நாகப்பட்டினம், ஜூன் 11 –
நாகை ஆட்சியர் அலுவல கத்தில் அமைச்சர் பங்கேற்ற ஆய்வு கூட்டத்தில் திடீர் மின்வெட்டு ஏற்பட்டதால் பரபரப்பு ஏற்பட்டது. இதனையடுத்து எல்.இ.டி. திரை வெளிச்சத்தில் அதிகாரிகள் ஆலோசனை நடத்தினர்.
ஆய்வு கூட்டம்
நாகை மாவட்ட ஆட்சியர் அலுவலகத்தில் வருவாய் மற்றும் பேரிடர் மேலாண்மை துறை சார்பில் இயற்கை இடர் பாடு முன்னேற்பாடுகள் குறித்த ஆய்வுக் கூட்டம் அமைச் சர் ஷாஜகான் தலைமையில் நேற்று முன்தினம் நடந்தது.
கூட்டத்தில் ஆட்சியர் பிரவீன்குமார், செல்வராஜ் எம்.பி., ஜவாஹிருல்லா எம்.எல்.ஏ.மற் றும் பல்வேறு அரசு துறைக ளின் அதிகாரிகள் கலந்து கொண்டனர்.
திடீர் மின்வெட்டு
கூட்டம் நடந்து கொண்டு இருந்தபோது அரங்கில் திடீ ரென மின்வெட்டு ஏற்பட்டது. திடீரென மின்வெட்டு ஏற்பட் டதால் அரங்கத்தில் பர
பரப்பு நிலவியது. உடனடியாக அதனை சரிசெய்யும் பணியில் அங்கிருந்த மின்சார ஊழியர் கள் ஈடுபட்டனர். இருப்பினும் மின்சாரம் வரும்வரையில் கூட் டத்தை நிறுத்த விரும்பாத கலெக்டர் பிரவீன்குமார், அரங்கில் இருந்த பிரமாண்ட எல்.இ.டி. திரையின் வெளிச் சத்தை பயன்படுத்தி கூட் டத்தை தொடர்ந்து நடத்தி னார். அமைச்சரும், அதிகாரி களும் அந்த வெளிச்சத்திலேயே ஆலோசனை மேற்கொண்ட னர்.
பரபரப்பு
கலெக்டர் அலுவலகத்தில் உள்ள ஜெனரேட்டர் தானியங்கி வசதி கொண்டதாகும் ஆனால் இந்த ஜெனரேட்டர் நேற்று மின்வெட்டு ஏற்பட்ட தும் தானாக இயங்கவில்லை. இதனால் மின்சார ஊழியர்கள் பழுதை சரிசெய்து ஜெனரேட் டரை இயக்கினார்கள். அரங்கிற்கு மின்சாரம் கிடைத்தது. அதன்பிறகே அரங்கில் இருந்த அதிகாரிகள் நிம்மதியடைந்தனர்.
ஆட்சியர் அலுவலகத்தில் அமைச்சர் பங்கேற்ற ஆய்வு கூட்டத்தில் திடீரென மின் வெட்டு ஏற்பட்ட சம்பவம் பெரும் பரபரப்பை ஏற்படுத்தி யது.
கூட்ட முடிவில் அமைச்சர் ஷாஜகான் நிருபர்களி டம் கூறும்போது, “மாவட்டத்தில் 2 நாட்களுக்கு முன்பு வீசிய கடும் காற்றால் சில பகுதிகளில் சிறிது நேரம் மின்தடை ஏற்பட் டது. அதுவும் சில மணி நேரங்களில்சரிசெய்யப்பட்டது” என்றார்.
திருச்சி, கடலூர்
அதேபோன்று, திருச்சி மாவட்ட கிராமப்புறங் களில் மின்வெட்டு அடிக்கடி ஏற்பட்டு வருவதாக கிராம மக்கள் குற்றம்சா ட்டுகின்றனர். ஜீயபுரம் பகுதியில் மின்வெட்டால் விவசாயிகள் வயல்களுக்கு தண்ணீர் பாய்ச்ச முடியாமல் அவதி அடைந்து வருகின்றனர்.
கடலூர் மாவட்டம் விருத் தாசலம் அருகே கம்மாபுரம் பகுதியில் பல மணி நேரம் மின் தடை ஏற்பட்டதால் மின்வாரிய அலுவலகத்தை விவசாயி கள் முற்றுகையிட்டு சாலை மறியலிலும் ஈடுபட்டனர்.
மேலும் பண்ருட்டி, சிதம்பரம் பகுதியிலும் அடிக்கடி மின் வினியோகம் நிறுத்தப்படுகிறது.
விழுப்புரம், தர்மபுரி, நாமக்கல், தஞ்சை, திருவாரூர், நாகை, கரூர் மற்றும் அரியலூர் மாவட்டங்களின் சில பகுதிகளில் அறிவிக்கப்படாத மின்வெட்டு ஏற் பட்டு வருகிறது. இதனால் பொதுமக்கள் மிகவும் அவதிக் குள்ளாகி வருகின்றனர்.
கோத்தகிரியில் நடைபெற்ற நீலகிரி மாவட்ட கட்டுமானப் பொறியாளர் சங்க ஆண்டு விழா மற்றும் சட்டமன்ற உறுப்பினர்கள் கௌரவிப்பு விழாவில் குன்னூர் சட்டமன்ற உறுப்பினர் கே.எம்.ராஜு,கூடலூர் சட்டமன்ற உறுப்பினர் திராவிட மணி ஆகியோர் கலந்துகொண்டு, விழாவினை துவக்கி வைத்தனர். இவ்விழாவில் மாவட்ட அவைத்தலைவர் போஜன்,கூடலூர் நகர செயலாளர் இளஞ்செழியன் பாபு, உட்பட கழக நிர்வாகிகள் மற்றும் சங்க நிர்வாகிகள் சம்பத், விஜயகாந்த், அசோக்குமார், கிறிஸ்தோபர், தமிழக பாண்டிச்சேரி பொறியாளர் சங்க நிர்வாகி ராகவன் மற்றும் பலர் கலந்து கொண்டனர்.