#Title

மன்னார்குடி அருகே சவளக்காரன் பகுதியில் ஏற்பட்ட தீவிபத்தில் பாதிக்கப்பட்டவர்களை சட்டமன்ற உறுப்பினர் பூண்டி.கே.கலைவாணன் சந்தித்து ஆறுதல் கூறினார். உடன் முரசொலி எம்.பி., வை.செல்வராஜ் எம்.பி., ஒன்றிய செயலாளர் சித்தேரி சிவா மற்றும் கழக நிர்வாகிகள் இருந்தனர். தண்ணீர் இருந்தால்தானே விவசாயிகள் விவசாயம் செய்ய முடியும்! ஒரு மாத காலத்தில் த.வெ.க. ஆட்சியின் செயல்பாட்டின் சதவீதம் பூஜ்ஜியம்! புதுக்கோட்டையில் முன்னாள் அமைச்சர் எஸ்.ரகுபதி பேட்டி!

புதுக்கோட்டை, ஜூன் 15–

புதுக்கோட்டையில் முன்னாள் அமைச்சர் எஸ்.ரகுபதி செய்தியாளர்களை சந்தித்தார் அப்போது அவர் கூறியதாவது:–

தண்ணியே இல்லாமல் விவசாய கடன் தள்ளுபடி என்ற ஒரு மோசடி நாடகத்தை முதலில் அரங்கேற்றினார்கள், அதை எதிர்த்து விவசாயிகள் இன்று போராடிக் கொண்டுள்ளனர். அடுத்த நாடகமாக குறுவை சாகுபடிக்கு 134 கோடி ரூபாய் மதிப்பில் தொகுப்பு திட்டம் என அறிவித்துள்ளனர். அதனைப் பார்க்கும்போது வேடிக்கையாக உள்ளது, விவசாயமே செய்யவில்லை வேளாண்மைக்கு தண்ணீர் கிடைக்கவில்லை, உரத்திற்கு மானியம் தருகிறோம், விதைக்கு மானியம் தருகிறோம் என்று சொல்வது வேடிக்கையாக உள்ளது.

தண்ணீர் இருந்தால்தானே விவசாயிகள் விவசாயம் செய்ய முடியும்.

இப்படி ஏமாற்று நாடகங்களையும் பித்தலாட்ட நாடகங்களையும் நடத்திக் கொண்டுள்ளது தான் ப்ரோ முதலமைச்சரின் அரசாங்கமாக உள்ளது.

சகோ, குட்டீஸ்,நண்பா என்று அழைத்து எல்லோரிடமும் ஓட்டு கேட்ட முதலமைச்சர் இன்று விவசாயி களைப் பார்த்து நண்பா தெரிந்து கொள் உனக்கு தண்ணீர் இல்லை.

நீ தண்ணீர் இல்லாமே விவசாயம் பண்ண கற்றுக்கொள்,

அதுதான் இந்த ஆட்சியின் சிறப்பு என்று சொல்கிற நிலைமையை இந்த ஆட்சியில் பார்க்கின்றோம்.,

ஆதவ் அர்ஜூனா நாடகம்!

ஆதவ் அர்ஜூனா எதை கணித்தார், தி.மு.க.வி லிருந்து அவர் போய் சேர்ந்தது விடுதலை சிறுத்தைகள் கட்சி,அந்தக் கட்சியில் இடமில்லை என்று சொன்னதும் போறதுக்கு இடம் இல்லாமல் அவர் போனது தமிழக வெற்றிக் கழகத்திற்கு,லாட்டரி சீட்டு நடத்தி அதன் மூலமாக இன்று தமிழக மக்களின் வயிற்று எரிச்சலை கொட்டிக் கொள்ள வேண்டும் என்பதற்காக,லாட்டரி சீட்டால் பல குடும்பங்கள் தற்கொலைக்கு ஆளாகியுள்ளது,தமிழகத்தில் அதனால் லாட்டரி சீட்டுகள் ஒழிக்கப்பட்டது,ஆனால் அந்த லாட்டரியை இன்றைக்கு மறைமுகமாக கொண்டு வந்து கொள்ளையடிக்க வேண்டும் என்ற ஒரே எண்ணத்தில் ஆதவ் அர்ஜுனா நாடகம் ஆடிக் கொண்டுள்ளார்,

அவரது நோக்கமே தமிழகத்தை கொள்ளையடிக்க வேண்டும் என்பதுதான்,

ஒரு லாட்டரி சீட்டை 10 சீட்டாக போடுவது போல் இன்றைக்கு அவர்கள் செய்து கொண்டுள்ளனர்,

யாரை நம்பி நான் பிறந்தேன் போங்கடா போங்க..

என் காலம் வெல்லும் வென்ற பின்னே வாங்கடா வாங்க. என்ற பாடலைப் போல் தி.மு.க. யாரையும் நம்பி இல்லை.

தனித்து நின்று வெற்றி பெறக்கூடிய திராணி தெம்பு திமுகவுக்கு உள்ளது. திமுக தொண்டர்கள் தனித்துப் போட்டியிட வேண்டும் என்பதில் உறுதியாக உள்ளனர். இன்னும் ஆறு மாத காலத்திற்குள் ஆட்சி மாற்றம் வேண்டும் என்ற ஒரே நோக்கத்தோடு தமிழக மக்கள் உள்ளனர்,

நாங்கள் ஐந்தாண்டுகள் செய்த சாதனையை மக்கள் எண்ணிப்பார்க்க தவறியதை தற்போது வீட்டில் உட்கார்ந்து நினைத்துப் பார்க்கின்றனர், இனி நினைத்து பார்த்து ஓட்டு போடுவார்கள், அ.தி.மு.க.வின் உண்மையான திரை தி.மு.க. தான் என எடப்பாடி பழனிச்சாமி பேசிய தொடர்பான கேள்விக்கு, எடப்பாடி பழனிச்சாமி எதை வேண்டுமானாலும் பேசி விட்டு போகட்டும்,பத்திரிகையில் செய்தி வரவேண்டும் என்பதற்காக பேசுகிறார் அதை நாங்கள் பொருட்படுத்தவில்லை,

தி.மு.க. திட்டங்களை ரிவிட் செய்துள்ளாரே தவிர புதிதாக ஒன்றையும் டெல்லியில் முதல்வர் சொல்லவில்லை,

பேரிடர் நிதி என்று தனியாக கொடுக்கவில்லை

மத்திய அரசு நிதி அளிக்கட்டும் அப்புறம் பார்க்கலாம்,இயற்கை பேரிடர் நிதி என்று ஆண்டுதோறும் ஒரு நிதி கொடுப்பார்கள் அதைத்தான் கொடுத்துள்ள தவிர, தனியாக எதையும் அவர்கள் கொடுக்கவில்லை,

செங்கோட்டையனுக்கு அதுதான் தெரியும் அதைத்தான் சொல்லி இருக்கிறார். வேறு ஒன்றும் புதிதாக சொல்வதற்கெல்லாம் அவருக்கு தெரியாது,

ஆயிரம் கோடி வந்துள்ளது என்று செங்கோட்டையிடனிடம் சொன்னதும், தான் துறைக்கு அமைச்சராக வந்ததும் பணம் வந்துள்ளது என்ற பெருமையில் அவர் சொல்லியுள்ளார்.

ஆனால் அதிகாரிகளிடம் கேட்டுப் பார்த்தால் அந்த உண்மை தெரியும்,

அவர்கள் மத்திய அரசிடம் இணக்கமாக செயல்பட்டால் என்ன? எப்படி செயல்பட்டால் என்ன,

தமிழகத்திற்கு கிடைக்க வேண்டியது கிடைத்தால் சரி. நாங்கள் கேட்ட கல்வி நிதியைத்தானே இப்போது தமிழக முதல்வர் டெல்லியில் கேட்டு உள்ளார்.

நாங்கள் முன்மொழி கல்விக்கு எதிராக போராடினோம். அதனால் அன்று அந்த நிதி நிறுத்தப்பட்டது.

நிறுத்தப்பட்ட அந்த 3000 கோடியை தான் இன்றைக்கு உள்ள ப்ரோ முதல்வர் கேட்டுள்ளார்.

10 லட்சம் கோடி ரூபாய் கடன் உள்ளது என்று அருமையான வெள்ளை அறிக்கையை கடந்த பிப்ரவரி மாதம் எங்களது நிதிநிலை அறிக்கையில் நாங்கள் கொடுத்துவிட்டோம்.அதைப் படித்துப் பார்த்த பிறகு தமிழகத்தின் இது நிலைமை எப்படி உள்ளது என்பதை தெரிந்து கொள்ள தவறி விட்டார்கள் என்றால் அது அவர்களின் தவறு, அது எங்களின் தவறல்ல.இதற்கு தனியாக வெள்ளை அறிக்கை தர வேண்டிய அவசியம் இல்லை, பட்ஜெட்டை படித்தாலே சாதாரண மக்களுக்கும் புரியும்,

விஜயின் ரீல்ஸ் ஆட்சி!

தற்போது விஜயின் ரீல்ஸ் ஆட்சி தமிழகத்தில் நடந்து கொண்டுள்ளது,

மக்கள் மாயையில் ஒரு மோகத்தில் வாக்களித்து விட்டார்கள், எந்த வேட்பாளர் எந்த கட்சி அவர் பெயர் என்ன அவன் நல்லவனா கெட்டவனா அவன் பின்னணி என்ன அவன் எந்த ஊர் காரன் என்று கூட தெரியாமல் வாக்களித்து உள்ளார்கள் என்றால், இதைப் போல ஒரு தேர்தல் நடந்ததாக வரலாறே கிடையாது,

தேர்தல் கூத்து என்று சொல்வதைப் போல அரசியல் கூத்து தான் 2026 தேர்தல். ஆதவ் அர்ஜூனா மட்டுமல்ல ஜான் ஆரோக்கிய சாமி போல இன்னும் 4, ஐந்து பேர்கள் முதல்வரோடு செல்கிறார்கள், முதல்வரின் அலுவலகத்திற்கு பக்கத்திலேயே அவர்களுக்கும் அலுவலகம் கொடுக்கின்றனர்,

ஒருத்தர் முதலமைச்சர் அலுவலகத்திற்கு உள்ளேயே இருக்கிறார் இதுபோல கூத்தெல்லாம் இன்று தமிழகம் தான் பார்த்துக் கொண்டுள்ளது,

முதல்வருக்கு ஆதவ் அர்ஜூனாவா, ஆரோக்கிய சாமியா யார் தான் ஐடியா கொடுக்கிறார் என்பது தெரியவில்லை..

ஆனால் ஒன்று எதுவுமே நடக்காது அது நன்றாக தெரியும்.

ஒரு மாத காலத்தில் த.வெ.க. ஆட்சியின் செயல்பாட்டின் சதவீதம் பூஜ்ஜியம்.

இவ்வாறு முன்னாள் அமைச்சர் எஸ்.ரகுபதி பேட்டி அறித்தார்.