களில் அன்பு கலந்த நன்றியை இந்த நேரத்தில் பணிவன்போடு சமர்ப்பித்து, இந்த நன்றி என்பது வெறும் வார்த்தையாக இல்லாமல் கோவை தெற்கு சட்டமன்ற தொகுதியின் வளர்ச்சிக்கு தேவையான திட்டங்களை கொண்டுவந்து சேர்ப்பதில் முதல் நபராக நின்று சிறப்பாக உங்களுடைய ஆசியோடு பணியாற்றுவேன் என்ற உறுதியை உங்களுக்கு அன் போடு தெரிவித்துக் கொள்கிறேன்.
தற்பொழுது நடைபெற்றுக் கொண்டிருக்கின்ற இந்த அரசு என்பது மக்களுக்கான ஒரு அரசாக இல்லாமல், தேர்தல் நேரத்தில் கொடுக்கப்பட்ட வாக்குறுதிகளை நிறைவேற்றுவ தற்கான மனமில்லாத ஒரு அரசாக, தேர்தல் நேரத்தில் சொன்ன வாக்குறுதிகளுக்கும், இப்போழுது செய்து கொண்டிருக்கின்ற நிகழ்வுகளுக்கும் முற்றிலும்மாக ரீல்ஸ் மோகம் கொண்ட அரசாக செயல்பட்டுக் கொண்டிருப்பதை தமிழ்நாட்டு மக்கள் பார்த்துக் கொண்டிருக்கின்றார்கள்.
தமிழ்நாட்டு மக்களுக்கு என்ன செய்தோம் என்பதை சொல்கின்ற அரசாக திராவிட மாடல் அரசை நடத்தியவர் கழகத் தலைவர், தளபதி அவர்கள், அவர் மக்களுக்காக ஒரு நாளைக்கு 24 மணி நேரத்தில் 20 மணி நேரம் உழைத்தவர், கழகத் தலைவர், முத்துவேல் கருணாநிதி ஸ்டாலின் அவர்களின் தலைமையிலான திராவிட மாடல் ஆட்சியில் கோவை மாநகரில் 300 கோடி ரூபாய் மதிப்பீட்டில் பெரியார் அறிவகம், கோவை - அவிநாசி சாலையில் ஜிடி நாயுடு பெயரிலே மேம்பாலம், செம்மொழி பூங்கா, மேற்கு புறவழிச்சாலை என பல்வேறு சிறப்புத் திட்டங்களை கோவை மாவட்டத்திற்கும், மாநகராட்சிக்கும் வழங்கியவர் கழகத் தலைவர், தளபதி அவர்கள்.
நிச்சயமாக நம்முடைய கோவை மாவட்ட மக்களும், மாநகராட்சி மக்களும் நன்றி உணர்வோடு வரக்கூடிய காலங்களிலும் மிகச் சிறப்பாக ஆதரவை தருவார்கள் என்ற நம்பிக்கையோடு இந்த கோவை தெற்கு சட்டமன்ற தொகுதியில் என்னை வெற்றி பெறச்செய்த உங்கள் அனைவருடைய பாதங்களிலும் என்னுடைய அன்பு கலந்த நன்றியை இந்த நேரத்தில் பணிவன்போடு சமர்ப்பித்து வெற்றிக்கு அயராது உழைத்த கழக நிர்வாகி கள், தோழமை இயக்கத்தினுடைய நிர்வாகிகள் என அனைவருக்கும் மனமார்ந்த நன்றி! நன்றி!! நன்றி!!!, இங்கே சிறப்பான வரவேற்பு கொடுத்த நல்ல உள்ளங்களுக்கும் கழக நிர்வாகிகளுக்கும், கோவை தெற்குசட்டமன்ற தொகுதி பொது மக்களுக்கும் நன்றி தெரிவித்தார்.