கோவை, ஜூன் 11–
திராவிட மாடல் ஆட்சியில் கடந்த ஜனவரி மாதம் நிறைவேற்றப்பட்ட திட்டத்தை ஜூன் மாதத்தில் புதிய அரசின் திட்டம் போல ஸ்டிக்கர் ஒட்டி விளம்பரப்படுத்துவதற்கு வெட்கமாக இல்லையா விஜய் அரசே? கோவை தெற்கு மாவட்ட மாணவர் அணி கூட்டத்தில் கண்டன தீர்மானம் நிறைவேற்றம்.
கோவை தெற்கு மாவட்டத்திற்கு உட்பட்ட ஒன்றிய, நகர, பகுதி, பேரூர் கழக மாணவர் அணி அமைப்பாளர்கள் துணை அமைப்பாளர்கள் ஆலோசனைக் கூட்டம் சூலூர் மாவட்ட கழக அலுவலகத்தில் மாவட்ட கழக செயலாளர் தளபதி முருகேசன் தலைமையில், மாவட்ட மாணவர் அணி அமைப்பாளர் சூலூர் பிரபு வரவேற்புரையில் மாநில மாணவர் அணி துணைசெயலாளர் வி.ஜி.கோகுல், மாவட்ட மாணவர் அணி துணை அமைப்பாளர் விக்னேஷ் ஆகியோர் முன்னிலையில் நடைபெற்றது. இக்கூட்டத்தில் ஒன்றிய, நகர, பகுதி, பேரூர் கழக அமைப்பாளர்கள், துணை அமைப்பாளர்கள் பலர் கலந்து கொண்டனர். கூட்டத்தின் இறுதியில் மாவட்ட மாணவர் அணி துணை அமைப்பாளர் தண்டபாணி நன்றியுரையாற்றினார்.
கூட்டத்தில் நிறை வேற்றப்பட்ட தீர்மானங்கள் வருமாறு :-
நடந்து முடிந்த சட்டமன்ற தேர்தலில் கோவை தெற்கு மாவட்டத்திற்குட்பட்ட பொள்ளாச்சி சட்டமன்ற தொகுதியில் போட்டியிட்டு வெற்றி பெற்ற கொ.ம.தே.க கே.நித்தி யானந்தம் அவர்களுக்கும், வால்பாறை சட்டமன்ற தொகுதியில் போட்டியிட்டு வெற்றி பெற்ற கழக வேட்பாளர் குட்டி (எ) சுதாகர் அவர்களுக்கும் சிறப்பு வாய்ந்த வரலாற்று வெற்றி பெற கடுமையாக உழைத்த கழக நிர்வாகி களுக்கும், மாணவரணி நிர்வாகிகளுக்கும் நெஞ்சம் நிறைந்த நன்றிகள். அதேபோல் சூலூர், கிணத்து க்கடவு தொகுதியில் போட்டியிட்ட கழக வேட்பா ளர்களை ஆதரித்து கடுமையாக உழைத்த மாணவர் அணி நிர்வாகிகளுக்கு இக்கூட்டத்தின் வாயிலாக நன்றியை தெரிவித்துக் கொள்கிறோம்.
நடந்து முடிந்த 17 வது சட்டமன்ற தேர்தலில் போட்டியிட்டு 59 சட்டமன்ற உறுப்பினர்களோடு வலிமை பொருந்திய எதிர்க்கட்சியாக செயல்படும் திராவிட முன்னேற்றக் கழகத்தை சட்டமன்றத்தில் வழிநடத்த எதிர்க்கட்சித் தலைவராகவும், திமுக சட்டமன்றகுழு உறுப்பினர்கள் தலைவராகவும் தேர்ந்தெடுக்கப்பட்டுள்ள கழக இளைஞர் அணி செயலாளர், இளம்தலைவர் உதயநிதி ஸ்டாலின் அவர்களுக்கு இக்கூட்டத்தின் வாயிலாக வாழ்த்துக்களை தெரிவித்துக்கொள்கிறோம்.
கடந்த ஐந்து ஆண்டுகளாக உலகமே வியக்கும் வகையில் சிறப்பாக ஆட்சி புரிந்த தமிழ்நாடு முதலமைச்சர், திராவிட பேரரசர் கழகத் தலைவர் அவர்களுக்கு நன்றிகளையும் பாராட்டுகளையும் இக்கூட்டத்தின் வாயிலாக தெரிவித்துக் கொள்கிறோம்.
முத்தமிழறிஞர் கலைஞர் அவர்களின் 103 வது பிறந்தநாளை முன்னிட்டு இம்மாதம் இறுதியில் கோவை தெற்கு மாவட்ட மாணவர் அணி சார்பில் மாவட்ட கழக செயலாளர் தளபதி முருகேசன் தலைமையில் “வீழ்வோம் என்று நினைத்தாயோ” என்ற தலைப்பில்
மாபெரும் கருத்தரங்கத்தை சிறப்பாக நடத்தி அதில் அதிகப்படியான மாணவ, மாணவிகள் மற்றும் இளைஞர்களை கலந்து கொள்ள செய்வதென தீர்மானம் நிறைவேற்றப்படு கிறது.
வருகின்ற 23ஆம் தேதி பி.எம் ஸ்ரீ திட்டத்திற்கு எதிர்ப்பு தெரிவித்து, சி.பி.எஸ்.சி பள்ளிகளில் முன்மொழிக் கொள்கை, உயர்கல்விக்கான ஒரு ஒழுங்குமுறை அமைப்பை நிறுவ முயலும் VBSA மசோதாவிற்கு எதிர்ப்பு தெரிவித்து கழக மாணவர் அணி சார்பில் ஜூன் 23 ஆம் தேதி ஆளுநர் மாளிகை முற்றுகை போராட்டத்தில் கோவை தெற்கு மாவட்ட கழகத்தின் சார்பாக மாணவர் அணி நிர்வாகிகள் கலந்து கொள்வது என தீர்மானம் நிறைவேற்றப்படுகிறது.
நாள் ஒரு பொய்! பொழுதொரு புளுகு! சோபா மாடல் தவெக கட்சியின் பித்தலாட்டம் வெட்கமாக இல்லையா விஜய் அரசே! தினமும் ஸ்டிக்கர் ஒட்டுவதை நிறுத்து!.
பதிவுத்துறையில் இணைய வழியில் ஆவண பதிவை தவெக அரசு அறிமுகப்படுத்தி இருப்பது போல செய்திகளை வெளியிட்டு, நேரில் வருகை தராமல் சார்பதிவாளர் அலுவலகத்தில் பத்திரப்பதிவு செய்யலாம் என்ற வீண் விளம்பரத்தை ஊடகங்கள் மூலம் பரப்புகிறது இந்த சோபா மாடல் அரசு, பத்திரப்பதிவு துறையை கணினி மயமாக்கி பொதுமக்களுக்கு எளிமையாக்கும் முறையை 06.02.2000 ஆண்டே முத்தமிழறிஞர் கலைஞர் அவர்கள் ஸ்டார் கணினி மயமாக்கும் திட்டத்தின் மூலம் தொலைநோக்கு பார்வையுடன் தொடங்கி வைத்தார். அதன் தொடர்ச்சியாக திராவிட மாடல் ஆட்சியில் 2026 ஜனவரி 23ம் தேதி அன்று ஸ்டார் 3.O என்ற காகிதம் இல்லா ஆவணப்பதிவு, நேரடி வருகை இல்லா ஆவணப்பதிவு, தானியங்கி பத்திர உருவாக்கம், சொத்து தொடர்பான பரிவர்த்தனைகளில் எளிய முறை உள்ளிட்ட 18 சேவைகளை உள்ளடக்கிய செயல் திட்டம் தொடங்கி வைக்கப்பட்டது. ஜனவரியில் நிறைவேற்றப்பட்ட திட்டத்தை ஜூன் மாதத்தில் புதிய அரசின் திட்டம் போல ஸ்டிக்கர் ஒட்டி விளம்பரப்படுத்துவதற்கு வெட்கமாக இல்லையா விஜய் அரசே? என்று இக்கூட்டத்தில் கண்டன தீர்மானம் நிறைவேற்றப்பட்டன.