கரூர், ஜூன் 12–

கரூ­ரில் விஜய் பிரச்­சா­ரத்­தின் போது, 41 பேர் உயி­ரி­ழந்த துயர சம்­ப­வம் தொடர்­பான விசா­ர­ணையை சி.பி.ஐ. மீண்­டும் தொடங்­கி­யுள்­ளது.

கரூ­ரில், கடந்த ஆண்டு செப்­டம்­பர் 27-ம் தேதி விஜய் பிரச்­சா­ ரத்­தின்­போது, கூட்ட நெரி­ச­லில் சிக்கி பச்­சி­ளம் குழந்­தை­கள், பெண்­கள் உட்­பட 41 பேர் உயி­ரி­ழந்­த­னர். இந்த கொடுந்­து­ய­ரம் தொடர்­பாக, உச்­ச­நீ­தி­மன்ற உத்­த­ர­வுப்­படி சி.பி.ஐ. அதி­கா­ரி­கள் விசா­ரணை மேற்­கொண்டு வரு­கின்­ற­னர்.

கரூ­ரில் உள்ளசுற்­றுலா மாளி­கை­யில், தற்­கா­லிக சி.பி.ஐ. அலு­வ­ல­கம் அமைக்­கப்­பட்டு விசா­ரணை நடை­பெற்று வந்­தது. இந்த விசா­ர­ணை­யில், வேலுச்­சா­மி­பு­ரம் பகுதிபொது­மக்­கள், தனி­யார் ஆம்­பு­லன்ஸ்ஓட்­டு­நர்­கள், உடற்­கூறு ஆய்வு செய்த மருத்­து­வர்­கள், உயி­ரி­ழந்­த­வர்­க­ளின் குடும்­பத்­தி­னர், காவல்­து­றை­யி­னர், தவெக நிர்­வா­கி­கள் என பல்­வேறு தரப்­பி­ன­ரி­டம் சி.பி.ஐ. அதி­கா­ரி­கள் விசா­ரணை நடத்­தி­னர்.அத­னைத்­தொ­டர்ந்து, சட்­ட­மன்­றத் பொதுத் தேர்­தல் நடை­பெற்­ற­தால், விசா­ரணை ஏதும் நடை­பெ­ற­ வில்லை.

இந்­நி­லை­யில், கரூர் கொடுந்­து­ய­ரம் தொடர்­பான விசா­ர­ணையை சி.பி.ஐ. மீண்­டும் தொடங்­கி­யுள்­ளது. கரூர் கொடுந்­து­ய­ரம் நிகழ்ந்­த­போது, பாது­காப்­புப் பணி­யில் இருந்த காவல் ஆய்­வா­ளர் உள்­ளிட்ட 10காவ­லர்­க­ளுக்கு சி.பி.ஐ. சம்­மன் அனுப்­பி­யுள்­ளது. காவல் ஆய்­வா­ளர் சையது அலி மற்­றும் ஒரு சில காவ­லர்­கள் மட்­டும் நேற்­று­வி­சா­ர­ணைக்­காக ஆஜ­ராகி உள்­ள­னர். கரூர்கொடுந்­து­ய­ரில் 41 பேர் பலி­யா­ன­தற்கு கார­ண­மான விஜ­யி­டம் சிபிஐ ஏற்­க­னவே சம்­மன் அனுப்பி டெல்­லி­யில் வைத்து விசா­ரணை நடத்­தி­யது குறிப்­பி­டத் தக்­கது.