சென்னை, ஜூன் 11–

சென்னை மற்­றும் புற­ந­க­ரில் பர­வ­லாக மழை பெய்தது. காலை முதல் வெய்­யில் வாட்டி வதைத்து வந்த நிலை­யில், இர­வில் பர­வ­லாக சாரல் மழை பெய்தது.

கோடை காலத்­தின் கத்­தரி வெய்­யில் முடிந்த பிற­கும் தமிழ்­நாட்­டின் பல்­வேறு இடங்­க­ளில் வெய்­யி­லின் தாக்­கம் இருந்து வந்­தது. வேலூர், சென்னை மீனம்­பாக்­கம், நுங்­கம்­பாக்­கம், திருத்­தணி உள்­ளிட்ட இடங்­க­ளில் 100 டிகிரி ஃபாரன்­ஹீட்­டுக்­கும் அதி­க­மாக வெப்­பம் பதி­வா­னது.

சென்­னை­யி­லும் அதிக அள­வி­லான வெப்­பம் பதி­வான நிலை­யில், இன்று இரவு திடீ­ரென மழை பெய்து வரு­கி­றது. சென்­னை­யில் கோயம்­பேடு, அண்­ணா­ந­கர், முகப்­பேர், ஈக்­காட்­டுத்­தாங்­கல், கிண்டி, தியா­க­ராய நகர் உள்­ளிட்ட இடங்­க­ளில் சாரல் மழை பெய்தது. புற­ந­கர் பகு­தி­க­ளான அம்­பத்­தூர், பருத்­திப்­பட்டு, மது­ர­வா­யல், வான­க­ரம், பூவி­ருந்­த­வல்லி, திரு­முல்­லை­வா­யல் உள்­ளிட்ட இடங்­க­ளில் மழை பெய்தது.

சென்னை வானிலை ஆய்வு மையம் வெளி­யிட்­டுள்ள அறி­விப்­பில், ‘‘தமிழ்­நாட்­டில் அடுத்த 3 மணி­நே­ரத்­திற்கு (இரவு 10 மணி வரை) கோவை, திண்­டுக்­கல், கன்­னி­யா­கு­மரி, சேலம், தென்­காசி, தேனி, நீல­கிரி, நெல்லை, திருப்­பூர் மற்­றும் விரு­து­ந­கர் ஆகிய பகு­தி­க­ளில் இடி, மின்­ன­லு­டன் கூடிய லேசா­னது முதல் மித­மான மழை பெய்ய வாய்ப்பு’’ உள்­ள­தா­கத் தெரி­விக்­கப்­பட்­டுள்­ளது.