தஞ்சை, ஜூன். 15–
மாநிலங்களவை கழக உறுப்பினர் சு.கல்யாணசுந்தரம் விடுத்துள்ள அறிக்கை வருமாறு:–
காவிரி டெல்டா பகுதி தமிழ்நாட்டின் உணவுப் பாதுகாப்பிற்கும், இலட்சக்கணக்கான விவசாயி களின் வாழ்வாதாரத்திற்கும் அடித்தளமாக விளங்கி வருகிறது. ஆண்டுதோறும் ஜூன் 12-ஆம் தேதி மேட்டூர் அணை திறக்கப்படுவது டெல்டா விவசாயி களின் நம்பிக்கையின் தொடக்கமாக கருதப்படுகிறது.
ஆனால் இந்த ஆண்டு ஜூன் 12 கடந்தும், மேட்டூர் அணையில் போதுமான நீர் இருப்பு இல்லாத காரணத்தால் குறுவை சாகுபடி குறித்து டெல்டா விவசாயிகள் மிகுந்த கவலையில் உள்ளனர். இந்த நிலைமை உருவாகும் என்பதை முன்கூட்டியே கணித்து, தமிழக அரசு என்ன நடவடிக்கைகள் மேற்கொண்டது என்பது குறித்து விவசாயிகள் மத்தியில் பல்வேறு கேள்விகள் எழுந்துள்ளன.
மேட்டூர் அணை திறப்பு
வரலாற்று சாதனை!
2021 முதல் 2026 வரை நடைபெற்ற ஆட்சிக் காலத்தில், அப்போதைய முதலமைச்சர் திரு. மு.க. ஸ்டாலின் அவர்கள் காவிரி பிரச்சினையை விவசாயிகளின் வாழ்வாதாரப் பிரச்சினையாக அணுகி பல்வேறு முன்னெச்சரிக்கை நட வடிக்கைகளை மேற்கொண்டார். 2021 மற்றும் 2023 ஆம் ஆண்டுகளில் வழக்கம்போல் ஜூன் 12 அன்று மேட்டூர் அணை திறக்கப்பட்டது. 2022 ஆம் ஆண்டு மே 24-ஆம் தேதியே அணை திறக்கப்பட்டு வரலாற்றுச் சாதனை படைக்கப்பட்டது.
2022 ஆம் ஆண்டு மேற்கொள்ளப்பட்ட திட்டமிடலின் காரணமாக 47 ஆண்டுகளில் இல்லாத அளவிற்கு குறுவை சாகுபடி பரப்பளவு விரிவடைந்தது. அதேபோல் 2025 ஆம் ஆண்டு மேட்டூர் அணை திறக்க ப்பட்டபோது 114 அடிக்கும் மேற்பட்ட நீர் இருப்பு காணப்பட்டதுடன், 6.31 லட்சம் ஏக்கர் பரப்பளவில் குறுவை சாகுபடி நடைபெற்றது என்பது குறி ப்பிடத்தக்கது.
2024 ஆம் ஆண்டு நீர்வரத்து குறைவால் மேட்டூர் அணை திறப்பில் தாமதம் ஏற்பட்டபோதும், அப்போதைய அரசு விவசாயிகளை கைவிடாமல் மாற்றுப் பயிர் ஆலோசனைகள், சிறப்பு நிவாரண நடவடிக்கைகள் மற்றும் தொடர் கண்காணிப்பு நடவடிக்கைகளை மேற்கொண்டது. நெருக்கடியை காரணம் காட்டாமல், அதற்கான தீர்வுகளை தேட முயன்றது.
தற்போதைய சூழலில் தமிழக அரசு கர்நாடக அரசுடன் எத்தனை முறை உயர்மட்ட பேச்சுவார்த்தை நடத்தியது? காவிரி மேலாண்மை ஆணையத்தின் முன் தமிழகத்தின் உரிமையை வலியுறுத்த என்ன நடவடிக்கைகள் மேற்கொள்ளப்பட்டன? தேவைப்பட்டால் நீதி மன்றத்தை அணுகும் சட்ட நடவடிக்கை கள் பரிசீலிக்கப்பட்டனவா? குறுவை சாகுபடியை பாதுகாக்க டெல்டா விவசாயிகளுக்கான அவசர செயல் திட்டம் என்ன? என்ற கேள்விகளுக்கு அரசு தெளிவான பதில் அளிக்க வேண்டும்.
குறிப்பாக, தற்போதைய வேளாண்மைத் துறை அமைச்சர் டெல்டா மண்ணைச் சேர்ந்தவர் என்பதால், காவிரி நீரின் அவசியத்தையும், டெல்டா விவசாயிகளின் எதிர்பார்ப்புகளையும் நன்கு உணர்ந்தி ருப்பார் என்று மக்கள் நம்புகின்றனர். கடந்த காலங்களில் வெற்றிகரமாக செயல்படுத்தப்பட்ட அனுபவங்களில் இருந்து கற்றுக்கொண்டு, இன்னும் தீவிரமான நடவடிக்கைகளை மேற்கொள்ள வேண்டிய பொறுப்பு அவருக்கு உள்ளது.
காவிரி உரிமை என்பது தமிழ்நாட்டின் உயிர் உரிமை. டெல்டா விவசாயிகளின் நலனையும், குறுவை சாகுபடியையும் பாதுகாக்க தமிழக அரசு உடனடியாக அரசியல், நிர்வாக மற்றும் சட்ட ரீதியான அனைத்து நடவடிக்கைகளையும் மேற்கொள்ள வேண்டும்.
டெல்டா விவசாயிகளின் எதிர்பார்ப்பு வெறும் அறிக்கைகள் அல்ல; உரிமையை பெற்றுத்தரும் உறுதியான செயல்பாடுகள்தான். கடந்த கால அனுபவங்கள் இன்று வழிகாட்டியாக மாற வேண்டிய தருணம் இது.
நீர் இல்லாதது இயற்கையின் கையில் இருக்கலாம். ஆனால் அந்த நெருக்கடியை எதிர்கொள்ளும் முன் தயாரிப்பும், உரிமையை நிலை நாட்டும் அரசியல் உறுதியும், விவசாயி களை பாதுகாக்கும் நிர்வாகத் திறனும் அரசின் கையில் தான் உள்ளன. அதுவே ஒரு ஆட்சியின் உண்மையான திறமையை அளவிடும் அளவுகோல்.
காவிரி உரிமை என்பது தமிழகத்தின் உயிர் உரிமை. டெல்டா விவசாயிகளின் எதிர்காலம் பாதுகாக்கப்பட வேண்டுமெனில், உடனடியாக அனைத்து அரசியல், நிர்வாக மற்றும் சட்ட வாய்ப்புகளையும் பயன்படுத்தி காவிரி நீரை பெற்றுத்தர தமிழக அரசு நடவடிக்கை எடுக்க வேண்டும்.
காலம் தாழ்த்தாமல்
நடவடிக்கை தேவை!
ஜூன் 12 கடந்தும் விவசாயி களுக்கு உறுதியான நம்பிக்கையை அளிக்கத் தவறியிருப்பது கவலையளிக்கிறது. இனியும் காலதாமதம் செய்யாமல் செயல்படவேண்டிய கட்டாயத்தில் அரசு உள்ளது.
இல்லையெனில் குறுவை சாகுபடி பாதிப்பு, விவசாயிகளின் பொருளாதார இழப்பு மற்றும் டெல்டா பகுதியின் வேளாண் நெருக்கடிக்கு இந்த அரசே முழுப் பொறுப்பேற்க வேண்டிய நிலை உருவாகும்.
டெல்டா விவசாயிகளின் நம்பிக்கையை காப்பாற்றவும், தமிழ்நாட்டின் உரிமையை நிலைநாட்டவும் தமிழக அரசு அவசர நடவடிக்கை எடுக்க வேண்டுமென வலியுறுத்துகிறேன்.
இவ்வாறு அவர் அறிக்கையில் தெரிவித்துள்ளார்.
மதுரை, ஜூன்.15–
மதுரை மாவட்ட முன்னாள் இலக்கிய அணி அமைப்பாளரும் மதுரை மாவட்ட அனைத்து பட்டு கூட்டுறவு சங்கத் தலைவராக இரண்டு முறை கழகத்தின் சார்பாக தேர்தலில் போட்டியிட்டு வெற்றி பெற்று 10 ஆண்டுகள் பொறுப்பில் இருந்தவருமான ம.நடராசன் அவர்கள் உடல் நலக்குறைவால் 13–6–2026 அன்று மதுரையில் இயற்கை எய்தினார் என்பதை அறிவிக்க வருந்துகிறோம்.
தீவிர திராவிட இயக்க கொள்கைவாதியும், கலைஞரின் பற்றாளராக கழகம் அறிவித்த அனைத்து போராட்டங்களிலும் பங்கேற்றவரு மான மறைந்த ம.நடராசன் அவர்களுக்கு கழக நிர்வாகிகள் பலரும் இறுதி அஞ்சலி செலுத்தினர்.