திரு­வள்­ளூர், ஜூன் 17–

திரு­வள்­ளூர் மேற்கு ஒன்­றி­யத்­திற்­குட்­பட்ட காக்­க­ளூ­ரில் இளம் தலை­மு­றை­யி­ன­ரின் அர­சி­யல் பங்­கேற்பை ஊக்­கு­விக்­கும் வகை­யில் “GEN Z தி.மு.க.” என்ற தலைப்­பில் சிறப்பு சந்­திப்பு நிகழ்ச்சி நடை­பெற்­றது. தமிழ்த்­தாய் வாழ்த்­து­டன் தொடங்­கிய இந்­நி­கழ்ச்­சி­யில் திரு­வள்­ளூர் ஒன்­றி­யம் முழு­வ­தி­லு­மி­ருந்து 200-க்கும் மேற்­பட்ட இளை­ஞர்­கள் உற்­சா­க­மாக பங்­கேற்­ற­னர்.

நிகழ்ச்­சி­யில் இளம் தலை­மு­றை­ யி­ன­ரின் அர­சி­யல் பங்­க­ளிப்பு, சமூக ஊட­கங்­க­ளின் தாக்­கம், தொழில்­நுட்ப வளர்ச்­சி­யு­டன் இணைந்த அர­சி­ய­லின் எதிர்­கா­லம் உள்­ளிட்ட பல்­வேறு தலைப்­பு­ க­ளில் கருத்­துப்­ப­ரி­மாற்­றம் நடை­பெற்­றது. பல்­வேறு துறை­க­ளில் ஆர்­வ­முள்ள இளை­ஞர்­கள் தங்­க­ளது அனு­ப­வங்­க­ளை­யும், அர­சி­யல் குறித்த பார்­வை­க­ளை­யும் பகிர்ந்து கொண்­ட­னர். குறிப்­பாக, “சமூக வலை­த­ளங்­க­ளில் கள­மா­டு­வோம்”, “ஏ.ஐ. யுகத்­தில் இன்­றைய அர­சி­யல்” ஆகிய தலைப்­பு­க­ளில் நடை­பெற்ற அமர்­வு­க­ளில், சமூகஊட­கங்­களை திறம்­பட பயன்­ப­டுத்தி மக்­க­ளு­டன் நேரடி தொடர்பைஏற்­ப­டுத்­தும் வழி­மு­றை­கள், செயற்கை நுண்­ண­றிவு தொழில்­நுட்­பம் அர­சி­யல் மற்­றும் நிர்­வா­கத்­தில் ஏற்­ப­டுத்­தும் மாற்­றங்­கள் குறித்து விரி­வாக விளக்­கப்­பட்­டது. மேலும், தி.மு.க. அர­சின் மக்­கள் நலச் சாத­னை­கள், சமூக நீதி, கல்வி, மருத்­து­வம், மக­ளிர் முன்­னேற்­றம், வேலை­வாய்ப்பு, அடிப்­படை கட்­ட­மைப்பு மேம்­பாடு உள்­ளிட்ட பல்­வேறு திட்­டங்­கள் குறித்து விரி­வாக எடுத்­து­ரைக்­கப்­பட்­டது. திரா­விட மாடல் ஆட்­சி­யின் நோக்­கங்­கள் மற்­றும் அதன்மூலம் பொது­மக்­கள் பெற்­றுள்ள நன்­மை­கள் குறித்து இளை­ஞர்­க­ளுக்கு விளக்­க­ம­ளிக்­கப்­பட்­டது.

இத­னைத் தொடர்ந்து, நிகழ்ச்­சி­யில் பங்­கேற்­ற­வர்­கள் தற்­போ­தைய த.வெ.க. அர­சின் நிர்­வாக செயல்­பா­டு­கள் குறித்து கடு­மை­யான விமர்­ச­னங்­களை முன்­வைத்­த­னர். தேர்­தல் வாக்­கு­று­தி­கள் முழு­மை­யாக நிறை­வேற்­றப்­ப­ட­ வில்லை என்­றும், சட்­டம்-­ஒ­ழுங்கு, போதைப்­பொ­ருள் ஒழிப்பு, வேலை­வாய்ப்பு உரு­வாக்­கம், விலை­வாசி கட்­டுப்­பாடு மற்­றும் அடிப்­படை வச­தி­கள் மேம்­பாடு போன்ற துறை­க­ளில் அரசு போதிய கவ­னம் செலுத்­த­வில்லை என்­றும் கருத்து தெரி­வித்­த­னர்.

மேலும், விளம்­பர அர­சி­யலை விட மக்­க­ளின்அன்­றாட பிரச்­சி­னை­க­ளுக்கு தீர்வு காணும் திற­மை­யான நிர்­வா­கமே காலத்­தின் தேவை என்­றும், மக்­கள் உண்மை நிலையை ஆராய்ந்து வளர்ச்­சிக்­கும் மக்­கள் நல­னுக்­கும் முன்­னு­ரிமை அளிக்­கும் அர­சி­யல் அணு­கு­மு­றைக்கு ஆத­ரவு வழங்க வேண்­டும் என்­றும் வலி­யு­றுத்­தி­னர்.

நிகழ்ச்­சி­யின் நிறை­வில், தி.மு.க.வின் கொள்­கை­கள், சாத­னை­கள் மற்­றும் மக்­கள் நலத் திட்­டங்­களை வீடு­தோ­றும் எடுத்­துச் செல்­ல­வும், பொது­மக்­க­ளு­டன் நேரடி தொடர்பை மேலும் வலுப்­ப­டுத்­த­வும் இளை­ஞர்­கள் உறு­தி­மொழி ஏற்­ற­னர்.

நிகழ்ச்­சி­யில் ஒன்­றிய செய­லா­ளர் ஆர். ஜெய­சீ­லன், பொதுக்­குழு உறுப்­பி­னர் த. எத்­தி­ராஜ், மாவட்ட தொண்­டர் அணி அமைப்­பா­ளர் எஸ். செளந்­த­ர­ரா­ஜன், மாவட்ட இளை­ஞர் அணி துணை அமைப்­பா­ளர் ஆர். திலீ­பன், ஒன்­றிய நிர்­வா­கி­கள் கே.கே. சொக்­க­லிங்­கம், டி.கே. சீனி­வா­சன், பர­மேஸ்­வ­ரன் உள்­ளிட்­டோர் கலந்து கொண்­ட­னர். நிகழ்ச்­சியை ஜெய­பால், ஜெக­தீஷ், தேவி மற்­றும் சிவா­பி­ர­காஷ் ஆகி­யோர் ஒருங்­கி­ணைத்­த­னர்.

சென்னை கிழக்கு மாவட்ட தி.மு.க. சார்பில் எழும்பூர் தெற்கு பகுதியில் முத்தமிழறிஞர் கலைஞர் 103 வது பிறந்தநாள்– புத்தெழுச்சி நாள் விழாவை முன்னிட்டு புத்தெழுச்சி–19 வேரை விழுதுகள் போற்றும்! முத்தமிழ் கொடியை ஏற்றும்!!எனும் தலைப்பில், மாபெரும் நலத்திட்ட உதவிகள் வழங்கும் விழா 15.06.2026 அன்று பகுதிச் செயலாளர் வி. சுதாகர் தலைமையில் மாவட்ட கழகச் செயலாளர் பி.கே.சேகர்பாபு முன்னிலையில் நடைபெற்றது. இதில் கழக மூத்த முன்னோடிகளுக்கு பொற்கிழி, புத்தாடைகள், பள்ளி கல்லூரி மாணவர்களுக்கு கல்வி உதவித் தொகை, உபகரணங்கள், திருநங்கைகளுக்கு நல உதவி,புத்தாடை வழங்கியும் மற்றும் இரத்த தானம் அளித்தவர்களுக்கு சிறப்பு செய்தும் திருச்சி தெற்கு மாவட்ட கழக செயலாளர் அன்பில் மகேஸ் பொய்யாமொழி மற்றும் கழக தகவல் தொழில்நுட்ப அணி துணைச் செயலாளர் செல்வி திவ்யா சத்யராஜ் ஆகியோர் நலத் திட்ட உதவிகளை வழங்கி வாழ்த்துரைத்தனர். இந்நலத் திட்ட விழாவில் மேயர் பிரியா ராஜன், சொ.வேலு எம்.சி., தமிழன் பிரசன்னா, கே.எஸ்.ரவிச்சந்திரன், கே.எஸ்.எம்.நாதன், புனிதவதி எத்திராசன், ராஜேஸ்வரி ஸ்ரீதர் எம்.சி. உள்ளிட்ட கழக நிர்வாகிகள் பங்கேற்றனர்.