திருவள்ளூர், ஜூன் 10–
திருவள்ளூர் மாவட்டம் பெரியபாளையம் தொடக்க வேளாண்மை கூட்டுறவு கடன் சங்கக் கட்டிடத்தில் செயல்பட்டு வரும் அம்மா மருந்தகத்தில் தமிழக வெற்றிக் கழக எல்லாபுரம் மேற்கு ஒன்றிய செயலாளர் சஜித் தலைமையில் தவெக நிர்வாகிகள் ஆய்வு என்ற பேரில் அலப்பறை இந்த சம்பவத்தால் பரபரப்பை ஏற்படுத்தியுள்ளது.
தவெக நிர்வாகிகள் மருந்தகத்திற்கு சென்று ஆய்வு மேற்கொண்டபோது, அங்கு இருந்த ஒரு மூட்டையை பிரித்து வெளியே கொட்டியதாக கூறப்படுகிறது. அதில் காலாவதியான மருந்துகள் இருந்ததை சுட்டிக்காட்டி, “ஏன் காலாவதியான மருந்துகளை மருந்தகத்தில் வைத்துள்ளீர்கள்?” என்று ஊழியர்களிடம் கேள்வி எழுப்பியதுடன் வாக்குவாதத்திலும் ஈடுபட்டனர்.
இதற்கு பதிலளித்த மருந்தக ஊழியர்கள், காலாவதியான மருந்துகள் விற்பனைக்காக வைக்கப்படுவதில்லை என்றும், அவற்றை தனியாக மூட்டையாக கட்டி வைத்து பின்னர் அப்புறப்படுத்துவது வழக்கமான நடைமுறை என்றும் விளக்கம் அளித்தனர். எனினும், அந்த விளக்கத்தைஏற்க மறுத்த தவெக நிர்வாகிகள் தொடர்ந்து கேள்வி எழுப்பியதாக கூறப்படுகிறது.
அப்போது, “அரசு அதிகாரிகள் அல்லது மக்கள் பிரதிநிதிகள் யாரும் இல்லாமல் நீங்கள் எவ்வாறு ஆய்வு மேற்கொள்கிறீர்கள்?” என்று கேள்வி எழுப்பப்பட்டது
அரசு அதிகாரிகள் மற்றும் மக்கள் பிரதிநிதிகள் மேற்கொள்ள வேண்டிய ஆய்வுப் பணிகளில் அரசியல் கட்சி நிர்வாகிகள் தலையிடுவது குறித்து அரசு ஊழியர்கள் மத்தியில் அதிருப்திநிலவு வதாக கூறப்படுகிறது.