#Title

திருவள்ளூர் மாவட்டம் – வெங்கல் அருகே விவசாயி வீட்டில் 60 சவரன் நகை, ரூ.5 லட்சம் கொள்ளை! த.வெ.க. ஆட்சியில் தொடரும் கொள்ளைச் சம்பவங்களால் சட்டம் - ஒழுங்கு கேள்விக்குறி; பொதுமக்கள் கடும் எதிர்ப்பு!

திருவள்ளூர், ஜூன் 17–

திருவள்ளூர் மாவட்டம் வெங்கல் அருகே அத்தங்கிகாவனூர் கிராமத்தில் 76 வயது முதிய விவசாயியின் வீட்டில் நள்ளிரவில் புகுந்த மர்ம நபர்கள் சுமார் 60 சவரன் தங்க நகைகள் மற்றும் ரூ.5 லட்சம் ரொக்கத்தை கொள்ளையடித்துச் சென்ற சம்பவம் அப்பகுதி மக்களிடையே பெரும் அதிர்ச்சியையும் அச்சத்தையும் ஏற்படுத்தியுள்ளது.

அத்தங்கிகாவனூர் கிராமத்தைச் சேர்ந்த விவசாயி கோபால் நாயுடு (76), அவரது மனைவி கௌசல்யம்மாள் (68) ஆகியோர் வீட்டில் தனியாக வசித்து வருகின்றனர். நேற்று முன்தினம் இரவு அவர்கள் உறங்கிக் கொண்டிருந்தபோது, வீட்டின் கதவை உடைத்து உள்ளே நுழைந்த மர்ம நபர்கள் பீரோவை உடைத்து ரூ.5 லட்சம் ரொக்கம் மற்றும் பூஜை அறையில் வைக்கப்பட்டிருந்த சுமார் 50 சவரன் தங்க நகைகளை கொள்ளையடித்தனர். மேலும், கௌசல்யம்மாள் கழுத்தில் அணிந்திருந்த சுமார் 10 சவரன் தங்க நகையையும் பறிக்க முயன்றபோது அவர் கூச்சலிட்டதால் கொள்ளையர்கள் அங்கிருந்து தப்பிச் சென்றதாக கூறப்படுகிறது.

தகவலறிந்த வெங்கல் காவல்துறையினர் சம்பவ இடத்துக்கு விரைந்து சென்று தடய அறிவியல் நிபுணர்கள் மற்றும் மோப்ப நாய் உதவியுடன் விசாரணை மேற்கொண்டனர். சம்பவம் தொடர்பாக வழக்குப் பதிவு செய்து மர்ம நபர்களை தீவிரமாக தேடி வருகின்றனர்.

இந்தச் சம்பவத்தைத் தொடர்ந்து, மாநிலத்தில் சட்டம்-ஒழுங்கு நிலை குறித்து பொதுமக்கள் கடுமையான விமர்சனங்களை முன்வைத் துள்ளன. “த.வெ.க. அரசு பொறுப்பேற்ற பிறகு மாநிலத்தின் பல்வேறு பகுதிகளில் கொள்ளை, சங்கிலி பறிப்பு, வழிப்பறி உள்ளிட்ட குற்றச் சம்பவங்கள் தொடர்ந்து நடைபெறுவதாக செய்திகள் வெளியாகி வருகின்றன. குற்றவாளி கள் மீது அச்சமின்றி செயல்படும் சூழல் உருவாகியுள்ளது. பொதுமக்கள் தங்களது வீடுகளிலும் பாதுகாப்பாக இருக்க முடியாத நிலை ஏற்பட்டுள்ளது” என்று குற்றம்சாட்டி யுள்ளன.

மேலும், “மக்களின் உயிர் மற்றும் உடைமைகளுக்கு பாதுகாப்பு அளிப்பதே அரசின் முதல் கடமை. ஆனால் சட்டம்-ஒழுங்கை வலுப்படுத்துவதைவிட விளம்பரங்கள் மற்றும் அரசியல் நிகழ்ச்சிகளுக்கே முக்கியத்துவம் அளிக்கப்படுவதாக மக்கள் மத்தியில் அதிருப்தி நிலவுகிறது.

குற்றங்களைத் தடுக்க சிறப்பு நடவடிக்கைகள் எடுத்து, இரவு நேர ரோந்துப் பணியை தீவிரப்படுத்தி, குற்றவாளிகளை உடனடியாக கைது செய்ய அரசு நடவடிக்கை எடுக்க வேண்டும் ”தொடர்ந்து நடைபெறும் குற்றச் சம்பவங்கள் காரணமாக மக்கள் மத்தியில் பாதுகாப்பு குறித்த அச்சம் அதி கரித்து வருவதாகவும், சட்டம் - ஒழுங்கை மீட்டெடுக்க அரசு உடனடியாக உறுதியான நடவடிக்கைகளை மேற்கொள்ள வேண்டும் என்றும் சமூக ஆர்வலர்கள் கருத்து தெரிவித்துள்ளனர்.