#Title

டாக்டர் கலாநிதி வீராசாமி எம்.பி.யின் புதல்வர் வி.கே.சித்தார்த் மணவிழா! கழகத் தலைவர் மு.க.ஸ்டாலின் தலைமையில் நடைபெறுகிறது! சட்டமன்ற எதிர்க்கட்சித் தலைவர் உதயநிதி ஸ்டாலின் முன்னிலை! மாவட்டச் செயலாளர்கள் – முன்னாள் அமைச்சர்கள் – கழக முன்னணியினர் வாழ்த்துகின்றனர்!

சென்னை, ஜூன்.15–

முன்னாள் கழகப் பொருளாளர் ஆர்க்காடு வீராசாமி அவர்களின் பேரன் – டாக்டர் கலாநிதி வீராசாமி எம்.பி.யின் புதல்வர் வி.கே.சித்தார்த்தின் திருமணம் ஜூன்.17 – புதன்கிழமை அன்று சென்னையில், கழகத் தலைவர் மு.க.ஸ்டாலின் அவர்கள் தலைமை யிலும் – சட்டமன்ற எதிர்க்கட்சித் தலைவர் உதயநிதி ஸ்டாலின் அவர்கள் முன்னிலையிலும் நடைபெறுகிறது.

கழக முன்னணியினர் பலரும் இம்மணவிழாவில் கலந்து கொண்டு வாழ்த்துகிறார்கள்.

இம்மணவிழா பற்றிய விவரம் வருமாறு:–

முன்னாள் கழகப் பொருளாள ரும், கழக உயர்நிலை செயல் திட்டக்குழு உறுப்பினருமான ஆர்க்காடு நா.வீராசாமி – திருமதி. கஸ்தூரி வீராசாமி ஆகியோரின் மகன் வழிப் பேரனும் – வடசென்னை நாடாளுமன்ற உறுப்பினர் – கழக அயலக அணித் தலைவர் டாக்டர் கலாநிதி வீராசாமி – டாக்டர் ஜெயந்தி கலாநிதி ஆகியோரின் புதல்வருமான வி.கே. சித்தார்த்திற்கும் – சென்னை வாழ் ராமசுப்ரமணியன் சுந்தர் – திருமதி. வித்யா ஸ்ரீசுந்தர் ஆகியோரின் மகளான எஸ்.ஆஷ்ரயா காயத்ரிக்கும் திருமண விழா, நாளை மறுநாள் (17.6.2026 – புதன்கிழமை) காலை 9.00 மணியளவில் சென்னை – வானகரம் ஸ்ரீவாரு வெங்கடாஜலபதி பேலஸில் நடைபெறுகிறது.

மணவிழாவில் – மாவட்டக் கழகச் செயலாளர்கள் மா.சுப்பிரமணியன், பி.கே.சேகர் பாபு எம்.எல்.ஏ., ஆவடி சா.மு.நாசர், மாதவரம் எஸ்.சுதர்சனம், ஆர்.டி.சேகர், நே.சிற்றரசு ஆகியோர் வரவேற்புரையாற்றுகின்றனர்.

கழக இளைஞர் அணிச் செயலாளரும் – சட்டமன்ற எதிர்க்கட்சித் தலைவருமான உதயநிதி ஸ்டாலின் அவர்கள் – மணவிழாவிற்கு முன்னிலை வகிக்கிறார்.

கழகத் தலைவர் மு.க.ஸ்டாலின் அவர்கள், மணவிழாவிற்குத் தலைமையேற்று, மணவிழாவினை நடத்தி வைத்து, மணமக்களை வாழ்த்தி உரையாற்றுகிறார்.

மணவிழாவில் – கழகப் பொதுச் செயலாளர் துரைமுருகன், கழகப் பொருளாளர் டி.ஆர்.பாலு எம்.பி., கழக முதன்மைச் செயலாளர் – முன்னாள் அமைச்சர் கே.என்.நேரு எம்.எல்.ஏ., கழக துணைப் பொதுச் செயலாளர் – முன்னாள் அமைச்சர் ஐ.பெரியசாமி எம்.எல்.ஏ., கழக துணைப் பொதுச் செயலாளர்கள் திருச்சி என்.சிவா எம்.பி., ஆ.ராசா எம்.பி., கனிமொழி கருணாநிதி எம்.பி., மு.பெ.சாமிநாதன், அந்தியூர் ப.செல்வராஜ், கழக அமைப்புச் செயலாளர் ஆர்.எஸ்.பாரதி, கழக செய்தித் தொடர்புக் குழுத் தலைவர் டி.கே.எஸ். இளங்கோவன்,

மாவட்டக் கழகச் செயலாளர் எ.வ.வேலு எம்.எல்.ஏ., எம்.ஆர்.கே.பன்னீர்செல்வம் எம்.எல்.ஏ., தங்கம் தென்னரசு எம்.எல்.ஏ., அன்பில் மகேஸ் பொய்யாமொழி, எஸ்.ரகுபதி எம்.எல்.ஏ., மயிலை த.வேலு, தா.மோ.அன்பரசன், கே.கே.எஸ்.எஸ்.ஆர்.இராமச்சந்திரன் எம்.எல்.ஏ., வி.செந்தில் பாலாஜி எம்.எல்.ஏ., திருமதி பி.கீதா ஜூவன் உள்ளிட்ட கழக மாவட்டச் செயலாளர்களும், முன்னாள் அமைச்சர்களும், சட்டமன்ற – நாடாளுமன்ற முன்னாள், இந்நாள் உறுப்பினர்களும்,

கழக இணை அமைப்புச் செயலாளர் அன்பகம் கலை, துணை அமைப்புச் செயலாளர்கள் எஸ்.ஆஸ்டின் எம்.எல்.ஏ., ப.தாயகம் கவி, தலைமை நிலையச் செயலாளர்கள் பூச்சி எஸ்.முருகன், துறைமுகம் காஜா, அண்ணா அறிவாலய மேலாளர் ஆர்.பத்மநாபன், பொன் தனபால் உள்ளிட்ட தலைமைக் கழக நிர்வாகிகளும், கழக முன்னோடிகளும் கலந்து கொண்டு மணமக்களை வாழ்த்துகிறார்கள்.

டாக்டர் கலாநிதி வீராசாமி எம்.பி. நன்றி கூறுகிறார்.

முன்னதாக நாளை (16.6.2026 – செவ்வாய்க்கிழமை) மாலை 6.30 மணியளவில் மணவிழா வரவேற்பு நிகழ்ச்சி நடைபெறுகிறது.

புனித தோமையர்மலை வடக்கு ஒன்றியம், பொழிச்சலூரை சேர்ந்த பா.ம.க. கிளை செயலாளர் வினோத்குமார் தலைமையில், ஒன்றிய துணை தலைவர் தியாகராஜன், வார்டு செயலாளர்கள் தீபன், விக்னேஷ், பண்ணீர், கோகுல், ஒன்றிய இளைஞர் அணி செயலாளர் சுரேஷ், அமைப்புச் செயலாளர் பாஸ்கர், அமைப்பு தலைவர் கார்த்திக், அரி, வெங்கடேசன், அ.தி.மு.க. கிளைச் செயலாளர் மோகன் ஆகியோர் அக்கட்சியில் இருந்து விலகி மாவட்டச் செயலாளர் – முன்னாள் அமைச்சர் தா.மோ.அன்பரசன் முன்னிலையில் தி.மு.கழகத்தில் இணைந்தனர். அருகில் புனித தோமையர்மலை வடக்கு ஒன்றியச் செயலாளர் ஜி.கே.ரவி, ஒன்றிய துணைச் செயலாளர் செல்வராஜ், பொழிச்சலூர் ஊராட்சி மன்றத் தலைவர் வனஜா தயாளன், துணைத் தலைவர் ஜோசப், ம.ஜெயபால், ம.சரவணன், ம.விக்னேஷ் உள்ளிட்டோர் உள்ளனர்.