சென்னை, ஜூன் 18–
கழகத் தலைவர் அவர்கள், தமது ‘திராவிட மாடல்’ அரசில் உருவாக்கிய சென்னை இதழியல் கல்வி நிறுவனத் தில் பயின்று – இதழியல் முதுநிலைப் பட்டயப் படிப்பில் தேர்ச்சி பெற்ற 60 மாணவர்கள், சட்டமன்ற எதிர்க்கட்சித் தலைவர் உதயநிதி ஸ்டாலின் அவர்களை, நேற்று முன்தினம் மாலை அவரது இல்லத்தில் சந்தித்து உரையாற்றினர்.
அவர்களோடு அளவளாவிய பின், அச்சந்திப்பு குறித்து வலைதளப்
பதிவிட்ட உதயநிதி ஸ்டாலின் அவர்கள், “ஊடகத் துறையில் தங்களுக்கென தனித்த அடையாளத்துடன், திறமையான ஊடகவியலாளர்களாக
உருவாக வேண்டும்” என வாழ்த்திப்
பாராட்டியுள்ளார்.
உதயநிதி ஸ்டாலின் அவர்களின், அந்த வலைதளப் பதிவு வருமாறு:–
ஊடகத் துறையில் உண்மையையும் அறத்தையும் இலக்காகக் கொண்ட இளம் இதழாளர்களை உருவாக்கும் நோக்கில், கழகத் தலைவர் அவர்கள் தலைமையிலான#திராவிடமாடல் அரசில், சென்னை இதழியல் கல்வி
நிறுவனம் உருவாக்கப்பட்டது. இந்நிறுவனத்தில் 2025–2026 கல்வியாண்டில், இதழியல் முதுநிலைப் பட்டயப் படிப்பில் 60 மாணவர்கள் பயின்று தேர்ச்சி பெற்ற நிலையில், அவர்களில் சில மாணவர்கள் இன்றைய தினம்நேரில் சந்தித்து வாழ்த்துப் பெற்றனர்.
வளர்ந்துவரும் ஊடகத் துறையில் தங்களுக்கென தனித்த அடையாளத்துடன், திறமையானஊடகவியலாளர்களாக உருவாக வேண்டுமென அவர்களை வாழ்த்திப் பாராட்டினோம்!
இவ்வாறு அப்பதிவில், உதயநிதி ஸ்டாலின் அவர்கள் குறிப்பிட்டுள்ளார்.