சென்னை, ஜூன் 17–
‘குழந்தைகளைப் பாதுகாப்பாக வைத்தி ருக்கக் கூடிய காவலர்கள் எங்கே’ என்று கேள்வி எழுப்பி சிறப்புக் கட்டுரை ஒன்றை வெளியிட்டுள்ளது ‘டைம்ஸ் ஆப் இந்தியா’ ஆங்கில நாளேடு.
அந்தக் கட்டுரைப் பக்கத்தை தனது சமூக வலைதளப் பக்கத்திலும் கழகத் தலைவர் மு.க.ஸ்டாலின் அவர்கள் இணைத்துள்ளார்.
அந்தச் சிறப்புக் கட்டுரை வருமாறு:–
குழந்தைகளைப் பாதுகாக்கக் கூடிய காவலர்கள் எங்கே? பலவீனமான அரசியல் உறுதிப்பாடு, குற்றங்களைத் தடுக்கும் ஆற்றலற்ற காவல் நடைமுறைகள், ரோந்துப் பணிகள் மேற்கொள்ளப்படாத குடியிருப்புப் பகுதிகள், போதிய வெளிச்சம் இல்லாத சந்துகள் மற்றும் ஆள் நடமாட்டம் குறைவான தனிமையான இடங்கள் - இவைதான் அதற்குக் காரணங்கள்.
சென்னையிலும் அதன் புறநகர்ப்
பகுதி களிலும் 24 மணி நேரத்தில் ஏன்
12 பாலியல் வன்கொடுமைச் சம்பவங்கள் நிகழ்ந்தன?
12 வழக்குகளிலும் சந்தேக நபர்களைக் காவல்துறை கைது செய்தது. ஆனால், கைது நடவடிக்கைகளின் வேகம் பெரிய அளவில் ஆறுதல் அளிக்க வில்லை. இதில் எழும் கேள்வி என்னவென்றால், இத்தனை பெண்கள் மற்றும் குழந்தைகள் ஏன் முதலில் தாக்கப்பட்டார்கள் என்பதுதான்.
ஜூன் 9-ஆம் தேதி ‘சிங்கப்பெண்’ (Singappen) சிறப்புப் படை உருவாக்கப்பட்ட ஆறு நாட்களிலேயே இச்சம்பவங்கள் நிகழ்ந்துள்ளன. இத்தகைய குற்றங்களைக் கண்காணிப்பது, முன்கூட்டியே கணிப்பது மற்றும் தடுப்பது ஆகியவை 70 குழுக்களைக் கொண்ட இப்படையின் பணியாகும்.
சென்னைக் காவல் துறையில் 105 காவல் நிலையங்களைச் சேர்ந்த மொத்தம் 23,000 காவலர்கள் உள்ளனர். நடைமுறையில், ஒவ்வொரு காவல் நிலையத்திலி ருந்தும் நான்கு ரோந்து அதிகாரிகள்
மட்டுமே பணியில் ஈடுபடுத்தப்படுகிறார்கள்; அதாவது, ஒரு கோடி மக்கள் வசிக்கும் இந்நகரில் எந்தவொரு நேரத்திலும் சுமார் 500 காவலர்கள் ரோந்துப் பணியில் உள்ளனர், இவர்களுடன் 300 இருசக்கர வாகன ரோந்துப் பிரிவினரும் இணைந்து செயல்படுகின்றனர். நகரின் பரந்த, போதிய வெளிச்சம் இல்லாத உட்புறச் சந்துகளில் இவர்களின் இருப்பு கண்ணுக்குத் தெரியாத அளவிலேயே உள்ளது.
நகரமயமாக்கலுக்கு உள்ளாகி வரும் தெற்குப் புறநகர்ப் பகுதிகளைக் கண்காணிப்பதற்காக, 2022 ஜனவரியில் சென்னை காவல் ஆணையரகத்திலிருந்து பிரித்து உருவாக்கப்பட்ட தாம்பரம் காவல் ஆணையரகம், சென்னை காவல் ஆணையரகத்தைப் போல ஏறக்குறைய இரு மடங்கு பரப்பளவைக் கொண்டுள்ளது. ஆனால், இங்குள்ள 25 காவல் நிலையங்களிலும் சேர்த்து மொத்தம் 4,000 பணியாளர்கள் மட்டுமே அனுமதிக்கப்பட்டுள்ளனர்.
வடக்கு எல்லைப் பகுதிகளில் நிலைமைஇன்னும் மோசமாக உள்ளது. திருவள்ளூர் மாவட்டம் 2,700 சதுர கிலோமீட்டர்பரப்பளவைக் கொண்டிருந்தாலும், அங்கு1,300 காவலர்கள் மட்டுமே உள்ளனர். ஆனால், 626 சதுர கிலோமீட்டர் பரப்பளவு கொண்ட ஆவடியில் 4,600 காவலர்கள் பணியில்உள்ளனர். பதிவான 12 வழக்குகளில் மூன்றுவழக்குகள் ஆவடியைச் சேர்ந்தவை.
ஆனால், சென்னை நகரத்தைப் போலன்றி, ஆவடி, தாம்பரம் மற்றும் திருவள்ளூர் ஆகிய பகுதிகளின் அதிகார வரம்புகள் பரந்த புறநகர், அரை-கிராமப்புற மற்றும் சமவெளி சார்ந்த கிராமப்புறப் பகுதிகள் வரை பரவியுள்ளதால், அங்கு காவல் பணிகளை மேற்கொள்வது அதிக சவாலானதாக அமைகிறது.
10 வயது சிறுமி ஒருவர் பாலியல் துன்புறுத்தலுக்கு ஆளான நிலையில், அப்பகுதியைச் சேர்ந்த மென்பொருள் நிபுணரான பி.கமலநாதன் இதைத் தெளிவாகக் குறிப்பிட்டார்:“தாம்பரம் அருகிலுள்ள உட்புறச் சாலைகளில் காவல்துறைரோந்துப் பணியில் ஈடுபடுவதை நாங்கள் ஒருபோதும் பார்த்ததில்லை. அப்பகுதியில் ஒரு காவல் சோதனைச் சாவடி உள்ளது, ஆனால் அது எப்போதும் பூட்டியே கிடக்கிறது.”
சமீபத்திய சம்பவங்களின் வரிசையில் மூன்று வெளிமாநிலத் தொழிலாளர்கள் சம்பந்தப்பட்டுள்ளனர். தமிழ்நாட்டில் சுமார்
13 லட்சம் பதிவு செய்யப்பட்ட வெளிமாநிலத் தொழிலாளர்கள் உள்ளனர்.
ஒப்பந்ததாரர்கள் பணியாளர்களின் பின்னணியைச் சரிபார்த்து அவர்களைக் காவல்துறையில் பதிவு செய்வது சட்டப்படி கட்டாயமாகும்; ஆனால், இத்தகைய பாதுகாப்பு நடைமுறை முறையாகஅமல்படுத்தப்படாததாகவே தெரிகிறது.