திருவள்ளூர், ஜூன் 16:
திருவள்ளூர் மாவட்டத்தில் நேற்று ஒரே நாளில் மூன்று பெண் குழந்தைகள் பாலியல் குற்றங்களுக்கு ஆளான சம்பவங்கள் தமிழகம் முழுவதும் பெரும் அதிர்ச்சியையும், வேதனையையும், கொந்தளிப்பையும் ஏற்படுத்தியுள்ளது. இந்த தொடர் சம்பவங்கள் பெண்கள் மற்றும் குழந்தைகளின் பாதுகாப்பு குறித்து பொதுமக்கள், பெற்றோர்கள் மற்றும் சமூக ஆர்வலர்கள் மத்தியில் கடும் அச்சத்தை ஏற்படுத்தியுள் ளன.
கும்மிடிப்பூண்டி சிப்காட் தொழிற்பேட்டையில் பணிபுரியும் வடமாநிலத்தைச் சேர்ந்த தம்பதியரின் 3 வயது பெண் குழந்தை பாலியல் வன்கொடுமைக்கு ஆளான நிலையில் முட்புதரில் மீட்கப்பட்டு முதலில் கும்மிடிப் பூண்டி அரசு மருத்துவமனையிலும், பின்னர் சென்னை ஸ்டான்லி அரசு மருத்துவமனையிலும் அனுமதிக்கப்பட்டு தீவிர சிகிச்சை அளிக்கப்பட்டது. இருப்பினும், சிகிச்சை பலனின்றி குழந்தை உயிரிழந்தது தமிழகம் முழுவதும் பெரும் சோகத்தை ஏற்படுத்தியுள்ளது.
இந்தச் சம்பவம் தொடர்பாக பீகார் மாநிலத்தைச் சேர்ந்த பிபின் மஞ்சி என்பவரை போலீசார் கைது செய்து விசாரணை மேற்கொண்டு வருகின்றனர். உயிரிழந்த சிறுமிக்கு விரைந்து நீதி கிடைக்க வேண்டும்; குற்றவாளிக்கு சட்டத்தில் உள்ள மிகக் கடுமையான தண்டனை வழங்கப்பட வேண்டும் என்று பொதுமக்கள் வலியுறுத்தியுள்ளனர்.
அதேபோல், பூவிருந்த வல்லி அருகே வசிக்கும் கூலித் தொழிலாளி தம்பதியரின் 7 வயது மகள், வீட்டின் அருகே விளையாடிக் கொண்டிருந்தபோது பாலியல் துன்புறுத்த லுக்கு ஆளானதாக பெற்றோர் அளித்த புகாரின் அடிப்படையில், அதே பகுதியைச் சேர்ந்த சரவணன் மீது போக்சோ சட்டத்தின் கீழ் வழக்குப்பதிவு செய்யப்பட்டு விசாரணை நடைபெற்று வருகிறது. ஆரம்ப கட்டத்தில் மகளிர் காவல்துறையினர் அலட்சியமாக செயல்பட்டதாகவும் குற்றச்சாட்டுகள் எழுந்துள்ளன.
இதனுடன், திருவள்ளூர் அடுத்த திருப்பாச்சூர் பகுதியைச் சேர்ந்த ஆட்டோ ஓட்டுநர் நந்தகுமார், அதே பகுதியைச் சேர்ந்த அரசு உயர்நிலைப் பள்ளியில் 7-ஆம் வகுப்பு படிக்கும் மாணவியிடம் கஞ்சா போதையில் அடிக்கடி பாலியல் சீண்டலில் ஈடுபட்டதாகக் கூறப்படுகிறது. மாணவி அளித்த புகாரின் அடிப்படையில் அனைத்து மகளிர் காவல் நிலைய போலீசார் நந்தகுமாரை போக்சோ சட்டத்தின் கீழ் கைது செய்து விசாரணை மேற்கொண்டு வருகின்றனர்.
ஒரே நாளில் திருவள்ளூர் மாவட்டத்தில் மூன்று பெண் குழந்தைகள் பாலியல் குற்றங்களுக்கு ஆளான சம்பவம் பெற்றோர்கள் மத்தியில் பெரும் அச்சத்தை ஏற்படுத்தியுள்ளது. குழந்தைகளை பள்ளிக்கும், வீட்டின் வெளியிலும் பாதுகாப்பாக அனுப்ப முடியாத சூழல் உருவாகி வருவதாக சமூக ஆர்வலர்கள் கவலை தெரிவித்துள்ளனர்.
இந்தச் சம்பவங்களை சுட்டிக்காட்டி பொதுமக்கள் மற்றும் சமூக ஆர்வலர்கள் மாநில அரசை கடுமையாக விமர்சித்து ள்ளன. பெண்கள் மற்றும் குழந்தைகளின் பாதுகாப்பை உறுதி செய்வதாக வாக்குறுதி அளித்து ஆட்சிக்கு வந்த அரசு, அந்த அடிப்படை பொறுப்பையே நிறைவேற்றத் தவறிவிட்டதாக அவர்கள் குற்றம்சாட்டியுள்ள னர்.
மாநிலம் முழுவதும் பெண்கள், சிறுமிகள் மற்றும் குழந்தைகளுக்கு எதிரான பாலியல் குற்றங்கள் தொட ர்ச்சியாக நடைபெற்று வரும் நிலையில், குற்றத் தடுப்பில் அரசு போதுமான கவனம் செலுத்தவில்லை என்றும், சட்டம்-ஒழுங்கை வலுப்படுத்துவதற்குப் பதிலாக ரீல்ஸ், விளம்பரங்கள், நிகழ்ச்சி அரசியல் மற்றும் சமூக வலைதளப் பிரசாரங்களிலேயே ஆட்சியாளர்கள் அதிக ஆர்வம் காட்டுவதாகவும் எதிர்க்கட்சிகள் விமர்சித்துள்ளன.
பெண்களின் பாதுகாப்பை உறுதி செய்வதாக அறிவிக்கப்பட்டுள்ள “சிங்கப்பெண்” சிறப்புப் படை தரையில் எந்த அளவுக்கு செயல்படுகிறது என்பது குறித்து அரசு மக்களுக்கு விளக்கம் அளிக்க வேண்டும் என்றும், பெண்கள் மற்றும் குழந்தைகளுக்கு பாதுகாப்பு உணர்வை ஏற்படுத்தும் வகையில் அதன் செயல்பாடுகளை வலுப்படுத்த வேண்டும் என்றும் அவர்கள் வலியுறுத்தியுள்ளனர்.
மூன்று வயது குழந்தை கூட பாதுகாப்பாக வாழ முடியாத நிலை ஏற்பட்டிருப்பது மாநிலத்தின் சட்டம்-ஒழுங்கு நிலைமை குறித்து கடுமையான கேள்விகளை எழுப்புவதாக எதிர்க்கட்சிகள் தெரிவித்துள்ளன. ஒவ்வொரு சம்பவத்திற்குப் பிறகும் வழக்குப் பதிவு செய்து கைது நடவடிக்கை எடுப்பது மட்டுமே தீர்வாக இருக்க முடியாது; குற்றங்கள் நடைபெறுவதற்கு முன்பே அவற்றைத் தடுக்கும் நடவடிக்கைகளே அரசின் முதன்மைப் பொறுப்பாக இருக்க வேண்டும் என்றும் அவர்கள் சுட்டிக்காட்டியுள்ளனர்.
கும்மிடிப்பூண்டியில் உயிரிழந்த 3 வயது சிறுமியின் குடும்பத்திற்கு உரிய இழப்பீடு, சட்ட உதவி மற்றும் முழுமையான அரசு ஆதரவு வழங்கப்பட வேண்டும். மேலும், பாதிக்கப்பட்ட மற்ற சிறுமிகளுக்கும் மருத்துவம், உளவியல் ஆலோசனை, சட்ட உதவி உள்ளிட்ட அனைத்து உதவிகளையும் அரசு உடனடியாக வழங்க வேண்டும் என்றும் அவர்கள் கோரிக்கை விடுத்துள்ளனர்.
பெண்கள் மற்றும் குழந்தைகளின் பாதுகாப்பு என்பது எந்த அரசுக்கும் முதன்மை யான பொறுப்பாகும். அந்தப் பொறுப்பை நிறைவேற்றத் தவறினால், சட்டம்-ஒழுங்கு குறி த்து மக்கள் அரசிடம் கடுமையான கேள்வி களை எழுப்புவது இயல்பானது. விளம்பரங்க ளையும் ரீல்ஸ் அரசிய லையும் விட, மக்களின் உயிர் மற்றும் பாதுகாப்புக்கு முன்னுரிமை அளிக்க வேண்டிய நேரம் இதுவே என தெரிவித்துள்ளன.
கும்மிடிப்பூண்டியில் பாதிக்கப்பட்டவருக்கு நீதி வழங்க வேண்டும், குற்ற வாளிகள் மீது உடனடி மற்றும் கடுமையான நடவடிக்கை எடுக்க வேண்டும், பெண்கள் மற்றும் குழந்தைகளுக்கு பாதுகாப்பை உறுதி செய்ய வேண்டும் என்று வலியுறுத்தி பொதுமக்கள் சாலை மறியலில் ஈடுபட்டனர்.
போராட்டத்தில் ஈடுபட்ட மக்களிடம் பேச்சுவார்த்தை நடத்திய காவல்துறையினர், பின்னர் சாலை மறியலில் ஈடுபட்டவர்களை கைது செய்து அப்புறப்படுத்தினர்.
இதற்கிடையில், சம்பவ இடத்திற்கு வந்த த.வெ.க. நிர்வாகிகள் போராட்டத்தில் ஈடுபட்ட மக்களுடன் வாக்குவாதத்தில் ஈடுபட்டனர். இதனால் அப்பகுதியில் பரபரப்பும் பதற்றமும் ஏற்பட்டது.
முத்தமிழ் அறிஞர் கலைஞரின் 103–வது பிறந்த நாள் விழாவை முன்னிட்டு, அன்னதானம் வழங்கும் நிகழ்ச்சி திருவள்ளூர்மேற்கு மாவட்டம் பள்ளிப்பட்டு மத்திய ஒன்றிய தி.மு.க. சார்பில் மாவட்டக் கழக செயலாளர் திருத்தணி எஸ். சந்திரன் ஆலோசனைப்படி, பள்ளிப்பட்டு மத்திய ஒன்றிய செயலாளர் பி.டி.சந்திரன் தலைமையில் நடைபெற்ற நிகழ்ச்சியில், முத்தமிழ் அறிஞர் டாக்டர் கலைஞரின் திருஉருவப் படத்திற்கு மாலை அணிவித்து மலர்தூவி மரியாதை செலுத்தி பொதுமக்களுக்கு நலத்திட்ட உதவிகள், அறுசுவை உணவுகள் மற்றும் இனிப்புகள் வழங்கப்பட்டது இந்த நிகழ்ச்சியில் மாவட்ட மாணவர் அணி அமைப்பாளர் முரளி சேனா, நிர்வாகிகள் பி.டி. குமரேசன், வி.வி. மணி, ஆர். மணிகண்டன், எம். செல்வம், பி.டி. ராஜேந்திரன், ஆரோன், சம்பத், பிச்சிகான், கிரி, விமல், பாஸ்கரன் உள்ளிட்ட கழக நிர்வாகிகள் மற்றும் ஏராளமான பொதுமக்கள் கலந்து கொண்டு கலைஞருக்கு புகழஞ்சலி செலுத்தினர்.