சென்னை, ஜூன் 10 –
போதைப் பொருள் கடத்தல் வழக்கில் வெளிநாட்டில் தலைமறைவாக உள்ள சர்வதேச போதைப் பொருள் கடத்தல் மன்னன் ஜான் பிரிட்டோ மீதான வழக்கை அமலாக்கத்துறை கையில் எடுத்துள்ளது. இதனால் ஜான் பிரிட்டோவின் தங்கை லீமா ரோஸ் மார்ட்டின் மற்றும் லீமா ரோஸ் மார்ட்டின் மகள் டெய்சி ஆதவ் அர்ஜூனா ஆகியோரும் போதைப் பொருள் வழக்கில் சிக்கியிருக்கும் தகவல்கள் தற்போது வெளியாகி பரபரப்பை ஏற்படுத்தியுள்ளது. அதில், டெய்சி தமிழக அமைச்சர் ஆதவ் அர்ஜூனா மனைவி என்பதால் அவர்கள் மூலம் த.வெ.க. அரசுக்கு நெருக்கடி ஏற்பட்டுள்ளதாக கூறப்படுகிறது.
டென்மார்க், மியான்மர் உள்ளிட்ட நாடுகளில் இருந்து சாலை மார்க்கமாக இந்தியாவுக்குள்
அதிகளவில் உயர் தர போதைப் பொருட்கள் கடத்தப்பட்டு வருகிறது. இதை மத்திய போதைப் பொருள் தடுப்பு பிரிவு அதிகாரிகள் கண்காணித்து நடவடிக்கை எடுத்து வருகின்றனர். இருந்தாலும், உணவுப்பொருள், தானியங்கள் ஏற்றுமதி உள்ளிட்டவைகள் மூலம் போதைப் பொருட்கள் இந்தியாவுக்குள் சாலை மார்க்கமாக கடத்தி வரப்படுகிறது. அப்படி கடத்தி வரும் பல நூறு கோடி போதைப் பொருட்கள் ரயில் மூலம் சென்னை வழியாக கொண்டு வந்து ராமநாதபுரம் மற்றும் மண்டபம் வழியாக கடல் மார்கமாக படகுகள் மூலம் இலங்கைக்கு தடையின்றி கடத்தப்பட்டு வருகிறது. போதைப் பொருள் கடத்தல் கும்பல், மத்திய போதைப் பொருள் தடுப்பு அதிகாரிகளின் கவனத்தை திசைத்திருப்பிவிட்டு தமிழகம் வழியாக கடத்தி வரப்பட்ட போதை பொருட்கள் இலங்கைக்கு படகுகள் மூலம் கொண்டு சென்று அங்கிருந்து சர்வதேச நாடுகளுக்கு கடத்தப்பட்டு வருகிறது. இது கடந்த பல ஆண்டுகளாக தடையின்றி நடந்து வருவதாக கூறப்படுகிறது.
உயர் ரக
போதைப் பொருள்!
இதற்கிடையே பல நாள் திருடன் ஒரு நாள் அகப்படுவான் என்பது போல் மியான்மார், டென்மார்க் போன்ற நாடுகளில் இருந்து உயர் ரக போதைப் பொருட்கள் இந்திய கடலோர எல்லையான மன்னார் வளைக்குடா வழியாக இலங்கைக்கு கடந்த 2024 மார்ச் 5ம் கடத்தப்படுவதாக மத்திய போதைப் பொருள் தடுப்பு பிரிவுக்கு ரகசிய தகவல் கிடைத்தது. அதன்படி அன்று அதிகாலை 5 மணிக்கு மத்திய போதைப் பொருள் தடுப்பு பிரிவு அதிகாரிகள் இந்திய கடலோரக் காவல்படையினருடன் இணைந்து நடத்திய கூட்டு அதிரடி சோதனையில், இலங்கைக்குக் மீனவர்கள் படகுகள் மூலம் கடத்தப்பட்டு வந்த ரூ.108 கோடி மதிப்புள்ள 99 கிலோ உயர் ரக கஞ்சா பறிமுதல் செய்தனர்.
தமிழகத்திற்குள்ளும்
போதைப் பொருள் விற்பனை!
அப்போது கைது செய்யப்பட்ட நபர்கள் அளித்த தகவலின் படி, இந்த போதைப் பொருள் கடத்தல் வழக்கில் கோவை மாவட்டம் சத்தியமங்கலம் சிவநந்தபுரம் திருவள்ளுவர் நகரைச் சேர்ந்த ஜான் பிரிட்டோ (57) என்பவர் இருந்தது தெரியவந்தது. இவர் சர்வதேச போதைப் பொருள் கடத்தல் கும்பலின் நேரடி தொடர்பில் உள்ள முக்கிய போதைப் பொருள் கடத்தல் மன்னன் என்று விசாரணையில் தெரியவந்தது. ஜான் பிரிட்டோ தான் இந்தியாவுக்கான போதைப் பொருள் கடத்தலை தலைமை ஏற்று இலங்கைக்கு போதைப் பொருள் கடத்தி வந்தது தெரியவந்தது.
இவர் மூலம் 15 நாடுகளுக்கு போதைப் பொருள் கடத்தி வந்ததும், அதன் மூலம் ஜான் பிரிட்ேடா பல ஆயிரம் கோடி ரூபாய் சட்டவிரோதமாக சம்பாதித்து, அந்த பணத்தை தனது உறவினர்கள் மூலம் பல நிறுவனங்களில் முதலீடு செய்து வந்ததும் தெரியவந்தது. பல ஆண்டுகளுக்கு மேலாக ஜான் பிரிட்டோ சர்வதேச போதை பொருள் கும்பல் தலைவனாக இருந்து பல ஆயிரம் டன் போதைப் பொருட்கள் மத்திய போதை தடுப்பு பிரிவு அதிகாரிகளுக்கு தெரியாமல் ‘குருவிகள்’ உதவியுடன் ராமநாதபுரம் மற்றும் மண்டபம் பகுதிக்கு போதைப் பொருள் லாரிகள் மற்றும் கார்கள் மூலம் கடத்தி வந்து மீனவர்கள் உதவியுடன் இலங்கைக்கு சர்வதேச கடல் எல்லையை தண்டி போதை பொருள் கடத்தி வந்தது தெரியவந்தது. தமிழகத்திற்குள்ளும் போதைப் பொருளை
பல ஆண்டுகளாக ஜான்பிரிட்டோ விற்பனை செய்து வந்ததும்
தெரியவந்துள்ளது.
அதேநேரம், ஜான் பிரிட்டோ உத்தரவுப்படி சென்னை வியாசர்பாடி சாஸ்திரி நகர் 11வது தெரு வைச் சேர்ந்தவர் யேசுராஜ் (35), மோனிஷா ஷீலா, பிலோமன்
பிரகாஷ் ஆகிய 3 பேர் உதவி யுடன் கடந்த 2024ம் ஆண்டு