‘வெறும் வாய் மட்­டும் தான், செய­லில் சுத்த வேஸ்ட்’ என்று சொல்­லும் நிலை­யில் தான் விஜய் ஆட்சி இருக்­கி­றது. அதி­லும் குறிப்­பாக மின்­சா­ரத் துறை­யின் பெயரை ‘மின்­வெட்­டுத் துறை’ என்றே மாற்­றி­வி­ட­லாம். அதற்கு அமைச்­ச­ராக இருக்­கும் நிர்­மல்­கு­மார், கலர் கல­ராக கப்ஸா விடு­கி­றாரே தவிர தீர்­வைக் காணும் திறமை படைத்­த­வ­ராக இல்லை.

தமிழ்­நாட்­டில் த.வெ.க. ஆட்­சிப் பொறுப்­பேற்­றது முதல் தமிழ்­நாடு இரு­ளில் மூழ்கி விட்­டது. வாக்­க­ளித்த மக்­களை மின்­வெட்­டின் மூல­மாக நிம்­ம­தியை வெட்டு வெட்­டென வெட்டி வரு­கி­றது த.வெ.க. ஆட்சி. இதற்கு பொறுப்­பேற்க வேண்­டிய அமைச்­சர் நிர்­மல்­கு­மார் பேட்­டி­கள் வாரந்­தோறும் மாறிக் கொண்டே இருக்­கின்­றன.

பக­லில் சட்­டம் ஒழுங்கு பிரச்­சி­னை­கள். இர­வில் மின்­வெட்டு. இது­தான் த.வெ.க. ஆட்சி அமைந்­தது முதல் தமிழ்­நாட்­டில் பார்க்­கும் காட்­சி­யா­கும்.

இரண்டு மணி நேரம், மூன்று மணி நேரம் மின்­சா­ரத்தை துண்­டிக்­கி­றார்­கள். ஆண்­க­ளும் பெண்­க­ளும் முதி­யோ­ரும் குழந்­தை­க­ளும் சாலைக்கு வந்­து­விடு­கி­றார்­கள். சாலை மறி­யல் நடக்­காத நாளே இல்லை. கைக்­கு­ழந்­தை­களோடு தாய்­மார்­கள் வரு­கி­றார்­கள் வீதிக்கு. கர்ப்­பி­ணித் தாய்­மார்­கள் வேத­னை­யோடு வாசல்­க­ளில் நிற்­கி­றார்­கள். மருத்­துவ மனை­க­ளி­லேயே மின்­சா­ரம் துண்­டிக்­கப்­ப­டு­கி­றது. பள்­ளி­க­ளில் மின்­சா­ரம் இல்­லா­த­தால் விடு­மு­றை­கள் விடப்­ப­டு­கின்­றன. அமைச்­சர் கலந்து கொண்ட நிகழ்ச்­சி­யி­லேயே மின்­வெட்டு. நீல­கிரி மாவட்­டத்­தில் மின்­வெட்டு கார­ண­மாக, வன­வி­லங்­கு­கள் ஊருக்­குள் வந்­து­வி­டு­கின்­றன. இது­தான் இன்­றைய தமிழ்­நாடு.

தலை­ந­கர் சென்­னை­யி­லும், சென்­னை­யைச் சுற்­றி­லும் அதி­கப்­ப­டி­யான மின்­வெட்டு. முத­ல­மைச்­ச­ரின் தொகு­தி­யான பெரம்­பூ­ரும் இரு­ளில் மூழ்கி விடு­கி­றது. இரு­பது நாட்­க­ளுக்­கும் மேலாக மின்­வெட்டு இருக்­கும் பகு­தி­யாக பெரம்­பூர் இருக்­கி­றது. தின­மும் மக்­கள் அங்கு சாலை மறி­யல் செய்­கி­றார்­கள். மின் வாரிய அலு­வ­ல­கத்தை முற்­றுகை இடு­கி­றார்­கள். மின்­வா­ரிய அலு­வ­ல­கத்­தில் உட்­கார்ந்து கொண்டு, ‘மின்­சா­ரம் வந்­தால் தான் போவோம்’ என்று முழக்­க­மி­டு­கி­றார்­கள். சில இடங்­க­ளில் மின்­சார வாரிய அலு­வ­ல­கத்­தையே மக்­கள் பூட்டி விட்­டார்­கள். மின்­சா­ரம் இல்­லா­த­தால் இரண்டு தனி­யார் பள்­ளி­க­ளுக்கு விடு­முறை விடப்­பட்­டது முத­ல­மைச்­சர் தொகு­தி­யில்.

‘போராட்­டம் நடத்த மக்­களை சிலர் தூண்­டு­கி­றார்­கள்’ என்­கி­றார் அமைச்­சர் நிர்­மல்­கு­மார். முத­ல­மைச்­சர் தொகு­தி­யில் அவ­ருக்கு எதி­ராக போராட்­டம் நடக்­கின்­றது என்­றால் அவ­ரது செல்­வாக்கு அதற்­குள் சரிந்­து­விட்­டதா? ஒரு மாதத்­துக்­குள் விஜய் செல்­வாக்கு சரிந்­து­விட்­டதா?

ஆனால் நிர்­மல்­கு­மார் என்ன சொல்­கி­றார்? வாரம் தோறும் ஒரு கார­ணத்­தைக் கண்­டு­பி­டித்­துச் சொல்­கி­றார்.

• மின்­வெட்டே இல்லை என்­றார் முதல்­வா­ரம்.

• எதிர்க்­கட்­சி­யைச் சேர்ந்­த­வர்­கள் வேண்­டு­மென்றே செய்­கி­றார்­கள் என்­றார் இரண்­டா­வது வாரம்.

• மின்­வா­ரிய அலு­வ­ல­கத்­தில் ஹார்ட் டிஸ்க் திருடு போய்­விட்­டது என்­றார் மூன்­றா­வது வாரம்.

• பியூஸ் கேரி­யரை யாரோ எடுத்­துச் சென்­று­விட்­டார்­கள் என்­றார் நான்­கா­வது வாரம்.

– ‘கார­ணம் சொல்­ப­வர், காரி­யம் செய்­ய­மாட்­டார்’ என்­பது பழ­மொழி. அது­தான் நிர்­மல்­கு­மார். ‘கரண்ட் தர­மாட்­டோம்’ என்­ப­து­தான் அவர் சொல்ல வரும் பதில் ஆகும். ஒரு மாத கால­மாக நடக்­கும் மின்­வெட்டை தடுக்க வக்கோ, வகையோ, திரா­ணியோ இல்லை. ஆனால் கூச்­ச­மில்­லா­மல் பேட்டி கொடுக்க வந்­து­வி­டு­கி­றார் அமைச்­சர் நிர்­மல்­கு­மார்.

ஷாஜ­கான் என்று ஒரு அமைச்­சர் இருக்­கி­றார். அவர் ஒரு கார­ணத்­தைச் சொல்லி இருக்­கி­றார். ‘பலமா காத்து அடிக்­கி­றது. அத­னால் தான் மின் தடை ஏற்­ப­டு­கி­றது’ என்று சொல்லி இருக்­கி­றார். ‘‘காற்றே நீ அடிக்க வேண்­டாம்’’ என்று உங்­கள் முத­ல­மைச்­சரை பாடச் சொல்ல வேண்­டி­யது தானே! இந்­த­மா­தி­ரி­யான அறி­வுக்­குஞ்­சு­களை எல்­லாம் அமைச்­சர்­க­ளாக பார்க்க வேண்­டி­யது வந்­து­விட்­டதே தமிழ்­நாட்­டுக்கு!

‘‘தமிழ்­நாட்­டில் சென்னை உட்­பட பல்­வேறு நக­ரங்­க­ளில் இரவு நேரங்­க­ளில் மின்­வெட்டு ஏற்­ப­டு­வது உண்மை தான்’’ என்று மின்­வா­ரி­யம் சார்­பில் அறிக்கை வெளி­யி­டப்­பட்­டுள்­ளது. உண்மை தான் என்று சொல்ல மின்­வா­ரி­யம் தேவை­யில்லை. மக்­கள் போராட்­டங்­களே அது உண்மை தான் என்­ப­தால் தான் நடக்­கின்­றன. அந்த மின்­வெட்டை எப்­படி தவிர்க்­கப் போகி­றோம் என்று சொல்­லுங்­கள். இந்த மின்­வெட்டு எப்­போது நிற்­கும் என்­ப­தைச் சொல்­லுங்­கள்.

‘தனி­ந­பர்­கள் சதி செய்­கி­றார்­கள்’ என்­கி­றார் நிர்­மல்­கு­மார். சில தனி­ந­பர்­கள் நினைத்­தால் மொத்த தமிழ்­நாட்­டி­லும் பல்­வேறு நேரங்­க­ளில் மின்­சாரத்தை நிறுத்­தி­விட முடி­யுமா? அந்­த­ள­வுக்கு தான் நிர்­வா­கம் பார்க்­கி­றீர்­களா? அவ்­வ­ளவு தான் உங்­க­ளுக்கு சமர்த்தா?

‘மின் துறை கட்­ட­மைப்பு போது­மா­ன­தாக இல்லை’ என்­கி­றார் அமைச்­சர். இதே கட்­ட­மைப்பை வைத்­தி­ருந்­து­தானே ஐந்து ஆண்­டு­க­ளாக மின் தடை இல்­லா­மல் இருந்­தது. மின்­வெட்டு இல்­லாத ஆட்­சியை தி.மு.க. அரசு கொடுத்­தது. மே மாதத்­துக்கு பிறகு தான் கட்­ட­மைப்பு குறைந்து போய்­விட்­டதா?

பெரம்­பூ­ரில் 40 நிமி­டத்­தில் மின்­வெட்டை சரி செய்­ததை தனது சாத­னை­யா­கச் சொல்­லிக் கொள்­கி­றார் நிர்­மல்­கு­மார். 40 நிமி­டத்­தில் மின்­வெட்டை சரி செய்­தது சாத­னையா? இல்லை. வேதனை. அது அனு­ப­வித்த மக்­க­ளுக்­குத் தான் தெரி­யும்.

‘மின்­வெட்டு ஏற்­பட்­ட­தும் தெரு­வில் நிற்­கச் சொல்லி குறுஞ்­செய்தி அனுப்­பு­கி­றார்­கள்’ என்று வருத்­தப்­ப­டு­கி­றார் அமைச்­சர். விஜய் வரும் சாலை­க­ளுக்கு பைக் எடுத்து வரச் சொல்லி குறுஞ்­செய்தி அனுப்பி மாஸ் காட்­டி­ய­போது இனித்­தது. மக்­கள் தங்­கள் பிரச்­சி­னைக்­காக குறுஞ்­செய்தி அனுப்­பும் போது கசக்­கி­றதா? எதை வைத்து பொய்யை மாயை ஆக்­கி­னீர்­களோ, அதுவே இன்று அவர்­க­ளுக்கு எதி­ராக மாறி வரு­கி­றது. அரி­தா­ரம் கலைந்து வரு­வதை சமூக வலை தளங்­க­ளில் தான் இப்­போது அதி­கம் பார்க்க முடி­கி­றது.

தொடர்ச்­சி­யான மின்­வெட்­டா­னது மக்­க­ளின் இயல்பு வாழ்க்­கை­யைச் சிதைத்து வரு­கி­றது. தூக்­கத்­தைத் தொலைத்து மக்­கள் வீதிக்கு வந்து போராடி வரு­கி­றார்­கள் மக்­கள். ‘இந்த மாதிரி நியூஸ் எல்­லாம் என் காதுக்கு வரக்­கூ­டாது’ என்று சொல்லி விட்டு ஹாயாக இருக்­கி­றார் சி.எம்.சார் விஜய்!

பொது­மக்­கள் ஒத்­து­ழைக்க வேண்­டு­மாம். சொல்­கி­றார் நிர்­மல்­கு­மார். என்ன செய்ய வேண்­டும் மக்­கள். ‘கரண்ட்டே வேண்­டாம்ணா... விஜய்ண்ணா நீங்க நல்லா சாப்­பி­டுங்­கண்ணா..’ என்று ரீல்ஸ் போடச் சொல்­வோமா?!

•