நெல்லை,ஜூன் 11–
நெல்லை மேற்கு மாவட்ட தி.மு.க. செயற்குழு கூட்டம் (09.06.2026 செவ்வாய்க்
கிழமை) அன்று மாலை 04.00 மணிக்கு நெல்லை மேற்கு மாவட்ட அலுவலகம் கலைஞர் அரங்கில் வைத்து நெல்லை மேற்கு மாவட்ட பொறுப்பாளர் இரா.ஆவுடையப்பன், தலைமையில் தலை மைச் செயற்குழு உறுப்பினர்கள் ஆ.பிரபாகரன், கே.கே.சி.பிரபாகரன், மாநில தொண்டர் அணி துணை செயலாளர் ஆவின் எம்.ஆறுமுகம், மாநில விவசாய தொழிலாளர் அணி துணை செயலாளர் கணேஷ்குமார் ஆதித்தன், மாவட்ட துணைச் செயலாளா்கள் மா.மைக்கேல், ப.தமயந்தி, கு.தமிழ்ச்செல்வன் ஆகியோர் முன்னிலையில் நடைபெற்றது.
இந்தக் கூட்டத்தில் விரைவில் வரவிருக்கும் அம்பாசமுத்திரம் சட்டமன்றத் தொகுதி இடைத்தேர்தலில் நமது கழகத் தலைவர் அன்புத்தளபதியார் அவர்கள் போட்டியிட வேண்டுமென இக்கூட்டத்தில் ஏக மனதாக தீர்மானம் நிறைவேற்றப்பட்டுள்ளது.
பின்னர் நெல்லை கிழக்கு மாவட்ட பொறுப்பாளர் இரா.ஆவுடையப்பன் பேசுகையில்.நெல்லை மேற்கு மாவட்டம் அம்பாசமுத்திரம் சட்டமன்ற தொகுதிய இடைத்தேர்தல் விரைவில் வரவிருக்கிறது.ஆகவே,ஒன்றிய,நகர பேரூர், கிளை கழக செயலாளர்கள் மிகுந்த கவனத்துடன்,ஆர்வத்துடன், ஒற்றுமையுடன் செயல்பட்டு அம்பாசமுத்திரம் தொகுதியில் பெருவாரியான வாக்கு வித்தியாசத்தில் வெற்றி பெற வேண்டும்.அனைத்து சார்பு அணி நிர்வாகிகளும் உடன் இணைந்து செயல்பட வேண்டும்.அதற்கான பணிகளை விரைவில் தொடங்க வேண்டும் என்றார்.
நிகழ்வில் பொதுக்குழு உறுப்பினா்கள் வி.இராம ச்சந்திரன், கா.அபூபக்கர், இரா.ரவிச்சந்திரன்.
ஒன்றிய செயலாளா்கள், பொறுப்பாளர்கள் அம்பாசமுத்திரம் மேற்கு பா.ஜெகன்,சேரன்மகாதேவி மேற்கு முத்து கிருஷ்ணன், ஆலங்குளம் கிழக்கு மு.செல்லத்துரை,தெற்கு, சிவக்குமார், மேற்கு க.சமுத்திர பாண்டியன், கீழப்பாவூர் வடக்கு சீ.பொன்செல்வன், கடையம் மேற்கு ஆ.ஜெயக்குமார்,கிழக்கு இரா.குமார், பாப்பாக்குடி வி.ஏ.மாரி வண்ணமுத்து
நகர செயலாளா் வி.கே. புரம் கி.கணேசன், பேரூா் செயலாளா்கள் மணிமுத்தாறு முத்து கணேசன், கல்லிடைக்குறிச்சி இசக்கி பாண்டியன்,வீரவநல்லூர் சுப்பையா, சேரன்மகாதேவி மணிஷா செல்வராஜ்,மேலச்செவல் மணிகண்டன், கோபால சமுத்திரம் டி.வானுவாமலை, ஆழ்வார்குறிச்சி ஆ.அழகேசன், முக்கூடல் லஷ்சுமணன்,ஆலங்குளம் நெல்சன், கீழப்பாவூர் ரெ.ஜெகதீசன்,மாவட்ட அணி அமைப்பாளர்கள்,மகளிர் அணி அமைப்பாளர் திவ்யா மணிகண்டன்,மகளிர் தொண்டரணி அமைப்பாளர் சங்கீதா சுதாகர், வழக்கறிஞா் அணி ஜெ.செல்வசூடாமணி,இலக்கிய அணி நெல்லைமணி,கலை இலக்கிய பகுத்தறிவு பேரவை அணி சு.க. நெடுஞ்செழியன்,தகவல் தொழில்நுட்ப அணி பிரேம் ஆனந்த், அயலக அணி கா.பீா்முகம்மது, பொறியாளர் அணி அருணன், இளைஞர் அணி துணை அமைப்பாளர்கள் வேல்முருகன், ஆகாஷ் ஆகியோா்கள் கலந்து கொண்டனா்.
நிகழ்ச்சி நிறைவில் மாவட்ட வழக்கறிஞர் அணி அமைப்பாளர் செல்வ சூடாமணி நன்றி கூறினார்.
இந்தக் கூட்டத்தில் நிறை
வேற்றப்பட்ட தீர்மானங்கள் வருமாறு:–
நடந்து முடிந்த தமிழ்நாடு சட்டமன்ற பொதுத் தேர்தலில் அம்பாசமுத்திரம் சட்டமன்றத் தொகுதியில் போட்டியிட்டு வென்ற அ.தி.மு.க. சட்டமன்ற உறுப்பினர் பதவி ஆசையில் சட்டமன்ற உறுப்பினர் பதவியை இராஜினாமா செய்துள்ளதால்,விரைவில் நடைபெறவுள்ள அம்பா சமுத்திரம் சட்டமன்ற இடைத்தேர்தலில் நமது கழகத்தலைவர் அன்புத்தளபதியார் முத்துவேல் கருணாநிதி ஸ்டாலின் அவர்கள் போட்டியிட வேண்டும்.என இக்கூட்டம் கேட்டுக்கொள்வதோடு, கழகத்தலைவர் அன்புத்தளபதியார் அவர்களின் வெற்றிக்கு கழக நிர்வாகிகள், கழகத்தோழர்கள் அனைவரும் இரவு,பகல் பாராது, கண் துஞ்சாமல் உழைத்து, பெருவாரியான வாக்கு வித்தியாசத்தில் வெற்றிபெற செய்ய வேண்டும்.என அனைவரையும் மாவட்ட கழகம் சார்பில் கேட்டுக் கொள்கிறோம்.
தமிழ்த்தாய் வாழ்த்து
அவமதிப்புக்கு கண்டனம்!
புதியதாக தமிழ்நாட்டில் ஆட்சி பொறுப்பில் அமர்ந்துள்ள முதலமைச்சர் சி.ஜோசப் விஜய் பதவியேற்பு விழா, சட்டப்பேரவைத் தலைவர் பதவியேற்பு விழா,அமைச்சர்கள் பதவியேற்பு விழா என ஆளுனரால் நடத்தப்பட்ட அனைத்து பதவியேற்பு விழா நிகழ்ச்சிகளிலும் தமிழர்களின் நெஞ்சில் நிலைத்திருக்கும் மனோன்மணியம் சுந்தரனார் எழுதிய “தமிழ்த்தாய் வாழ்த்து” பாடலை மூன்றாவதாக ஒலிக்கச் செய்து,தமிழை மூன்றாவது இடத்திற்கு கொண்டு சென்றதோடு மட்டுமல்லாமல்,அரசு நிகழ்ச்சிகளில் ஒரு போதும் இல்லாத வகையில் “வந்தே மாதரம்” பாடலை முதலாவதாக ஒலிக்க செய்ததையும், அதை கண்டிக்காத தமிழ்நாடு அரசின் மெத்தனமானப் போக்கை இக்கூட்டம் வன்மையாகக் கண்டிக்கின்றது.
விவசாயிகளின் கடனை
முழுமையாக தள்ளுபடி செய்க
!
தமிழ்நாட்டின் தேர்தலுக்கு முந்தைய பிரசாரத்தின்
போதும்,தேர்தல் அறிக்கையிலும் த.வெ.க.கட்சியின் தலைவர் சி.ஜோசப் விஜய் அவர்கள் விவசாயிகளின் விவசாய பயிர்க்கடன்களை ரத்து செய்யப்படும் என அறிவித்துவிட்டு, ஆட்சிக்கட்டிலில் அமர்ந்த பின்பு தமிழ்நாட்டு விவசாயிகளை வஞ்சிக்கும் நோக்கில் பாரபட்சமான முறையில் கடன் தள்ளுபடிகளை அறிவித்து,விவசாயிகள் தினந்
தோறும் ரோட்டில் இறங்கி போராடி வரும் நிலை உருவாகி யுள்ளது.இது தமிழகவிவசாயிகளின் வாழ்வாதாரத்தை பாதிக்கும் கடன் தள்ளுபடி ஆகும்.ஆகவே தமிழக அரசு உடனே போராடிவரும் விவசாயிகளின் கோரிக்கைகளை ஏற்று,அதன்படி விவசாய கடன்களை முழுவது மாக தள்ளுபடி செய்து அறிவிக்க இக்கூட்டம் கேட்டுக் கொள்கிறது.
திருநெல்வேலி மாவட்டத்தில் கடந்த விவசாய பருவத்தில் அறுவடை செய்த நெல்லை ஒன்றிய,மாநில அரசுகளின் 30க்கும் மேற்பட்ட நெல் கொள்முதல் நிலையங்களில் கொள்முதல் செய்யப்பட்டது.பல ஆயிரக்கணக்கான விவசாயிகள் தாங்கள் விளைவித்த நெல்லை அரசு கொள்முதல் நிலையங்களில் விலைக்கு கொடுத்தார்கள்.மாநில அரசு கொள்முதல் நிலையத்தில் கொள்முதல் செய்யப்பட்ட நெல்லுக்கு நமது கழகத்தலைவர் அன்புத்தளபதி யார் அவர்களின் அரசு பதவியில் இருக்கும்போது, விவசாயிகளுக்கு நெல்லுக்கான பணம் அவரவர் வங்கி கணக்கில் உடனடியாக வரவு வைக்கப்பட்டு விட்டது.ஆனால் ஒன்றிய அரசு கொள்முதல் நிலையத்தில் கொள்முதல் செய்யப்பட்ட நெல்லுக்கு மூன்று மாதங்கள் ஆகியும்,விவசாயிகளுக்கு இதுவரை பணம் வரவு வைக்கப்படவில்லை. சுமார் 82 கோடிக்கு மேல் விவசாயிகளின் பணம் வரவு வைக்கப்படவில்லை.இதற்காக விவசாய பெருங்குடி மக்கள் தினமும் போராடி வரும் நிலையில் தமிழ்நாடு அரசு உடனடியாக விவசாயிகளின் கோரிக்கையை ஏற்று, ஒன்றிய அரசிடம் வலியுறுத்தி விவசாயி களின் பணத்தை அவர்களது வங்கி கணக்கில் உடனே வரவு வைக்க வேண்டும் என இக்கூட்டம் கேட்டுக்கொள்கிறது.
சட்டம் ஒழுங்கு முற்றிலும் சீர்கேடு!
சி.ஜோசப் விஜய் தமிழ்நாட்டின் முதலமைச்சராக பதவியேற்ற 10.05.2026 தேதியில் இருந்து தமிழகம் முழுவதும் கொலை, கொள்ளை,பாலியல் வன்கொடுமை,ரவுடியிசம் என பல குற்ற சம்பவங்கள் தினந்தோறும் நடந்து வருகிறது.அதைப்பற்றி கவலைப்படாத முதலமைச்சர் தமிழ்நாட்டை ஆண்டு வருகிறார். தேர்தலுக்கு முந்தைய தேர்தல் பிரச்சாரத்தின் போது அவர் பேசியபோது,தான் ஆட்சியில்அமர்ந்த மறுநிமிடம் தமிழ்நாட்டின் சட்ட ஒழுங்கை உடனே சரிசெய்வேன் என்று சினிமா பாணியில் வசனம் பேசிவிட்டு, இப்போது நான் என்ன செய்ய முடியும், எல்லாவற்றிக்கும் கால அவகாசம் வேண்டும் என்று கூறுகிறார்.இது நாட்டு மக்களை ஏமாற்றி மோசடி செய்யும் செயல். சட்டம் ஒழுங்கை நிலைநாட்ட கால அவகாசம் கேட்பது என்பது கேலிக் குரியதாகும்.இது வன்மையாக கண்டிக்கத்தக்கது.தமிழகத்தில் சட்ட ஒழுங்கை சரியாக பராமரிக்க வேண்டும் என இக்கூட்டம் கேட்டுக் கொள்கிறது.
கடந்த ஐந்து ஆண்டுகளின் தமிழ்நாட்டை ஆட்சி செய்த நமது கழகத்தலைவர் அன்புத்தளபதியார் அவர்கள் ஆட்சியில்,நகரம் மற்றும் கிராமங்களில் மின்தடையின்றி மின்சாரம் தடையில்லாமல் வழங்கப்பட்டு வந்தது.புதியதாக ஆட்சி பொறுப்பிற்கு வந்துள்ள நிர்வாக திறமையற்ற த.வெ.க.அரசு ஆட்சியில் பொதுமக்கள் நித்தம் மின்தடையால் கஷ்டப்பட்டு,இரவில் நிம்மதியாக தூங்க முடியாத நிலையில் சாலையில் வந்து உட்கார்ந்து போராடி வருகின்றனர். இந்த நிலைமை முதலமைச்சர் தொகுதியான பெரம்பூரிலும் உள்ளது.தமிழ்நாடு முழுவதும் இந்த மின்தடையால் பொதுமக்கள், குழந்தைகள் மற்றும் முதியவர்கள் என அனைவரும் நிம்மதியை இழந்து உள்ளனர்.ஆகவே த.வெ.க. அரசு தமிழ்நாட்டில் மின்தடை இல்லாத அளவுக்கு உரிய நடவடிக்கை எடுத்து மின்உற்பத்தியை சரியாக கவனித்து மக்களுக்கு தடையில்லாத மின்சாரம் கிடைக்க ஆவண செய்யுமாறு இக்கூட்டம் கேட்டுக்கொள்கிறது.
குதிரை பேர அரசியல் செய்யும் த.வெ.க.!
பெரும்பான்மை மக்கள் விரும்பாத ஆட்சியை அமைத்துள்ள த.வெ.க.அரசு தொடர்ந்து மக்களால் தேர்ந்தெடுக்கப்பட்ட சட்டமன்ற உறுப்பினர்களை குதிரை பேரம் செய்து,சட்டமன்ற உறுப்பினர் பதவியை ராஜினாமா செய்ய வைத்து வாக்களித்த மக்களின் விருப்பத்திற்கு எதிராக செயல்பட்டு, வாக்காளர்களின் மனநிலைக்கு எதிராக இடைத்தேர்தலை புகுத்தும் த.வெ.க.அரசை இக்கூட்டம் வன்மையாக கண்டிக்கின்றது.
பா.ஜ.க. அரசுக்கு
துணைபோகும் த.வெ.க.!
ஒன்றிய பா.ஜ.க அரசு PM ஸ்ரீ என்ற திட்டத்தின்கீழ், மும்மொழிக் கொள்கையை மாநில அரசுகளின் மேல் திணித்து,இந்தி மொழியை கட்டாயமாக்கும் ஒன்றிய பா.ஜ.க அரசை இக்கூட்டம் வன்மையாக கண்டிப்பதோடு அதற்கு துணை போகும் தமிழக த.வெ.க. அரசையும் இக்கூட்டம் வன்மையாக கண்டிக்கின்றது.
தமிழ்நாடு முதலமைச்சர் சி.ஜோசப் விஜய் தேர்தலுக்கு முந்தைய பிரச்சாரத் திலும்,தேர்தல் அறிக்கையிலும் கூறியுள்ளபடி, மகளிருக்கு மாநிலம் முழுவதும் கட்டணமில்லா பேருந்து பயணம்,குடும்பத்திற்கு வருடத்திற்கு 6 சிலிண்டர், மகளிர் உரிமைத் தொகை ரூ.2,500 ம்,வேலையில்லா பட்டதாரிகளுக்கு மாதம் ரூ.4,000 ம், முதியோர் உதவித்தொகை ரூ.3,000 ம் என தாங்கள் கொடுத்த வாக்குறுதி களை நாட்டு மக்களுக்கு உடனடியாக நிறைவேற்றி தந்திட வேண்டும் என்று தமிழ்நாடு த.வெ.க. அரசை இக்கூட்டம் கேட்டுக் கொள்கிறது.
தி.மு.க தேர்தல் அறிக்கையில் கூறப்பட்டுள்ள அம்பாசமுத்திரம் சட்டமன்றத் தொகுதியில் உள்ள பாபநாசம்-மணிமுத்தாறு அணைகள் இணைப்பு,அம்பாசமுத்திரம்-விக்கிரமசிங்கபுரம் சாலையில் உள்ள இரயில்வே கேட்டில் மேம்பாலம்,வீரவநல்லூரில் அரசு மகளிர் கலைக்கல்லூரி, அம்பாசமுத்திரம் தொகுதியில் அரசினர் பாலிடெக்னிக், சேரன்மகாதேவி பகுதியில் சிப்காட் தொழிற்சாலை ஆகிய திட்டங்களை அம்பாசமுத்திரம் சட்டமன்ற பொதுமக்களுக்கு உடனே நிறைவேற்றித் தர மாநில அரசை இக்கூட்டம் கேட்டுக்கொள்கிறது.
கூட்டணி துரோகம் செய்த காங்கிரசிற்கு கண்டனம்!
மதச்சார்பற்ற முற்போக்கு கூட்டணியில் தொடர்ந்து 20 வருடங்களுக்கு மேலாக தி.மு.க-. வுடன் கூட்டணியில் இருந்து, ஒன்றியத்தில் இருமுறை ஆட்சி அமைய தி.மு.க.தயவை வேண்டி ஆட்சி அமைத்து,பதவி சுகங்களை அனுபவித்துவிட்டு,கடந்த சட்டமன்ற பொதுத்தேர்தலில் 28 இடங்களை பெற்று,பல இடங்களில் வேட்பாளர்கள் தேர்வு செய்ய குழப்பங்கள் ஏற்பட்டு,கடைசி நாளில் வேட்பாளர்களை அறிவித்து தி.மு.க. தொண்டர்கள் வியர்வை சிந்தி உழைத்த உழைப்பில் வெற்றி பெற்று,தேர்தலில் கையில் வைத்த மை அழியும் முன்பே கூட்டணி துரோகம் செய்த காங்கிரஸ் கட்சியின் செயலை இக்கூட்டம் வன்மையாக கண்டிக்கின்றது.
தமிழ்நாட்டில் நடைபெற்று முடிந்த சட்டமன்ற பொதுத்தேர்தலுக்கு பின் காங்கிரஸ் கட்சி,திராவிட முன்னேற்ற கழகத்திற்கு இழைத்த துரோகத்தினால் மிகுந்த மனக்காய முற்றிருக்கும் கழகத்தோழர்களின் உணர்வுக்கு,மதிப்பளிக்கின்ற வகையில் நமது கழகத்தலைவர் அன்புத்
தளபதியார் அவர்கள் கழகத் தொண்டர்களின் மனநிலையை அறிந்து,ஜூன் 8 ஆம் தேதி டெல்லியில் நடைபெற்ற இந்தியா கூட்டணி கூட்டத்தில்,அதாவது காங்கிரஸ் பங்கேற்கும் கூட்டத்தில் தி.மு.க.பங்கேற்காது என்று முடிவு எடுத்தும்,மேலும் அந்த கூட்டத்தில், இடம்பெற்றுள்ள மற்ற கட்சிகள் முன்வைக்கும் நாட்டு நலனை பாதிக்கும் பிரச்சினைகளில் தி.மு.க. என்றைக்கும் குரல் கொடுக்கும் என்று முடிவெடுத்த தி.மு.க தலைமை கழகத்திற்கும்,கழகத்தலைவர் அன்புத்தளபதியார் அவர்களுக்கும், இக்கூட்டம் மனதார பாராட்டி மகிழ்கின்றது.
இவ்வாறு தீர்மானங்கள் நிறைவேற்றப்பட்டுள்ளன.