#Title

வழித்தட பிரச்சினையில் இருதரப்பினர் இடையே மோதல்: பெண்ணின் முடியை பிடித்து த.வெ.க. பிரமுகர் கொடூரமாகத் தாக்கும் வீடியோ வைரல்! பேர்ணாம்பட்டு முன்னாள் எம்.எல்.ஏ. அ.சின்னசாமி மறைவு! கழகத் தலைவர் மு.க.ஸ்டாலின் இரங்கல்!

சென்னை, ஜூன் 16 –

பேர்ணாம்பட்டு தொகுதி முன்னாளர் சட்டமன்ற உறுப்பினர் அ.சின்னசாமி மறைவுக்கு கழகத் தலைவர் மு.க.ஸ்டாலின் அவர்கள் இரங்கல் தெரிவித்துள்ளார்.

கழகத் தலைவர் மு.க.ஸ்டாலின் அவர்களின் இரங்கல் செய்தி வருமாறு:

பேர்ணாம்பட்டு சட்டமன்றத் தொகுதியின் முன்னாள் எம்.எல்.ஏ. அ.சின்னசாமி அவர்கள் மறைவெய்திய செய்தியறிந்து மிகவும் வருந்தினேன். அன்னாரது மறைவுக்கு எனது ஆழ்ந்த இரங்கலைத் தெரிவித்துக் கொள்கிறேன்.

கடந்த 2006-ஆம் ஆண்டு நடைபெற்ற சட்டமன்றத் தேர்தலில், பேர்ணாம்பட்டு தொகுதியில் கழகத்தின் சார்பில் போட்டியிட்டு வென்ற அவர், அத்தொகுதி மக்களுக்காகக் குரலெழுப்பிப் பல்வேறு நலத்திட்டங்களைச் செயல்படுத்தியவர். அவரைப் பிரிந்து வாடும் அவரது குடும்பத்தினர், உறவினர்கள், கழகத் தோழர்கள் உள்ளிட்ட அனைவருக்கும் எனது ஆறுதலைத் தெரிவித்துக் கொள்கிறேன்.

இவ்வாறு கழகத் தலைவர் மு.க.ஸ்டாலின் அவர்கள் தெரிவித்துள்ளார்.

ஓமலூர், ஜூன் 16 –

ஓமலூர் அருகே வழித்தட பிரச்சினையில், இரு தரப்பினர் இடையே ஏற்பட்ட மோதலில், பெண் ஒருவரை த.வெ.க. பிரமுகர் கொடூரமாகத் தாக்கும் வீடியோ, சமூக வலை தளங்களில் வெளியாகி பரபரப்பை ஏற்படுத்தியுள்ளது. சேலம் மாவட்டம், ஓமலூர் அடுத்த அமரகுந்தியை சேர்ந்த விவசாயி அருணாச்சலம் (62). இவருக்கும், பக்கத்து வீட்டில் வசிக்கும் முத்தண்ணன் குடும்பத்தினருக்கும் இடையே, நீண்ட காலமாக வழித்தட பிரச்சினை இருந்து வந்தது.

இந்நிலையில், அருணாச்சலம் தனது நிலத்தில் ஆழ்துளை கிணறு அமைக்கும் பணியில் ஈடுபட்டுள்ளார். அப்போது பாறைகள் உடைந்த துகள்கள் மற்றும் தூசி, முத்தண்ண னின் வீட்டின் மேல் படிந்துள்ளது. இதனால் ஆத்திரமடைந்த முத்தண்ணன், அவரது தந்தை பரந்தாமன், சகோதரர் சந்திரமோகன் மற்றும் குடும்பத்தினர், அருணாச்சலம் மற்றும் அவரது மனைவி வசந்தாவிடம் வாக்குவாதத்தில் ஈடுபட்டனர்.

ஒரு கட்டத்தில் வாக்குவாதம் முற்றி, அவர்களை சரமாரியாக தாக்கினர். இதற்கு பதிலடியாக அருணாச்சலம் தரப்பினரும், முத்தண்ணன் குடும்பத்தி னரை தாக்கினர். இந்த மோதலில் இருதரப்பினரும் காயமடைந்து, சிகிச்சைக்காக சேலம் மற்றும்ஓமலூர் அரசு மருத்துவமனைகளில் அனுமதிக்கப்பட்டுள்ளனர்.

இந்த மோதலின் போது, முத்தண்ணன், பெண்ணின் தலைமுடியை கொத்தாகபிடித்துக் கொண்டு, முகத்திலேயே கொடூரமாக தாக்கும் வீடியோ காட்சிகள் இணையத்தில் வெளியாகி அதிர்ச்சியை ஏற்படுத்தியுள்ளது.

இச்சம்பவம் குறித்து இருதரப்பினரும் அளித்த புகாரின் பேரில், தொளசம்பட்டி போலீசார் இருதரப்பை சேர்ந்த 8 பேர் மீது வழக்குப் பதிந்து விசாரணை மேற்கொண்டு வருகின்றனர்.

முத்தண்ணனின் தந்தை பரந்தாமன், அ.தி.மு.க. கிளை செயலாளராக உள்ளார். ஆனால், முத்தண் ணன் சமீப காலமாக த.வெ.க.வுக்கு ஆதரவாக செயல்பட்ட புகைப் படங்கள் வெளியாகியுள்ளது.