உளுந்­தூர்­பேட்டை, ஜூன் 10 -–

கள்­ளக்­கு­றிச்சி மாவட்­டம், உளுந்­தூர்­பேட்டை சட்­ட­மன்­றத் தொகு­தி­யில் வெற்றி பெற்ற ஜி.ஆர்.வசந்­த­வேல் எம்.எல்.ஏ. தனக்கு வாக்­க­ளித்து வெற்றி பெற செய்த மக்­களை நேரில் சந்­தித்து நன்றி தெரி­வித்து வரு­கி­றார், அதன்­படி உளுந்­தூர்­பேட்டை மேற்கு ஒன்­றி ­யத்­திற்கு உட்­பட்ட பிடா­கம், எறை­யூர், தானம், பல்­ல­வாடி, கொம்ம சமுத்­தி­ரம், கா.பாளை­யம், காட்டு எடை­யார், காட்­டுச் செல்­லூர், நரி பாளை­யம் உள்­ளிட்ட பல்­வேறு கிரா­மங்­க­ளில் மக்­களை சந்­தித்து நன்றி தெரி­வித்­தார்.

அப்­போது அவர் பேசு­கை­யில்:கடந்த திரா­விட மாடல் ஆட்­சி­யில் மக­ளிர்­க­ளுக்கு எண்­ணற்ற திட்­டங்­களை மு.க.ஸ்டாலின் அவர்கள் செய்து கொடுத்­தார், ஆனால் தற்­போ­தைய ஆட்­சி­யில் ஒரு மாதம் கூட ஆகாத நிலை­யில் விவ­சா­யி­களை வஞ்­சிக்­கப்­பட்டு வரு­கின்­ற­னர், பல தேர்­தல் வாக்­கு­று­தி­களை கொடுத்து ஒன்றை கூட செயல்­ப­டுத்­த­வில்லை, ஆட்­சிக்கு வந்து ஒரு மாதம் ஆகி­விட்­டது பித்­த­லாட்ட ஆட்­சியை நடத்­திக் கொண்­டி­ ருக்­கி­றார் ஷோபா மாடல் முதல்­வர் விஜய், இந்த ரீல்ஸ் ஆட்சி கழக தலை­வர் மு.க.ஸ்டாலின் அவர்கள் சொன்­னது போல் மூன்று மாதம் கூட நீடிக்­காது என்ற சந்­தே­கம் மக்­க­ளி­டையே எழுந்­துள்­ளது, மீண்­டும் திரா­விட மாடல் ஆட்சி அமைந்­தி­ருந்­தால் மு.க.ஸ்டாலின் அவர்கள் கூறி­ய­படி ரூ.2,000 மக­ளிர் உரி­மைத்­தொகை வங்­கிக் கணக்­கில் வரவு வைக்­கப்­பட்­டி­ருக்­கும், அதே­போல் இல்­லத்­த­ர­சி­க­ளுக்கு ரூ.8,000 கூப்­பன் வழங்­கப்­பட்­டி­ருக்­கும், அது­மட்­டு­மில்­லா­மல் விவ­சா­யி­க­ளின் பயிர்க் கடன் முழு­மை­யாக தள்­ளு­படி செய்­யப்­பட்டு இருக்­கும், ஆகவே மிக விரை­வில் திரா­விட மாடல் ஆட்சி வரும், முத­ல­மைச்­ச ­ராக முத்­து­வேல் கரு­ணா­நிதி ஸ்டாலின் மீண்­டும் பதவி ஏற்று இந்த சிறப்­பான திட்­டங்­களை எல்­லாம் செயல்­ப­டுத்­து­வார் என ஜி.ஆர்.வசந்­த­வேல் எம்.எல்.ஏ. கூறி­னார். இதில் உளுந்­தூர்­பேட்டை மேற்கு ஒன்­றிய கழக செய­லா­ளர், ஒன்­றிய குழு பெருந்­த­லை­வர் ப.ராஜ­வேல், துணைத் தலை­வர் அலெக்­சாண்­டர் மற்­றும் கழக நிர்­வா­கி­கள், கூட்­டணி கட்­சி­களைச் சேர்ந்த நிர்­வா­கி­கள் பலர் கலந்து கொண்­ட­னர்.