திருவள்ளூர், ஜூன் 12 –
திருவள்ளூர் மாவட்டம் கடம்பத்தூர் ஒன்றியம் போளிவாக்கம் சத்திரம் கிராமத்தில் 300க்கும் மேற்பட்ட குடும்பத்தினர் வசித்து வருகின்றனர். மணவாள நகர் துணை மின் நிலையத்திலிருந்து மின்வினி யோகம் செய்யப்பட்டு வரும் நிலையில் போளிவாக்கம் சத்திரம் பகுதியில் உள்ள மின்மாற்றி கடந்த ஐந்து நாட்களாக சரியாக வேலை செய்யா ததால் மின்சாரம் விட்டு விட்டு வருவதாக கூறப்படுகிறது.
அடிக்கடி ஏற்படும் மின்தடையால் குடிநீர் வருவதில்லை என்றும், இதனால் குழந்தைகள் முதல் பெரியவர்கள் வரைமிகுந்த சிரமத்திற்கு ஆளாகி வருவதாக கூறப்படுகிறது.
மின்மாற்றியில் உள்ள பழுது காரணமாக மின்தடை ஏற்படுவது குறித்து அப்பகுதி மக்கள் மின்வாரிய ஊழியர்களிடம் தொலைபேசியில் தொடர்பு கொண்டு புகார் தெரிவித்த போது அலட்சியமாக பதில் தெரிவித்ததாக கூறப்படுகிறது. இதனால் ஆத்திரம் அடைந்த அப்பகுதி மக்கள் திருவள்ளூர் ஸ்ரீபெரும் புதூர் சாலையில் மறியல்போராட்டத்தில் ஈடுபட்டனர்.தகவல் என்று சம்பவ இடத்திற்கு வந்த மணவாள நகர் மற்றும் மப்பேடு போலீசார் சாலை மறியல் ஈடுபட்டவர்களிடம் பேச்சுவார்த்தை நடத்தினர்.
மின்வாரிய ஊழியர்கள் அலட்சியமாக பதில் சொல்வதாக தெரிவித்ததையடுத்து மின்வாரிய அதிகாரிகள் மூவியர்கள் மற்றும் சம்பவ இடத்திற்கு விரைந்து வந்து பேச்சுவார்த்தை நடத்தினர். அதனைத் தொடர்ந்து மின்மாற்றியில் ஏற்பட்டுள்ள பகுதிகளை சீரமைக்க தற்காலிக நடவடிக்கை மேற்கொள்ளப்பட்டு வருவதாகவும் மாற்று இடத்தில் புதிய மின்மாற்றி அமைக்க நடவடிக்கை எடுக்கப்பட்டு வருவதாகவும் மின்வாரிய அதிகாரிகள் தெரிவித்தனர்.
பொதுமக்களின் கோரிக்கைகளுக்காக தொலைபேசியில் தொடர்பு கொள்ளும் போது அலட்சியமாக பதில் கூறிய ஊழியரை பெண்கள் முற்றுகையிட்டு வாக்குவாதத்தில் ஈடுபட்டதால் பரபரப்பு ஏற்பட்டது. மேலும் கடம்பத்தூர் வட்டார வளர்ச்சி அலுவலகம் சார்பில் குடிமக்களுக்கு குடிநீர் விநியோகம் செய்ய நடவடிக்கை மேற்கொள்ளப்பட்டது. விரைவில் புதிய மின்மாற்றி அமைத்து தடையில்லா மின்சாரம் கிடைக்க நடவடிக்கை எடுக்கப்படும் என அதிகாரிகள் உறுதி அளித்ததை தொடர்ந்து பொதுமக்கள் கலைந்து சென்றனர். இதனால் திருவள்ளூர் திருப்பெரும்புதூர் சாலையில் போக்குவரத்து பாதிப்பு ஏற்பட்டது.