கன்னியாகுமரி கிழக்கு மாவட்டம், நாகர்கோவில் மாநகர 20-வது வார்டு பகுதியைச் சேர்ந்த இந்திய கிளினிக் மருத்துவர்கள் சங்க மாநில தலைவர் மருத்துவர் பெனிஸ் ராஜா மற்றும் சரவணன் ஆகியோர் மாவட்டச் செயலாளர் ரெ.மகேஷ் முன்னிலையில் தங்களை திராவிட முன்னேற்றக் கழகத்தில் இணைத்துக் கொண்டனர். தி.மு.க.வில் இணைத்து கொண்டவர்களுக்கு மாவட்டச் செயலாளர் ரெ.மகேஷ் சால்வை அணிவித்து வரவேற்றார். நிகழ்வில் நாகர்கோவில் மாநகர மேற்கு பகுதி செயலாளர் மு.சேக்மீரான், மாவட்ட அயலக அணி அமைப்பாளர் முகமது பஷீர், 20 வது வார்டு வட்டச் செயலாளர் பாஸ்கர், கழக மூத்த முன்னோடி அல்போன்ஸ் ஜெரோம், மாமன்ற உறுப்பினர் அமல செல்வன், மாநகர சுற்றுச்சூழல் அணி அமைப்பாளர் சகாய மைக்கேல் ராஜன் உட்பட கழக நிர்வாகிகள் பலர் கலந்து கொண்டனர்.