ஈரோடு, ஜூன் 18 –
ஈரோடு நாடாளுமன்ற உறுப்பினர் கே.இ.பிரகாஷி டம் அத்திமரத்தூர் பொதுமக்கள் ரயில்வே பாலத்தில் கம்பி நெட் அமைப்பால் கார் போக்குவரத்துக்கு ஏற்பட்ட தடையை நீக்க கோரி மனு அளித்தனர்.
அதில் எங்கள் பகுதியில் உள்ள ரயில்வே பாலம் கம்பத்து எண் 376/24 அத்திமரத்துரிலிருந்து குட்டக்கா ரம்பாளையத்திற்கு செல்லும் முக்கியமான பாதையாக உள்ளது. தற்போது அந்த பாலத்தில் கம்பி நெட் அமைத்து கார் உள்ளிட்ட நான்கு சக்கர வாகனங்கள் செல்ல முடியாத வகையில் தடை செய்யப்பட்டுள்ளது.
இதனால் ஊர் மக்களுக்கு மிகுந்த சிரமம் ஏற்பட்டுள்ளது.
சுமார் 200-க்கும் மேற்பட்ட பொதுமக்கள் இவ்வழியை நம்பி தினசரி பயணம் செய்து வருகிறார்கள்.
இதனால் நீண்ட தூரம் செல்லவேண்டிய கட்டாயத்தில் உள்ளனர். அவசர தேவைகளுக்கு பெரும் இடையூறாக உள்ளது. ஆகவே உடனடியாக ஈரோடு நாடாளுமன்ற உறுப்பினர் கே.இ.பிரகாஷ் இப்பிரச்சனையை கவனித்து முன்பு போல் கார் செல்வதற்கு அனுமதி வழங்க நடவடிக்கை எடுக்குமாறு ஊர் பொதுமக்கள் சார்பில் கேட்டு கொள்கிறோம்.
இவ்வாறு ஊர் பொதுமக்கள் சார்பில் மனு அளிக்கப்பட்டது.