பல்லாவரம், ஜூன்.13–
பல்லாவரம் சட்டமன்றத் தொகுதி – தாம்பரம் சட்டமன்றத் தொகுதி உட்பட்ட பகுதிகளில் இருந்த பல்லாவரம் நகராட்சி தாம்பரம் நகராட்சி பம்மல் நகராட்சி அனகாபுத்தூர் நகராட்சி திருநீர் மலை பேரூராட்சி ஆகிய பகுதிகளை இணைத்து கடந்த 2021 ஆம் ஆண்டு நமது திராவிட மாடல் அரசின் நாயகர் முதலமைச்சராக இருந்த மு.க.ஸ்டாலின் தளபதி அவர்கள் தாம்பரம் மாநகராட்சி உருவாக்கினார்.
அன்று முதல் தாம்பரம் மாநகராட்சியை நமது கழகத்தைச் சேர்ந்த பெரும்பாலன உறுப்பினர்கள் கைப்பற்றி மேயர் துணை மேயர் மண்டல தலைவர்கள் என கழகத்தைச் சேர்ந்தவர் பொறுப்புக்கு வந்து நல்ல முறையில் மக்கள் போற்றும் வகையில் மாநகராட்சி நிர்வாகத்தை நடத்தி வருகிறார்கள்.
இந்நிலையில் ஆட்சி மாற்றம் ஏற்பட்ட பிறகு 11-6-2026 அன்று காலை 10 மணி அளவில் மேயர் க.வசந்தகுமாரி தலைமையில் துணை மேயர் கோ.காமராஜ் முன்னிலை யில் தாம்பரம் மாநகராட்சியின் மாமன்ற உறுப்பினர்கள் ஆலோசனைக் கூட்டம் நடைபெற்றது.
இக்கூட்டத்தில் மண்டல தலைவர்கள் மாமன்ற உறுப்பினர்கள் ஆகியோர் கலந்து கொண்டு தங்கள் தங்கள் வார்டுகளில் மேற்கொள்ள வேண்டிய பல்வேறு மக்கள் நலப் பணிகள் குறித்து ஆலோசனை மேற்கொண்டனர்.
கூட்டத்தின் தொடக்கத்தில் 2வது மண்டலம் (பல்லாவரம்) தலைவர் இ.ஜோசப் அண்ணாதுரை நமது திராவிட மாடல் அரசின் நாயகர் முத்துவேல் கருணாநிதி ஸ்டாலின் அவர்கள் 2021 முதல் 2026 வரை இந்திய திருநாடே திரும்பிப் பார்க்கும் அளவில் நம்பர் ஒன் முதலமைச்சராக சிறப்பான ஆட்சியை தந்து தமிழ்நாட்டையும் தமிழ்நாட்டு மக்களும் 50 ஆண்டுகள் முன்னோக்கிச் செல்லும் வகையில் பல்வேறு நல திட்டங்களையும் ஒவ்வொரு குடும்பத்திலும் ஒருவர் நிச்சயமாக பயன் பெரும் வகையில் மக்கள் நலம் காக்கும் திட்டங்களையும் நிறைவேற்றி தந்தார்.
கடந்த 2021 ஆம் ஆண்டு நமது தாம்பரம் மாநகராட்சி உருவாக்கி தந்தது மட்டும் இல்லாமல் ஜிஎஸ்டி சாலையிலேயே மிகப் பிரம்மாண்ட மான மாநகராட்சி அலுவலகம் கட்டிடத்தின் கட்டி தந்தது மட்டுமின்றி மேலும் பல்வேறு மக்கள் நலம் போற்றும் பன்னோக்கு திட்டங்களை நிறைவேற்றி பார் போற்றும் நல்லாட்சி தந்த நமது திராவிட மாடல் அரசின் நாயகர் முன்னாள் தமிழ்நாடு முதலமைச்சர் அவர்களுக்கு நன்றி தெரிவிக்கும் தீர்மானத்தை இந்த மாமன்றம் நிறைவேற்றித் தருமாறு கேட்டுக்கொள்கிறேன் எனக்கேட்டு தீர்மானத்தை கொண்டு வந்தார்.
மேயர் தீர்மானத்தை சபையின் கோரிக்கைக்கு விடுத்து அனைத்து உறுப்பினர்களும் மேஜையைத் தட்டி தீர்மானம் ஒருமனதாக நிறைவேற்றப் பட்டது.
அதைத்தொடர்ந்து காங்கிரஸ் மாமன்ற உறுப்பினர் செந்தில்குமார் த.வெ.க அரசுக்கு வாழ்த்து தெரிவிக்குமாறு பேசினார்.
அதற்கு ஆட்சிக்கு வந்த 25 நாட்களில் மின்வெட்டு காரணமாக ஊரே இருளில் மூழ்கி சிரிப்பா சிரிக்கிறது. ஆகவே நாங்கள் வாழ்த்து தெரிவிக்க முடியாது. முடிந்தால் நீங்கள் தீர்மானம் கொண்டு வந்து நிறைவேற்றிக் கொள்ளுங்கள் என ஜோசப் அண்ணாதுரை தெரிவித்தார். இவ்வாறு விவாதங்கள் நடைபெற்றன.
அதைத் தொடர்ந்து 331 தீர்மானங்கள் நிறைவேற்றப் பட்டன .
தாம்பரம் மாநகராட்சியில் முன்னாள் முதல்வர் கழகத் தலைவருக்கு நன்றி தெரிவிக்கும் தீர்மானம் நிறை வேற்றப்பட்டதை கண்டு ஒவ்வொரு கழக மாமன்ற உறுப்பினர்களும் மகிழ்ச்சி தெரிவித்தார்கள்.