புதுச்சேரி, ஜூன்11 –
புதுச்சேரி மாநிலம், நெல்லித்தோப்பு தொகுதி, குயவர்பாளையம் கிளைக் கழகச் செயலாளரான வீ. பக்கிரி (எ) முனுசாமி என்பவர் தமது 18–வது வயதில் தன்னை கழகத்தில் இணைத்துக் கொண்டு, பேரறிஞர் அண்ணா, முத்தமிழறிஞர் கலைஞர், திராவிட மாடல் அரசின் நாயகர் தளபதியார் ஆகியோர் வழியில் கடந்த 50 ஆண்டுகாலமாக மேற்கண்ட கிளையின் செயலாளராக தொடர்ந்து பணியாற்றி கழக வளர்ச்சிக்கு உறு
துணையாக இருந்தவர்.
“அண்ணா நாடக மன்றம்” துவங்கி “கழகத்தின் காவியம்”, “புரட்சியாளர் பாண்டியன்”, “காதலிக்க போகிறேன்”, “கற்பின் கோபுரம்” நாடகங்கள் நடத்தி, கழகத்தின் கொள்கைகளை மக்களிடம் கொண்டு சேர்த்தவர்.
பாரத பிரதமராக இருந்த பண்டித ஜவஹர்லால் நேரு அவர்கள் தமிழர்களை பார்த்து “நான்சென்ஸ்” என்று சொன் னதை எதிர்த்து கருப்புக் கொடி போராட்டம் நடத்தி சிறை சென்றவர். புதுச்சேரியை தமிழ்நாட்டோடு இணைக்கும் இணைப்பு போராட்டம் உள்ளிட்ட கழகம் அறிவித்த பல்வேறு போராட்டங்களில் பங்கேற்று சிறை சென்றவர்.
தமது 32–வது வயதில் அப்போதைய புதுச்சேரி முதல்வர் எம்.ஓ.எச். பாரூக் மரைக்காயர் முன்னிலை யில், புலவர் பொன்னிவளவன் அவர்கள் தலைமையில் இராகு காலத்தில் சுயமரியாதை திருமணம் செய்து கொண்டு, அன்றைய இளைஞர்கள் பலரும் சுயமரி யாதை திருமணம் செய்து கொள்ள உதவி புரிந்தவர். மேலும் மறைந்த மாவீரன் சிட்டிபாபு அவர்கள் நினைவாக தன்னுடைய மகனுக்கு “சிட்டிபாபு” என்று பெயர் சூட்டி அழகு பார்த்த பக்கிரி என்கிற முனுசாமி அவர்கள் தமது 82வது வயதில் உடல்நலக் குறைவால் 10.05.2026 அன்று உடல் நலக்குறைவால் இயற்கை எய்தினார்.
அவரது படத்திறப்பு விழா குயவர்பாளையம் குட்டை கரைப்பள்ளி அருகில் நேற்று முன்தினம் நடைபெற்றது. இந்த நிகழ்ச்சிக்கு தொகுதி சட்டமன்ற உறுப்பினர் வே. கார்த்திகேயன் தலைமை தாங்கினார். புதுச்சேரி மாநிலக் கழக அமைப்பாளர் இரா. சிவா சிறப்பு அழைப்பாளராக கலந்து கொண்டு கழக மூத்த முன்னோடி பக்கிரியின் திருவுருவப் படத்தை திறந்து வைத்து 500 பேருக்கு அன்னதானம் வழங்கினார்.
இந்த நிகழ்ச்சிக்கு தொகுதி செயலாளர் நடராஜன், அவைத்தலைவர்பானுகணேசன், மூத்த முன்னோடிராஜேந்திரன், இளைஞர் அணி தொகுதி அமைப்பாளர் ராம்குமார் ஆகியோர் முன்னிலை வகித்தனர்.
நிகழ்ச்சியில் மாநில அவைத் தலைவர் எஸ். பி. சிவகுமார், கழக சட்டமன்ற உறுப்பினர் விக்னேஷ் கண்ணன், மாநில துணை அமைப்பாளர் தைரியநாதன், தலைமைச் செயற்குழு உறுப்பினர் லோகையன், பொதுக்குழு உறுப்பி னர்கள் சக்திவேல், வேலவன், வேலன், தொகுதி செயலாளர்கள் சக்திவேல், தியாகராஜன், சத்தியவேல், மகளிர் அணி அமைப்பாளர் காயத்ரி, தொகுதி நிர்வாகி கள் அருண், கண்ணன், வழக்கறிஞர் அணி துணை அமைப்பாளர்கள் ஞானராஜ், சந்தோஷ்குமார், அன்பு, வேல்முருகன், சங்கர், ஏழுமலை, மதியழகன், ரமேஷ், தேவேந்திரன், பொன்னப்பன், மூர்த்தி, வள்ளியம்மை, கலைச்செல்வி, எழிலரசன், ஸ்டீபன்ராஜ், ரவி, ராஜி, கண்ணன், அருள், ஆட்டோ சக்தி, பரிதிமாள், கார்த்திக் இளைஞரணி கார்த்திக், பூஷ்ணபதி, டி எஸ் பெருமாள், யூசுப் கான், சக்திவேல், வெங்கடேஸ்வரன், மற்றும் அவரது குடும்பத்தினர் கலந்துகொண்டனர்.