கும்மிடிப்பூண்டி, ஜூன் 17 –

கும்மிடிப்பூண்டியில் கொலை செய்யப்பட்ட சிறுமியின் உடலை, போலீசார் அவசரம் அவசரமாகஅடக்கம் செய்துவிட்டதாக குற்றம்சாட்டி,பொதுமக்கள் போராட்டத்தில் ஈடுபட்ட தால் பரபரப்பு ஏற்பட்டது.

திருவள்ளூர் மாவட்டம், கும்மிடிப் பூண்டியை அடுத்த புதுப்பேட்டை கிராமத்தில் வசித்து வந்த ஒடிசா மாநில தம்பதியின் 3 வயது குழந்தை,பாலியல் வன்கொடுமை செய்யப்பட்டு,முட்புதரில் வீசப்பட்டது. பொதுமக்கள் குழந்தையை மீட்டு கும்மிடிப்பூண்டி கோட்டக்கரை அரசு மருத்துவமனை யில் சேர்த்தனர்.

பின்னர், சென்னை ஸ்டான்லி அரசு மருத்துவமனையில் சிகிச்சை பலனின்றி குழந்தை உயிரிழந்தது. தொடர்ந்து, குழந்தையின் உடல் பிரேத பரிசோதனைக்காக அனுப்பப் பட்ட நிலையில், கும்மிடிப்பூண்டித.வெ.க. சட்டமன்ற உறுப்பினர் விஜய குமார், குழந்தையின் பெற்றோர் களிடம் பிணவறைக்குள் சமரசம் பேசியதாக புகார்கள் எழுந்தன. இதற்கு தி.மு.க. தரப்பில் கடும் கண்டனம் தெரிவிக்கப்பட்டது.

இதுதொடர்பாக செய்தியாளர் களிடம் பேசிய வடசென்னை தி.மு.க. மகளிர் அணியைச் சேர்ந்த லட்சுமி வேலு, சிங்கப்பெண் மகளிர் பாதுகாப்பு படை எனக் கூறிய முதலமைச்சர் விஜய் எங்கே சென்றார்? என கேள்வி எழுப்பினார்.

பிரேத பரிசோதனைக்குப் பின், பொன்னேரி சுடுகாட்டில் சிறுமியின் உடலை போலீசார் அவசர அவசரமாக அடக்கம் செய்தனர்.

கும்மிடிப்பூண்டி சுடுகாட்டில் இறுதிச் சடங்குகளுக்குஏற்பாடு செய்யப்பட்ட நிலையில், பொது மக்களை திசை திருப்பி, பெற்றோரின் விருப்பத்திற்கு மாறாக, அவர்களை வற்புறுத்தி பொன்னேரி சுடுகாட்டில் சிறுமி உடல்அடக்கம் செய்யப்பட்டதாக பொதுமக்கள்குற்றம்சாட்டினர்.

மேலும், சிறுமி சடலத்தை காட்டாமல் அடக்கம் செய்த காவல் துறையைக் கண்டித்து அவர்கள் சாலை மறியலில் ஈடுபட்டனர்.

அப்போது, போராட்டத்தில் ஈடுபட்ட நபர் ஒருவர் அருகில் இருந்த மின் டவரில் ஏறி தற்கொலை முயற்சியில் ஈடுபட்டதால் பதற்றம் ஏற்பட்டது.