பாட்னா, ஜூன் 15 –
பீகார் காவல்துறையில் பல்வேறு பிரிவுகளில் காலியாக உள்ள பணியிடங்களுக்கு இன்று தேர்வு நடைபெறுகிறது. இத்தேர்வுக்கு பல்லாயிரக்கணக்கானவர்கள் விண்ணப்பித்துள்ள னர். இந்நிலையில், பாடலிபுத்ரா ரயில் நிலையத்தில் இத்தேர்வு எழுதச் செல்லும் மாணவர்கள் குவிந்தனர். ஆனால், தேர்வு மையங்களுக்கு செல்வதற்கான ரயில்கள் குறித்த நேரத்தில் வரவில்லை. இதனால், ஆத்திரமடைந்த மாணவர்கள் ரயில்வே நிர்வாகத்தைக் கண்டித்து முழக்கங்களை எழுப்பியதுடன், ரயில்நிலைய அதிகாரிகளுடன் வாக்குவாதத்தில் ஈடுபட்டனர். அப்போது அங்கிருந்த போலீசார், மாணவர்களை கலைந்து செல்லுமாறு விரட்டத் தொடங்கினர். இதனால், இருதரப்பினருக்கும் இடையே வெடித்த மோதல் வன்முறையாக மாறியது. ரயில்கள் மீதும், கடைகள் மீதும் போராட்டக்காரர்கள் கல்வீசி தாக்குதல் நடத்தினர். அவர்களை கண்ணீர் புகை குண்டுகளை வீசியும், தடியடி நடத்தியும் போலீசார் விரட்டி அடித்தனர். இதனால் அங்கு பர பரப்பு ஏற்பட்டது.