நாகர்கோவில், ஜூன் 11 –
கழகத் தலைவர் மு க ஸ்டாலினால் ரூபாய் 300 கோடி நிதி ஒதுக்கப்பட்ட குளச்சல் வாணியக்குடிமீன் பிடி துறைமுக பணியை உடனடி தொடங்க வேண்டுமென தமிழக மீன்வ ளத்துறை அமைச்சருக்கு நாகர்கோவில் சட்டமன்ற உறுப்பினர் ஆஸ்டின்கோரிக்கைவிடுத்துள்ளார்.
இது தொடர்பாக அவர் விடுத்துள்ள கோரிக்கையில் கடந்த 8.6. 2006 அன்று மாவட்ட ஆட்சித்தலைவர் அலுவலகத்தில் வைத்து மீன்வளத்துறை அமைச்சர் தலைமையில் மீனவர் களுக்கான நலத்திட்ட உதவிகள் வழங்கும்விழா மற்றும் ஆய்வுக் கூட்டம் நடைபெற்றது.
கூட்டத்தில் மீன் வளத்துறைஇயக்குனர் மற்றும் அதிகாரிகள் கலந்து கொண்டார்கள்.
முன்னாள் முதல்வர் மு.க.ஸ்டாலின் தலைமையிலானஆட்சியில் மீனவர்களுக்கான தடைக்கால நிவாரண நிதி ரூ.5000
லிருந்து ரூ.8000 ஆக உயர்த்தி வழங்கப்பட்டது.
தற்போது அரசு கடந்த தேர்தல் அறிக்கையில் அதை 20 ஆயிரம் .ஆக உயர்த்தஇருப்பதாக அறிவித்தது. அந்த வாக்குறுதியின் அடிப்படையில் மீனவர் களுக்கு 20000 ரூபாய் உயர்த்தி வழங்க வேண்டும் என்றும் கடந்த ஆட்சி காலத்தில் அழிக்கால் மீனவர் கிராமத்தை தூண்டி வளைவு அமைப்பதற்காக பணி மேற்கொள்ள நிதி ஒதுக்கப்பட்டு ஆய்வு பணியும் முடிந்தது அதனுடைய அறிக்கையும் அரசுக்கு அனுப்பப்பட்டு விட்டது .
ஆகவே வரக்கூடிய பட்ஜெட்டில் அழிக்கால் மீனவ கிராமத்தில் தூண்டில் வளைவு அமைப்பதற்கான நிதியை ஒதுக்கீடு செய்து பணியை மேற்கொள்ள வேண்டும் எனவும் குளச்சல் மீன் பிடி துறைமுக விரிவாக்க பணிக்கு ரூபாய் 150 கோடியும் வாணியக்குடி புதிய மீன் பிடித்துறைமுகம் அமைப்பதற்கு ரூபாய் 150 கோடியும் ஒதுக்கீடு செய்யப்பட்டு கடந்த பிப்ரவரி மாதம் முன்னாள் முதல்வர் மு.க.ஸ்டாலின் அவர்களால் அடிக்கல் நாட்டப்பட்டு நான்கு மாதங்கள் ஆகியும் அந்த பணி தொடங்கப்படவில்லை .
எனவே உடனடியாக அந்த பணிகளை தொடங்க வேண்டும் எனவும் கடலில் மீன் பிடிக்க செல்லும் மீனவர்களுக்கு விபத்து ஏற்படுகின்ற போது உடனடியாக அவர்களை மீட்கும் வகையில் கடல் ஆம்புலன்ஸ் வசதி செய்து தர வேண்டும் எனவும் பெரிய அளவிலான இயந்திரப் படகுகளை பதிவு செய்வதற்கு 240 hp மோட்டார் மற்றும் 24 அடி நீளம் இருக்க வேண்டும் என்ற விதியை தளர்த்தி பதிவு செய்ய தயாராக இருக்கும் சுமார் 700 இயந்திர படகுகளை பதிவு செய்து கொடுக்க வேண்டும் என்பது உள்ளிட்ட குமரி மாவட்ட மீனவர் நலன் காக்கும் பல்வேறு கோரிக்கைகளை கூட்டத் தில் வாயிலாக கோரிக்கையாக கொடுத்துள்ள மனுவில் குறிப்பிட்டுள்ளார்.