உளுந்தூர்பேட்டை, ஜூன் 12 -–
கள்ளக்குறிச்சி வடக்கு மாவட்டம், உளுந்தூர்பேட்டை சட்டமன்றத் தொகுதியில் வெற்றி பெற்ற ஜி.ஆர்.வசந்தவேல் எம்எல்ஏ தனக்கு வாக்களித்து வெற்றி பெற செய்த மக்களை நேரில் சந்தித்து நன்றி தெரிவித்து வருகிறார், அதன்படி திருநாவலூர் மேற்கு, கிழக்கு ஒன்றியத்திற்கு உட்பட்ட சேந்தமங்கலம், சேந்தநாடு, மடப்பட்டு, கெடிலம், களமருதூர், நன்னாரம், பிள்ளையார் குப்பம், ஒரத்தூர், கில்லனுர், பெரும்பட்டு, செங்குறிச்சி பாதூர் உள்ளிட்ட பல்வேறு கிராமங்க ளில் மக்களை சந்தித்து நன்றி தெரிவித்தார்.
அப்போது அவர் பேசுகையில் உளுந்தூர்பேட்டை தொகுதியில் திராவிட முன்னேற்றக் கழகம் வெற்றி பெறுகிறோம் என்றால் அதற்கு காரணம் நான் கிடையாது, அதற்கு முழு காரணம் இங்கு வந்திருக்கக்கூடிய நீங்கள் தான், இந்த வெற்றி உங்கள் வெற்றி ஏனென்றால் தொடர்ந்து பல்வேறு கிராமத்திற்கு நான் பிரச்சாரத்திற்கு வந்தேன், மக்களை நேரில் சந்தித்து வாக்கு சேகரித்தேன், இந்த வெற்றிக்காக நீங்கள் அத்தனை பேரும் கடுமையாக உழைத்து இருக்கிறீர்கள், அதற்கு முதலில் என்னுடைய நன்றியை நான் மீண்டும் மீண்டும் தெரிவித்துக் கொள்கிறேன்.
இந்த தொகுதி முழுவதும் சுற்றினோம், ஒவ்வொரு தெருவாக சென்றோம். எந்தெந்த தெருவுக்கு என்ன வேண்டும், ஒவ்வொரு வீடாக என்னென்ன தேவை என்பதை பார்த்து பார்த்து கடந்த ஐந்து வருடமாக செய்து கொடுத்துள்ளோம், அதே போல் நம்ப தொகுதி மட்டுமல்ல தமிழ்நாட்டில் வேற எந்த தொகுதியாக இருந்தாலும் திராவிட மாடல் நல்லாட்சியில் கழகத் தலைவர், சமூக நீதி காவலர், திராவிட நாயகர், அப்போதைய தமிழக முதல்வர் மு.க.ஸ்டாலின் மற்றும் இளைஞர்களின் எழுச்சி நாயகர், அப்போதைய தமிழக துணை முதல்வர், தற்போதைய எதிர்க்கட்சித் தலைவர் உதயநிதி ஸ்டாலின் அவர்கள் பல்வேறு எண்ணற்ற மக்கள் நல திட்டங்களை நிறைவேற்றினார்கள்.
ஆகவே மீண்டும் நம் முத்தமிழறிஞர் கலைஞர் ஆட்சி, நம் தலைவர் தலைமையில் மீண்டும் நம் தலைவர் அவர்கள் முத்துவேல் கருணாநிதி ஸ்டாலின் எனும் நான் என்று மீண்டும் பதிவேற்கின்ற நாள் வெகு தூரத்தில் கிடையாது, நாம் அனைவரும் ஒன்றிணைந்து அதை செய்து காட்டுவோம் என்று கூறிக்கொண்டு எனக்கு இந்த வெற்றியை தேடித்தந்த உளுந்தூர்பேட்டை தொகுதி மக்கள், கழக நிர்வாகிகள், கூட்டணி கட்சி நிர்வாகிகள் என உங்கள் அத்தனை பேருக்கும் மீண்டும் என் நன்றியை கொள்கிறேன் என ஜி.ஆர்.வசந்தவேல் எம்.எல்.ஏ. கூறினார்.
இதில் திருநாவலூர் மேற்கு ஒன்றிய கழக செயலாளர் கே.வி.முருகன் உள்ளிட்ட கழக நிர்வாகிகள், மற்றும் கூட்டணி கட்சிகளை சேர்ந்த நிர்வாகிகள் பலர் கலந்து கொண்டனர்.