சென்னை, ஜூன் 17–

கழக மக­ளிர் அணிச் செய­லா­ளர் ஹெலன் டேவிட்­சன் – மக­ளிர் தொண்­ட­ரணிச் செய­லா­ளர் நாமக்­கல் ப.இராணி ஆகி­யோர் விடுத்­துள்ள அறிக்கை வரு­மாறு:–

தமிழ்­நாட்­டில் தற்­போது நடை­பெற்று வரும் தவெக ஆட்­சி­யில், பெண்­கள் மற்­றும் குழந்­தை­க­ளின் பாது­காப்பு என்­பது முற்­றி­லும் கேள்­விக்­கு­றி­யாகி, சட்­டம்-­ஒ­ழுங்கு முற்­றி­லு­மா­கச் சீர்­கு­லைந்­துள்­ளதை கண்­டிக்­கி­றோம். தமி­ழக வர­லாறு கண்­டி­ராத வகை­யில், பிஞ்­சுச் சிறார்­க­ளுக்கு எதி­ரான பாலி­யல் வன்­கொ­டு­மை­க­ளும், கொடூ­ரக் கொலை­க­ளும் நாளுக்கு நாள் அதி­க­ரித்­துக் கொண்டே செல்­வது ஒட்­டு­மொத்த சமூ­கத்­தை­யும் தலை­கு­னிய வைத்­துள்­ளது.

தமி­ழி­னத்­த­லை­வர் கலை­ஞர் கலை­ஞர் அவர்­க­ளின் ஆட்­சிக்­கா­லத்­தில் இந்­தி­யா­வி­லேயே முதல்­மு­றை­யா­கப் பெண் காவ­லர்­கள் படை உரு­வாக்­கப்­பட்டு ‘சிங்­கப் பெண்­கள்’ என அவர்­கள் வீறு­நடை போட்­ட­தும், அத­னைத் தொடர்ந்து முன்­னாள் முதல்­வர் மு. க. ஸ்டாலின் அவர்­க­ளின் தலை­மை­யி­லான ‘திரா­விட மாடல்’ ஆட்­சி­யில் பெண்­க­ளுக்கு எதி­ரான குற்­றங்­கள் இரும்­புக்­க­ரம் கொண்டு ஒடுக்­கப்­பட்­ட­தும் நாம் அறிந்­ததே. ஆனால், இன்­றைய தவெக ஆட்­சி­யில், தமிழ்­நாடு தடம் மாறி, பெண்­கள் மற்­றும் குழந்­தை­க­ளுக்­குப் பாது­காப்­பற்ற உத்­த­ரப் பிர­தே­சம் போன்ற மாநி­லங்­க­ளின் நிலைக்­குத் தள்­ளப்­பட்டு வரு­கி­றதோ என்ற பலத்த ஐயம் எழுந்­துள்­ளது.

ஒரே நாளில் நடந்த கொடூ­ரம் 15 ஜூன் 2026 மிகக் கொடூ­ர­மான குழந்­தை­க­ளுக்கு எதி­ரான பாலி­யல் குற்­றங்­கள் அரங்­கேரி உள்­ளது. கும்­மி­டிப்­பூண்டி 3 வயது பச்­சி­ளம் குழந்தை பாலி­யல் வன்­கொ­டுமை செய்­யப்­பட்டு, கொடூ­ர­மான முறை­யில் படு­கொலை செய்­யப்­பட்­டுள்­ளது. திரு­வள்­ளூர் 7 வயது சிறுமி பாலி­யல் வன்­கொ­டு­மைக்குஆளாக்­கப்­பட்­டுள்­ளார். பூந்­த­மல்லி 7 வயது சிறுமி பாலி­யல் ரீதி­யாக வன்­கொ­டுமை செய்­யப்­பட்­டுள்­ளார்.தாம்­ப­ரம் 10 வயது சிறுமி பாலி­யல் வன்­கொ­டு­மைக்கு உள்­ளாக்­கப்­பட்­டுள்­ளார். சென்னை தலை­ந­க­ரி­லேயே 12 வயது சிறு­மிக்கு பாலி­யல் சீண்­டல் நடந்­துள்­ளது.

ஒரே நாளில் ஒரே பிராந்­தி­யத்­தைச் சுற்­றி­யுள்ள பகு­தி­க­ளில் 5 சிறு­மி­கள் போக்சோ (POCSO) சட்­டத்­தின் கீழ் பாலி­யல் கொடு­மை­க­ளுக்கு உள்­ளா­கி­யி­ருப்­பது, த.வெ.க. அர­சின் கீழ் காவல்­துறை எவ்­வ­ளவு மெத்­த­ன­மா­க­வும், செய­லி­ழந்­தும் கிடக்­கி­றது என்­ப­தற்கு மிகத் தெளி­வான சான்­றா­கும்.

மாநி­லத்­தின் பல்­வேறு மாவட்­டங்­க­ளில் இருந்­தும் தினந்­தோ­றும் வரும் செய்­தி­கள் நெஞ்­சைப் பதற வைக்­கின்­றன. பாதிக்­கப்­பட்ட குடும்­பத்­தி­னர் காவல் நிலை­யங்­களை அணு­கி­னா­லும், ஆளுங்­கட்­சி­யான தவெ­க-­வின் கடு­மை­யான அர­சி­யல் அழுத்­தங்­கள் கார­ண­மா­கப் புகார்­கள் மீது உட­னடி நட­வ­டிக்கை எடுக்­கப்­ப­டு­வ­தில்லை எனப் பொது­மக்­கள் குற்­றம் சாட்­டு­கின்­ற­னர். வழக்­கு­கள் பதிவு செய்­யப்­பட்ட நிகழ்­வு­க­ளில்­கூட, குற்­ற­வா­ளி­க­ளுக்­குப் பின்­ன­ணி­யாக இருக்­கும் அர­சி­யல் செல்­வாக்­கின் கார­ண­மா­கக் கைது நட­வ­டிக்­கை­கள் திட்­ட­மிட்டே தாம­தப்­ப­டுத்­தப்­ப­டு­வ­தா­கத் தெரி­கி­றது.

தேசிய மற்­றும் மாநில பெண்­கள் மற்­றும் குழந்­தை­கள் நல ஆணை­யம் உட­ன­டி­யாக இவ்­வி­ஷ­யத்­தில் தன்­னிச்­சை­யாக (Suo Motu)நேர­டி­யா­கத் தலை­யிட்டு, தமி­ழ­கத்­தில் நில­வும் அவ­ல­நி­லையை ஆய்வு செய்து குழந்­தை­கள் பாது­காப்பை உறுதி செய்ய வேண்­டும். காவல்­துறை எவ்­வித அர­சி­யல் அழுத்­தங்­க­ளுக்­கும் பணி­யா­மல், பதி­யப்­ப­டாத அனைத்­துப் புகார்­கள் மீதும் உட­ன­டி­யா­கப் போக்சோ மற்­றும் உரிய கடு­மை­யான பிரி­வு­க­ளின் கீழ் வழக்­குப் பதிவு செய்ய வேண்­டும்.

பாதிக்­கப்­பட்ட சிறு­மி­க­ளுக்கு நீதி கிடைக்க, வழக்­கு­களை விரைவு நீதி­மன்­றங் ­கள் மூலம் விசா­ரித்து, குற்­ற­வா­ளி­க­ளுக்­குக் கடு­மை­யான, முன்­மா­தி­ரி­யான தண்­ட­னை­க­ளைப் பெற்­றுத்­தர அரசு போர்க்­கால அடிப்­ப­டை­யில் நட­வ­டிக்கை எடுக்க வேண்­டும். அர­சி­யல் விளம்­ப­ரங்­க­ளுக்­கும், சுய லாபங்­க­ளுக்­காக கொடுக்­கும் முக்­கி­யத்­து­வத்­தைத் தவெக Reels அரசு உட­ன­டி­யா­கக் கைவிட்டு, தமி­ழ­கத்­தில் வாழும் தாய்­மார்­கள் மற்­றும் பச்­சி­ளம் குழந்­தை­க­ளின் உயி­ரை­யும், பாது­காப்­பை­யும் உறுதி செய்ய வேண்­டும்.

இவ்­வாறு அவர்­கள் அறிக்­கை­யில் தெரி­வித்­துள்­ள­னர்.