திருவண்ணாமலை, ஜூன் 11 –
இந்த ஆட்சிக்கு பவர் கொடுத்தது தி.மு.க. – பவர் கட் செய்தது த.வெ.க. என்று திருவண்ணாமலை மாநகர தி.மு.க. சார்பில் நடைபெற்ற முத்தமிழறி ஞர் கலைஞர் அவர்களின் 103வது பிறந்த நாள் விழாவில், 1500 பயனாளிகளுக்கு நலஉதவிகள் வழங்கி உரையாற்றும்போது, கழகக் கொறடாவும், முன்னாள் அமைச்சருமான எ.வ.வேலு அவர்கள் குறிப்பிட்டார்.
திராவிட இயக்க தமிழர் பேரவை பொதுச் செயலாளர் சுப.வீரபாண்டியன்அவர்களும் கலந்து கொண்டு சிறப்புரை யாற்றினார்.
09.06.2026 செவ்வாய்க் கிழமை மாலை 6.00 மணிக்கு, திருவண்ணா மலை மாநகர திமுக சார்பில், காந்தி சிலை அருகில் முத்தமிழறி ஞர் கலைஞர் அவர்களின் 103வது பிறந்த நாள் விழா, வாக்காளர்களுக்கு நன்றி தெரிவித்து பொதுக்கூட்டம் நடைபெற்றது.
பொதுக்கூட்டத்திற்கு மாநகர செயலாளர் ப.கார்த்திவேல்மாறன் தலைமை வகித்தார்.
ஒன்றிய செயலாளர்கள் மெய்யூர் சந்திரன், த.ரமணன், பெ.கோவிந்தன், பகுதி கழக பொறுப்பாளர்கள் சு.விஜி(எ) விஜயராஜ், அ.கோவிந்தன், குட்டி க.புகழேந்தி, சி.சண்முகம், பா.ஷெரீப், மாநகர நிர்வாகிகள் வட்டி அருணாச்சலம், ஜீவரேகா விஜியராஜ், இல.குணசேகரன், அ.கண்ணன், கோல்டு.எஸ்,பிரபு, ஹக்கிம்.சேட், மாநகர அமைப்பாளர் மண்டி ஆ.பிரகாஷ் ஆகியோர் முன்னிலை வகித்தனர்.
பகுதி கழக பொறுப்பாளர் வழக்கறிஞர் ந.சீனுவாசன் அனைவரையும் வரவேற்றுப் பேசினார்.
பொதுக்கூட்டத்தில் கலந்து கொண்டு, சட்டமன்ற கழக கொறடாவும், முன்னாள் அமைச்சருமான எ.வ.வேலு அவர்கள் 1500 பயனாளிகளுக்கு நலஉதவிகள் வழங்கி சிறப்புரை ஆற்றினார்.
திராவிட இயக்க தமிழர் பேரவை பொதுச் செயலாளர் சுப.வீரபாண்டியன் அவர்களும் பொதுக்கூட்டத்தில் கலந்து கொண்டு சிறப்புரையாற்றினார்.
பொதுக்கூட்டத்தில் கழக சட்டமன்ற கொறடா எ.வ.வேலு உரையாற்றும்போது...
ஆன்மீகமும், திராவிட மும் சேர்ந்த சிறப்பிற்குரிய மண் இந்த மண். திருவண்ணாமலை அண்ணாமலையார் கோயிலை பா.ஜ.க. ஆட்சியில் தொல்லியியல் துறை கையகப்படுத்தி மேற்கொண்ட முயற்சியை தடுத்து நிறுத்தியவர் கலைஞர். திருவண்ணாமலைக்கு ஏராளமான பக்தர்கள் வருகின்றனர். அதன் மூலம் இந்த நகரின் பொருளாதாரம் வளர்ந்திருக்கிறது. தி.மு.க. ஆட்சிக் காலத்தில் தான் திருவண்ணாமலை மாவட்டம் வளர்ச்சி பெற்றது. திருவண்ணாமலை புதிய மாவட்டமாக உருவானது.
திருவண்ணாமலைக்கு பல்வேறு திட்டங்கள்!
போக்குவரத்து மண்டலம், அரசு மருத்துவக் கல்லூரி மருத்துவமனை, செய்யாறு சிப்காட், உழவர் சந்தை என எண்ணற்ற வளர்ச்சிப் பணிகள் தி.மு.க. ஆட்சியில் நடந்தது.
திராவிட மாடல் ஆட்சியில் திருவண்ணாமலை மாட வீதி கான்கிரீட் சாலையாக தரம் உயர்த்தப்பட்டது. புதிய பேருந்து நிலையம், ஒருங்கிணைந்த காய்-கறி அங்காடிகள், டைட்டில் பார்க், செங்கம் அரசு கலை கல்லூரி, ஸ்டாலின் பூங்கா, புதிய காவல் நிலையங்கள், புதிய தீயணைப்பு நிலையங்கள், செங்கம், பெரணமல்லூர் உள்ளிட்ட பகுதிகளில் சார் பதிவாளர் அலுவலகங்கள் என ஏராளமான பணிகள் நிறைவேற்றப்பட்டன.
சாதனையின் பட்டியலைச் சொன்னால் பலமணி நேரம் ஆகும். மாற்றம் கொண்டு வருவதாக சொன்னவர்கள், என்ன மாற்றத்தை கொண்டு வரப்போகிறார்கள். எந்த கொம்பனாலும், இனி எந்த ஆட்சியாளும் இதுபோன்ற சாதனைகளை செய்ய முடியாது.
தி.மு.க.வினரின் உழைப்பினால் வெற்றிபெற்ற தி.மு.க. கூட்டணியில் இடம் பெற்று இருந்தவர்களை அனுப்பி வைத்து பவர் கொடுத்ததன் மூலம் இந்த ஆட்சி நடந்து கொண்டிருக்கிறது.
ரீல்ஸ் மூலம் ஆட்சிக்கு வந்தவர்கள்!
இந்த ஆட்சிக்க பவர் கொடுத்தது தி.மு.க.., ஆனால்ப வர் கட் செய்ததுத.வெ.க. என்று மக்கள் பேசு கின்றனர். சினிமா இமேஜ் மூலம் மக்கள் ஓட்டுபோட்டுவிட்டார்கள்ரீல்ஸ் மூலம் ஆட்சிக்கு வந்திருக்கிறார்கள். நாங்கள் பாராமுகமாக இருந்து விட்டதால் வந்துவிட்டீர்கள். வீரமாக நீங்கள் வந்துவிடவில்லை. சினிமா மூலம் மக்களுக்கு கொள்கைகளைச் சொன்ன இயக்கம்.
மிஸ்டர் சி.எம். மொழிக்காக போராடினாரா? சென்னையில் வெள்ளம் பாதித்தபோது மக்களை பார்த்தாரா, தமிழ் மக்களின் கண்ணீரைத் துடைத்தாரா, தொழிலார்களின் போராட்டத்தில் பங்கு கொண்டாரா, மறியலில் ஈடுபட்டாரா, முழுக்க முழுக்க சினிமா இமேஜ் மூலம் ஆட்சிக்கு வந்திருக்கிறார். அந்த உண்மையை சொன்னால் கைகளை இரு பக்கமும் வீசிக்கொண்டு பொதுக்கூட்டத்தில் பேசுகிறார்.
அவர் நடித்த சினிமா படங்கள் பற்றி மட்டுமே அவரது நினைவில் இருக்கும் தமிழ்நாட்டைப் பற்றி ஏதாவது தெரியுமா? மிஸ்டர் சி.எம். சினிமா இமேஜ் மூலம் பெற்ற வெற்றி என்று சொன்னால் ஏன் கோபம் வருகிறது, தமிழ்நாட்டிற்காக நீங்கள் செய்த சாதனை என்ன? 100 நாள் வேலை திட்டத்தின் பெயரில் இருந்த மகாத்மா காந்தியின் பெயரை நீக்கி விட்டார்களே அதை மீண்டும் மாற்றி வைப்பதற்கு குரல் கொடுப்பீர்களா?
100 நாள் வேலை திட்டத்திற்கு ரூ.12698 கோடி நிதியை நாங்கள் பெற்று தந்தோம். ஆனால், இன்றைக்கு ரூ.3923கோடியாக நிதியை குறைத்துள்ளார் கள் சி.எம்.சார் தி.மு.க. ஆட்சி காலத்தில் வாங்கி வந்ததை போல அந்தப் பணத்தை உங்களால் வாங்கி வர முடியுமா? வரும் 18ஆம் தேதி சட்டமன்றம் கூட இருக்கிறது. அப்போது கேட்க வேண்டிய கேள்விகளை எல்லாம் அங்கு வைத்துக் கொள்கிறோம். இப்படிப்பட்ட சுனாமியிலும் திருவண்ணா மலை தொகுதியில் வாக்களித்த வாக்காளர்களுக்கு நன்றி தெரிவித்துக் கொள்கிறேன்.
இவ்வாறு அவர் பேசினார்.
பொதுக்கூட்டத்தில் சட்டப்பேரவை முன்னாள் துணைத் தலைவர் கு.பிச்சாண்டி, நாடாளுமன்ற உறுப்பினர் சி.என்.அண்ணாதுரை, மாவட்ட அவைத் தலைவர் கோ.கண்ணன், தலைமை செயற்குழு உறுப்பினர் இரா.ஸ்ரீதரன், மாவட்ட துணை செயலாளர் மு.பெ.கிரி, தலைமைச் செயற்குழு உறுப்பினர் பெ.சு.தி.சரவணன், மாவட்ட பொருளாளர் எஸ்.பன்னீர்செல்வம், மாவட்ட துணை செயலாளர்கள் பிரியா விஜயரங்கன், விஜயலட்சுமிரமேஷ், மாநில தொ.மு.ச., பேரவைச் துணைத் தலைவர், க.சௌந்தரராசன், மாநில அமைப்புசாரா தொ.மு.ச., ஏ.ஏ.ஆறுமுகம், மாநகர துணை மேயர் சு.ராஜாங்கம்,
மாவட்ட அமைப்பாளர்கள் டி.வி.எம்.நேரு, காலேஜ் கு.ரவி, மங்கலம் பிரபாகரன், ஜெ.மெய்க ண்டன், கு.கணேஷ், சி.ராம்காந்த், பச்சையம்மன் எஸ்.முத்து, இரா.கார்த்திகேயன், டாக்டர் பிரவீன்ஸ்ரீதரன், பாலமுரளிகிருஷ்ணா, ஏ.டபள்யு.சர்தார் காசீம், எஸ்.டி.ஆர்.எஸ்.பாபு, பி.கே.ஏ.அருண், இரா.ஜோதி, இரா.அன்பரசு, பவர்.வ.அன்பரசு, என்.மாசிலாமணி, கற்பகம்சரவணன், உ.நித்யா,
ஒன்றிய செயலாளர்கள் மு.பன்னீர்செல்வம், கோ.ரமேஷ், சி.மாரிமுத்து, த.செந்தில்குமார், பொதுக்குழு உறுப்பினர்கள் நா.பழனி, அ.தண்டபாணி, து.கென்னடி, க.பிரபாகரன் மற்றும் சம்மந்தனூர் மணி, ஏந்தல் நாக.சங்கர், ப.யுவராஜா, சுபாசெல்வமணி, பா.ஏழுமலை, அடிஅண்ணாமலை பாபு, எம்.ஜி.சுப்பிரமணி, இல.சரவணன், ஏ.டி.துரை மற்றும் மாமன்ற உறுப்பினர்கள், அணிகளின் நிர்வாகிகள், கிளைக் கழக நிர்வாகிகள், கழக முன்னோடிகள் ஆயிரக் கணக்கானோர் கலந்து கொண்டனர்.
நிறைவாக மாநகர துணை செயலாளர் மு.கருணாமூர்த்தி நன்றி கூறினார்.
முன்னதாக அம்பேத் குழுவினரின் இசை நிகழ்ச்சி நடைபெற்றது.