திருப்பூர், ஜூன் 13 –
‘யார் ஆட்சி நடக்கிறது என தெரியாமல் ஆட்டம் போடுகிறீர்கள்’ வீடியோவை வெளியிட்டால் சஸ்பெண்ட்- என மிரட்டியவீடியோ வைரல் ஆகியுள்ளது.திருப்பூரில் குடிபோதையில் பொது இடத்தில் பிறந்தநாள் கேக் வெட்டி பெண்களிடம் அடாவடியில் ஈடுபட்டவர்களை விசாரணை செய்ய வந்த காவல்துறையினரை தகாத வார்த்தைகளில் பேசி, மிரட்டிய த.வெ.க. போதை கும்பலால் பரபரப்பு ஏற்பட்டுள்ளது.
பின்னலாடை நகரான திருப்பூரில் பல்வேறு மாவட்டம், மாநிலங் களைச் சேர்ந்த தொழிலாளர்கள் குடும்பத்துடன் தங்கி பணியாற்றி வருகின்றனர். திருப்பூரில் நாளுக்கு நாள் போதை கலாச்சாரம் அதிகரித்து வருகிறது. தினசரி கஞ்சா, குட்கா விற்பனை செய்பவர்களை கண்டறிந்துகாவல்துறையினர் நடவடிக்கை எடுத்தாலும் விற்பனை குறைந்த
பாடில்லை. தற்போது புக்கிங் முறையில் கஞ்சா, குட்கா விற்பனை சிறப்பாக நடைபெற்று வருகிறது.
இந்நிலையில் நேற்று முன்தினம் திருப்பூர் திருமுருகன்பூண்டி முருகன்பூண்டி காவல் நிலையம் அருகில் தனியாருக்கு சொந்தமான உள்விளையாட்டு அரங்கம் உள்ளது. இதில்விளையாடி வந்த ரஞ்சித் (27) என்பவருக்கு நேற்று முன் தினம் இரவு பிறந்த நாள். இதனை கொண்டாட அவர் ராக்கியாபாளையம், தேவராயம்பாளையம், அனுப்பர்பாளையம், பெரியாயிபாளை யம் போன்ற பல்வேறு பகுதியைச் சேர்ந்த 100க்கும்மேற்பட்ட இளைஞர்களுக்கு அழைப்பு விடுத்தார்.
அதன் படி விளையாட்டு மைதானத்தின்முன் போதையில் கேக் வெட்டி கூச்சலிட்டனர். இந்த பகுதியில் வந்த பெண்களை கேலி, கிண்டல் செய்தனர். இது தவிர பட்டாசுகளை வெடித்துபொதுமக்களுக்கு இடையூறு செய்தனர். இது குறித்துபொது மக்கள் 100க்கு தகவல் தெரிவித்தனர். தகவல் அறிந்ததும் சம்பவ இடத்திற்கு வந்து அனுப்பர்பாளையம் உதவி ஆணையாளர் பிரதீப்
குமார், காவல் ஆய்வாளர் அழகு ராஜா மற்றும் காவலர்கள் விசாரணை நடத்தினர். அப்போது அங்கு கூடியிருந்த போதை கும்பல் காவலர்களை தகாத வார்த்தைகளில் திட்டி தாக்க முயன்றனர்.
மேலும், அங்கு சில இளைஞர்கள் காவல்துறையினரை வீடியோ எடுத்து “இந்த வீடியோவை வெளியிட்டால் நீங்கள் சஸ்பெண்ட் செய்யப்படுவீர்கள். யார் ஆட்சி நடைபெறு கிறது என தெரியாமல் ஆட்டம் போடுகிறீர்கள்” என ஒருமையில் மிரட்டிய சம்பவம் பொது மக்களை முகம் சுளிக்க வைத்தது.
வீடியோவில் த.வெ.க. அரசுக்கு ஆதரவாக பேசிதயதால் அவர்கள் தவெக வினராக இருக்கலாம். அல்லது தவெக ஆதரவாளர்களாக இருக்கலாம் என பொதுமக்கள் கூறினர்.
சம்பவம் தொடர் பாக திருமுருகன்பூண்டி காவல்துறையினர் வழக்குப்பதிவு செய்து விசாரித்து வருகின்றனர். அங்கு கூடியிருந்த இளைஞர்களில் பலர் மீது கஞ்சா, கொலை மிரட்டல் போன்ற வழக்குகள் இருப்பது குறிப்பிடத்தக்கது.