சிவகங்கை, ஜூன் 12 –
சிவகங்கை மாவட்டம் பாகனேரி அருகே உள்ள நகரம்பட்டியில் சுதந்திர போராட்ட வீரர் வாளுக்கு வேலி அம்பலம் பிறந்தநாள் விழாவில் அவரது திருவு ருவச் சிலைக்கு முன்னாள் அமைச்சர் – சிவகங்கை மாவட்டக் கழகச் செயலாளர் கே.ஆர்.பெரியகருப்பன்மாலை அணிவித்து மரியாதை செலுத்தினார்.
பின்னர் செய்தியாளர்களிடம் கூறியதாவது:–
சிவகங்கை சீமையை ஆட்சி புரிந்த மாமன்னர் மருது சகோதரர்கள் நாட்டின் சுதந்திர போராட்டத்திற்காக பாடுபட்டார்கள். அவர்களை ஆங்கிலேயர்கள் சிறை பிடித்து திருப்பத்தூரில் தூக்கிலிடப்படுவதாகஅறிவித்தார்கள். அவர்களைகாப்பாற்றுவதற்காக பாகனேரி அருகே உள்ள நகரம்பட்டி கிராமத்தைச் சேர்ந்த வாளுக்கு வேலி அம்பலம் அவரது ஆட்களுடன் சென்று மருதுபாண்டியர் களை காப்பாற்ற சென்ற பொழுது கத்தப்பட்டு என்ற ஊரின் அருகே ஆங்கிலேயர்களால் சிறை பிடிக்கப்பட்டு வீர மரணம் அடைந்தார். அத்தகைய வீர மரணம் அடைந்து நாட்டின் சுதந்திரத்திற்காக போராடிய வாளுக்கு வேலி அம்பலம் மரணமடையாதிருந் தால் மாமன்னர் மருது பாண்டியர்கள் காப்பாற்றப்பட்டிருப்பார்கள் என்று கூறப்படுகிறது.
அவரது நினைவினை போற்றும் வகையில் எதிர்கால சந்ததியினர் சுதந்திர போராட்டத்திற்காக பாடுபட்டவர்களை தெரிந்து கொள்ளும் வகையில் நகரம் பட்டியில் வாளுக்கு வேலி அம்பலம் சிலை அமைக்க வேண்டும் என்று அப்பகுதி மக்கள் முந்தைய அ.தி.மு.க.ஆட்சியில் கோரிக்கை விடுத்தார்கள்.
அவர்களின் கோரிக்கையை கடந்த 10 ஆண்டுகளாக அ.தி.மு.க ஆட்சியில்ஏற்கவில்லை. இதுகுறித்து நான் சட்டமன்றத்தில் பலமுறை பேசியும் எவ்வித முன்னேற்றம் ஏற்படவில்லை அப்போதைய அ.தி.மு.க. ஆமைச்சர் பாஸ்கரன் எந்த முயற்சியும் எடுக்கவில்லை. கழகத் தலைவர் – முன்னாள் முதல்வர் தளபதி தலைமையிலான ஆட்சி அமைந்ததும் நகரம்பட்டி கிராம மக்களின் கோரிக்கையான வாளுக்கு வேலி அம்பலம் வரலாற்றினை எடுத்துக் கூறினேன்.
சிறுகதை மன்னர் எஸ்.எஸ்.தென்னரசு அவர்கள் எழுதிய செம்மாதுளை என்ற நூலில் அடிப்படையில் தலைவர் கலைஞர் அவர்கள் எழுதிய தென்பாண்டி சிங்கத்தில் வாளுக்கு வேலி அம்பலம் பற்றி குறிப்பிடப்பட்டுள்ள தையும் கழகத் தலைவரிடம் கூறினேன்.
அதன் பேரில் நகரம்பட்டியில் அரசின் சார்பில் ருபாய் 50 லட்சம் செலவில் சிலை அமைக்கப்படும் என்று கழகத் தலைவர் அவர்கள் அறிவித்தார்கள். இதற்கான ஏற்பாடுகளையும் அப்போதைய அமைச்சர் வெள்ளகோவில் சாமி நாதன் தீவிர முயற்சி எடுத்ததன் பேரில் ரூபாய் 50 லட்சத்தில் வாளுக்கு வேலி அம்பலம் சிலை அழகாக அமைக்கப்பட்டு அப்போதைய முதல்வர் மு.க. ஸ்டாலின் அவர்களால் திறந்து வைக்கப்பட்டது.
மேலும் ஆண்டுதோறும். ஜூன் 10ஆம் தேதி வாளுக்கு வேலி அம்பலம் பிறந்த நாளை அரசு விழாவாக கொண்டாடப்படும் என்று கழகத் தலைவர் அவர்கள் அறிவித்தார்கள்.
அதன்படி நேற்று முன்தினம் நகரம்பட்டியில் வாளுக்கு வேலி அம்பலம் திருவுருவச் சிலைக்கு என் தலைமையில் மாவட்ட கழக நிர்வாகிகள் மலர் மாலை அணிவித்து மரியாதை செலுத்தினோம். இத்தகைய வீர வரலாற்று போராட்ட வீரர்களை நாம் அனைவரும் எதிர்கால சந்ததியினர் அவசியம் தெரிந்து கொள்ள வேண்டும் . தமிழ் இனத்திற்காக, தமிழ் மொழிக்காக,தமிழ் வளர்ச்சிக்காக உயிர் நீத்தவர்கள், நாட் டின் சுதந்திர த்திற்காக போராடி தன்னுயிர் நீத்த போராட்ட வீரர்களை கழக அரசு என்றுமே மதித்து அவர்களை கௌரவப்படுத்தி இருக்கிறது.
பேரறிஞர் அண்ணா, தலைவர் கலைஞர் வழியில், கழக தலைவர் தளபதி அவர்களும் இத்தகைய தொடர் நடவடிக்கைகளில் ஈடுபட்டு ஏராளமான சுதந்திர போராட்ட வீரர்கள், தமிழ் மொழிக்காக உயிர் நீத்தவர்கள் பெருமைப்படுத்தப்பட்டுள்ளார்கள். தற்போதைய முதல்வர் விஜய் அவர்கள் தனது தேர்தல் வாக்குறுதியாக விவசாயிகளுக்கான கடன் தள்ளுபடி செய்யப்படும் என்று அறிவித்தார். ஆனால் அவர்களது தற்போதைய அறிவிப்பு ரூபாய் ஒரு லட்சம் கடன் வாங்கி களுக்கு ஐந்தாயிரம் கடன் தள்ளுபடி என்று அறிவிக்கப்பட்டுள்ளது.
இது விவசாயிகளை ஏமாற்றும் செயலாகும். இந்த அறிவிப்பு வெந்த புண்ணில் வேல் பாய்ச்சுவது போன்ற உள்ளது. ரூபாய் 95 ஆயிரம் கடன் கட்டுபவர்கள் ஐந்தாயிரம் கட்டுவது பெரிதல்ல. இது அவர்களை ஏமாற்றும் செய லாகும்.
கழகத் தலைவர் தளபதி ஆட்சியில்ருபாய் 12 ஆயிரத்து 800 கோடி விவசாய கடன் தள்ளுபடி,ருபாய் ஐந்து பவன் நகைக்கடன் தள்ளுபடி ,சுய மகளிர் குழு கடன் ருபாய் 10,500 கடன் ஆக மொத்தம் 20 ஆயிரம் கோடிக்கு மேல் கடன் தள்ளுபடி செய்யப்பட்டுள்ளது.
நிதிநிலை பிரச்சினை இருந்தாலும் விவசாயி களுக்கான தேர்தல் அறிவித்த வாக்குறுதியை முதல்வர் விஜய் நிறைவேற்ற வேண்டும். ஆனால் அவர் நிறைவேற்றவாரா என்பது விவசாயிகளிடையே சந்தேகம் உள்ளது.
இவ்வாறு மாவட்டக் கழகச் செயலாளர்கே.ஆர்.பெரியகருப்பன் கூறினார்.
பேட்டியின் போது முன்னாள் அமைச்சர் திருமதி தமிழரசிரவிக்குமார், மாவட்ட துணைச் செயலாளர் த.சேங்கைமாறன், மாவட்ட சுற்றுச்சூழல் அணி அமைப்பாளர் எஸ் எஸ்.ஏ.வல்லபாய், ஒன்றிய செயலாளர் ஆர்.எம்.கென்னடி மற்றும் நிர்வாகிகள் உடன் இருந்தார்கள்.