1. அடிக்­கல் நாட்­டி­ய­வர் முத்­த­மிழ் அறி­ஞர் கலை­ஞர் - 1973!

இந்­தி­யா­வில் முதன்­மு­றை­யாக மக­ளிர் காவல் படையை உரு­வாக்­கிய பெருமை தமிழ் அறி­ஞர் கலை­ஞர் அவர்­க­ளையே சாரும். 1973-ஆம் ஆண்டு திமுக ஆட்­சி­யில், ஒரு சப்-­இன்ஸ்­பெக்­டர், ஒரு தலை­மைக் காவ­லர், 20 காவ­லர்­கள் என 22 பெண்­க­ளைக் கொண்ட முதல் மக­ளிர் காவல் அணி உரு­வாக்­கப்­பட்­டது. அந்த அணி 1974 நவம்­பர் 1-ம் தேதி ராஜ­ரத்­தி­னம் ஸ்டேடி­யத்­தில் முறைப்­படி பணி­யில் அமர்த்­தப்­பட்­டது.

2. 22-ல் இருந்து 27,000 ஆக - 50 ஆண்டு வளர்ச்சி!

முத்தமிழ் அறி­ஞர் கலை­ஞர் போட்ட அந்த 22 பேர் கொண்ட விதை, இன்று 27,000 பெண் காவ­லர்­க­ளைக் கொண்ட ஆல­ம­ர­மாக வளர்ந்து நிற்­கி­றது. 2025 ஜன­வரி 1 நில­வ­ரப்­படி தமிழ்­நாடு காவல்­து­றை­யில் 26,589 பெண் காவ­லர்­கள் பல்­வேறு பத­வி­க­ளில் பணி­யாற்­று­கி­றார்­கள்.

3. முத­ல­மைச்­சர் ஸ்டாலின் காலம்: ‘பிங்க் பேட்­ரோல்’ புரட்சி - 2025

முத்தமிழ் அறி­ஞர் கலை­ஞ­ரின் வழி­யில், முத­ல­மைச்­சர் மு.க. ஸ்டாலின் அவர்­கள் 2025 நவம்­பர் 11-ம் தேதி, ரூ.12 கோடி செல­வில் 80 ‘பிங்க் பேட்­ரோல்’ வாக­னங்­களை பெண்­கள் பாது­காப்­பிற்­காக கொடி­ய­சைத்து தொடங்கி வைத்­தார். மதுரை, கோவை, திருச்சி உள்­ளிட்ட நக­ரங்­க­ளில் பெண் காவ­லர்­களே ஓட்­டும் இந்த பிங்க் நிற வாக­னங்­கள் 24 மணி நேர­மும் ரோந்து செல்­கின்­றன.

4. இன்று: காவல் நிலை­யங்­களை ஆளும் சிங்­கப்­பெண்­கள்

முத்­த­மிழ் அறி­ஞர் கலை­ஞர் தொடங்கி வைத்த அந்த புரட்­சி­யின் விளைவு - இன்று தமிழ்­நாட்­டில் 43% சட்­டம்-­ஒ­ழுங்கு காவல் நிலை­யங்­க­ளுக்கு பெண் காவல் நிலைய அதி­கா­ரி­கள் தலைமை தாங்­கு­கி­றார்­கள். 222 மக­ளிர் காவல் நிலை­யங்­கள் செயல்­ப­டு­கின்­றன.

5. விஜய் ஆட்­சி­யின் ‘சிங்­கப்­பெண்’ பாவலா - 2026

இப்­போது விஜய் ஆட்­சி­யில் ‘சிங்­கப்­பெண் சிறப்பு அதி­ர­டிப் படை’ என்று பெயர் வைத்து, ரூ.354 கோடி நிதி ஒதுக்­கீட்­டில், ஐ.ஜி. பவ­னீஸ்­வரி தலை­மை­யில் 30+ பேர் கொண்ட படையை 2026 ஜூன் 9-ல் களம் இறக்­கி­யுள்­ளார்­கள்.

ஆனால் வேதனை என்­ன­வென்­றால்: விஜய் ஆட்­சி­யில் கள­மி­றக்­கப்­பட்­டுள்ள ‘சிங்­கப்­பெண்’ படை­யைப் பார்த்­தால், ஏதோ இவர் ஆட்­சி­யில்­தான் முதன்­மு­றை­யாக பெண்­கள் காவல்­து­றை­யில் சேர்ந்­தது போல­வும், இவர்­தான் புதி­தாக மக­ளிர் காவல் படையை உரு­வாக்­கு­வது போல­வும் ஒரு பாவ­லா­வைக் காட்­டு­கி­றார்­கள்.

உண்மை என்­ன­வென்­றால்: 1973-லேயே இந்­தி­யா­விற்கே முன்­னோ­டி­யாக முதன்­மு­த­லில் மக­ளிர் காவல் படையை உரு­வாக்கி, பெண்­களை காக்கி சீரு­டை­யில் கள­மி­றக்­கி­ய­வர் முத்­த­மிழ் அறி­ஞர் கலை­ஞர்­தான். 22 பெண்­க­ளோடு அவர் தொடங்­கிய பய­ணம், ஸ்டாலி­னின் பிங்க் பேட்­ரோல் வாக­னங்­கள் வழி­யாக, இன்று 27,000 சிங்­கப்­பெண்­க­ளாக உரு­வெ­டுத்து காவல் நிலை­யங்­க­ளையே ஆளும் அள­வுக்கு வளர்ந்­தி­ருக்­கி­றது.

முத்­த­மிழ் அறி­ஞர் கலை­ஞர் போட்ட விதைக்கு, இன்று பெயர் மாற்றி விளம்­ப­ரம் தேடு­கி­றார்­கள். வர­லாறு தெரி­யா­த­வர்­க­ளுக்கு வேண்­டு­மா­னால் இது புதி­தா­கத் தெரி­ய­லாம். ஆனால் தமிழ்­நாட்­டுக்­குத் தெரி­யும் - முதல் சிங்­கப்­பெண்­களை உரு­வாக்­கி­யது முத்­த­மி­ழ­றி­ஞர் கலை­ஞர்­தான் என்று.