கழகத் தலைவர் மு.க.ஸ்டாலின் அவர்களின் இல்லத்தில், நேற்று (15-.06-.2026), திரைப்பட இயக்குநர் கரு. பழனியப்பன், சந்தித்தார். அப்போது, கரு. பழனியப்பன் இயக்கும் புதிய திரைப்படமான “ குக்கர்”“ படத்தின் தலைப்பைக் கழகத் தலைவர் மு.க.ஸ்டாலின் அவர்கள் வெளியிட்டார். இந்நிகழ்வின் போது, நடிகர் காளி வெங்கட் மற்றும் ஒளிப்பதிவாளர் ராஜசேகரன் ஆகியோர் உடனிருந்தனர்.

சென்னை, ஜூன் 16 –

“கும்­மி­டிப்­பூண்டி அருகே 3 வயது குழந்­தை பாலி­யல் வன்­கொ­டுமைக்கு ஆளாகி உள்ளது. சேலம், ஆலந்தூரில் பெண்கள்பாலியல் தொல்லைக்குள்ளாகி இருக்கின்றனர். தமிழ்நாடு முழுவதும்இதுபோன்ற குற்றச் சம்பவங்கள் நடைபெற்று வருகின்றன. இதைத் தடுக்க அரசு நடவடிக்கை எடுக்க வில்லை. இனியும் தமிழ் நாட்டில் குற்றச்சம்பவங்கள் தொடர்ந்தால், கழகத் தலைவரின் அனுமதியைப் பெற்று, மக்களைத் திரட்டி வீதி யில் இறங்கிப் போராட தி.மு.க. தயங்காது” என்று எதிர்க்கட்சித் தலைவர் உதயநிதி ஸ்டாலின்அவர் கள் எச்சரிக்கை விடுத்துள்ளார்.

இதுகுறித்து எதிர்க்கட்சித் தலைவர் உதயநிதி ஸ்டாலின் அவர்களின் சமூக வலை தளப் பதிவு வருமாறு:–

கும்­மி­டிப்­பூண்டி அருகே 3 வயது குழந்­தையை பாலி­யல் வன்­கொ­டுமை செய்து புத­ரில் வீசப்­பட்­ட­தில் அக்­கு­ழந்தை உயி­ரி­ழந்­தது அறிந்து அதிர்ச்சி அடைந்­தேன்.

இச்­சம்­ப­வத்­தில் உண்­மை­யான குற்­ற­வா­ளி­க­ளைக் கண்­டு­பி­டித்­துக் கடு­மை­யான தண்­ட­னை­யைக் காவல்­துறை பெற்­றுத் ­தர வேண்­டும்.

வடக்கே எங்கோ தூரத்­தில் நடந்­த­தாக நாம் செய்­தி­க­ளில் படித்த குற்­றச் சம்­ப­வங்­கள் எல்­லாம், இந்த #SofaModel ஆட்­சி­யில் தமிழ்­நாட்­டில் தின­சரி தொடர்­கதை ஆவது கண்­டிக்­கத்­தக்­கது.

தேர்­தல் பிரச்­சா­ரத்­தில் சட்­டத்­துக்­குப்­பு­றம்­பாக வாக்­குக் ­கேட்­ப­தற்­கான tool ஆக குழந்­தை­க­ளைப் பயன்­ப­டுத்­திய முத­ல­மைச்­சர், குழந்­தை­கள் -, பெண்­கள் பாது­காப்­பில் தொடர்ந்து கோட்டை விடு ­கி­றார்.

சேலத்­தில் 50 மேற்­பட்ட பெண்­க­ளுக்கு அவ­ரு­டைய கட்­சி­யைச் சேர்ந்­த­வர் பாலி­யல் தொல்லை கொடுத்­தது - ஆலந்­தூ­ரில் அவ­ரது கட்சி பிர­மு­கர் கண­வனை இழந்தபெண்­ணி­டம் அத்­து­மீ­றி­யது - சிங்­கப்­பெண் படையை உரு­வாக்­கிய சில தினங்­க­ளில் சிவ­கங்­கை­யில் பெண் காவ­ல­ருக்கே பாலி­யல் தொல்லை.

இப்­படி தமிழ்­நாடு முழுக்க சட்­டம் – ஒழுங்கு, வெண்­டி­லேட்­ட­ரில் வைக்­கும் அள­வுக்கு செத்­துக் கொண்­டி­ருக்­கி­றது.

ஆட்சி அமைத்து ஒரு மாதத்­துக்கு மேலா­கி­யும் சட்­டம் ஒழுங்கை நிலை­நாட்ட முத­ல­மைச்­சர் எந்த ஓர் உறு­தி­யான நட­வ­டிக்­கை­யை­யும் எடுப்­பது போல தெரி­ய­வில்லை.

அடுத்த கட்சி ஆட்­களை Purchase செய்­யும் நேரத்­தில், கொஞ்­ச­மா­வது சட்­டம் ஒழுங்கை protect செய்ய முத­ல­மைச்­சர் அக்­கறை காட்ட வேண்­டும்.

தமிழ்­நாட்­டில் சீர­ழி­யும் சட்­டம் ஒழுங்­கைக் காப்­பாற்ற உடனே காவல்­துறை அதி­கா­ரி­கள் அள­வில் உயர்­நி­லைக் கூட்­டத்தை நடத்தி, மண்­டல - மாவட்ட அள­வி­லான காவல்­துறை அதி­கா­ரி­க­ளுக்கு குற்­றங்­க­ளைத் தடுப்­ப­தற்­கான கடு­மை­யான உத்­த­ர­வு­ களை முத­ல­மைச்­சர் பிறப்­பிக்க வேண்­டும்.

இனி­யும் இது மாதி­ரி­யான குற்­றச்­சம்­ப­வங்­கள் தொடர்ந்­தால், எங்­கள் தலை­வர் அவர்­க­ளின் அனு­ம­தி­யைப் பெற்று, மக்­க­ளைத் திரட்டி வீதி­யில் இறங்கிப் போரா­ட­வும் தி.மு.கழ­கம் தயங்­காது.

இவ்வாறு எதிர்க்கட்சித் தலைவர் உதயநிதி ஸ்டாலின் அவர்கள் சமூக வலை தளப் பக்கத்தில் தெரிவித்துள்ளார்.