சென்னை, ஜூன் 16–
“பச்சிளம் குழந்தைகள் சீரழிக்கப்படுவது தான் முதல்வரின் மாற்றத்திற்கான லட்சணமா?” என்று கழக தகவல் தொழில்நுட்ப அணி கேள்வி எழுப்பியுள்ளது.
இதுகுறித்து கழக தகவல் தொழில்நுட்ப அணி தமது சமூக வலை தளத்தில் பதிவிட்டிருப்பதாவது:–
பெண் குழந்தை பாலியல் கொலை!இன்னும் எவ்வளவு காலம் தான் தூங்குவது போல்நடிப்பீர்கள் ‘குறட்டை குமார் முதல்வரே’!
தி.மு.க. ஐ.டி.விங் கடும் கண்டனம்!
தமிழ்நாடு இதுவரை கண்டிராத மிகக் கேவலமான சட்டம்-ஒழுங்கு சீரழிவை நோக்கிச் சென்று கொண்டிருக்கிறது! கும்மிடிப்பூண்டி அருகே 3 வயது பச்சிளம் குழந்தை பாலியல் வன்கொடுமை செய்யப்பட்டு, முட்புதரில் வீசப்பட்டு கொடூரமாகக் கொலை செய்யப்பட்டுள்ளது. அதே நாளில், பூந்தமல்லி அருகே 7 வயது சிறுமிக்கு பாலியல் கொடுமை செய்யப்பட்டுள்ளது.
பாதிக்கப்பட்ட இந்த ஏழைப் பெற்றோர்களின் வலியும்,பச்சிளம் குழந்தைகளின்வேதனையும் உங்களுக்கு உறைக்கவில்லையா? பெத்தவங்களோட குமுறலும், நெஞ்சகப் பதற்றமும் புரியாத ஒரு இரக்கமற்றவர் முதல்வர் நாற்காலியில் அமர்ந்திருப்பது தமிழ்நாட்டின் சாபக்கேடு!
ஸ்ரீவைகுண்டத்திலும், சேலத்திலும் உங்கள் சொந்தத் தவெக கட்சியினர் பாலியல் அசிங்கங்களை அரங்கேற்றியபோது, அவர்களைக் கட்சியை விட்டு நீக்காமல்,காப்பாற்ற முற்படுகிறீர்களே, அதன் விளைவு தான்இன்று கும்மிடிப்பூண்டி யிலும், பூந்தமல்லியி லும் பச்சிளம் குழந்தைகள் சீரழிக்கப்படும் இந்த உச்சக்கட்ட அவலம்!
நீங்கள் உண்மையான முதல்வரும் இல்லை, உங்களை ஆட்டுவிக்கும் நிழல் முதல்வர்களுக்கு இந்த குற்றங்கள் பற்றிய கவலையும் இல்லை என்பதால் தான், இன்று தமிழ்நாட்டில் காமக்கொடூரர்கள் பயமின்றித் திரிகிறார்கள்.
அடுத்து, சோஷியல் மீடியாக்களில் “இவர்தான் மாற்றம்” என மக்களை மூளைச் சலவை செய்து, அரியணையில் அமர்த்த பணிபுரிந்த Paid Influencers கூட்டமே, இப்பொழுது எங்கே போய் ஒளிந்து கொண்டீர்கள்? 3 வயதுக் குழந்தையின் மரணத்திற்கு உங்களின் அந்தப் போலி விளம்பரங்களும் ஒரு மிக முக்கியக் காரணம் என்பதை ஒப்புக்கொள் வீர்களா? உங்களின் ‘மாற்றத்தின்’ லட்சணம் இதுதானா?
இனியாவது தூங்குவது போல் நடிப்பதை நிறுத்தி விட்டு குற்றவாளிகளை இரும்புக்கரம்கொண்டு ஒடுக்குங்கள்!
இவ்வாறு கழக தகவல் தொழில்நுட்ப அணி வெளியிட்டுள்ள சமூக வலை தளத்தில் கூறப்பட்டுள்ளது.