கோவை, ஜூன் 18–

கோவையில் இரும்பு கம்பியால் தாக்கி, கல்லூரி மாணவரிடம் 2 பவுன் நகை பறித்து விட்டு, அவரை அறையில் அடைத்து வைத்து ரூ.2 லட்சம் கேட்டு மிரட்டிய கும்பலை காவல்துறையினர் தேடி வருகின்றனர்.

விருதுநகர் மாவட்டம் வெம்ப கோட்டையை சேர்ந்தவர் ராஜ மாணிக்கம் மகன் கேசவன் (19). இவர், கோவையில் உள்ள தனியார் கல்லூரியில்பி.காம் 3ம் ஆண்டு படித்து வருகிறார். குனியமுத்தூர் இபி காலனியில் நண்பர் தரணீஸ் என்பவருடன்சேர்ந்து அறை எடுத்து தங்கி கல்லூரி சென்று வருகிறார். நேற்று முன்தினம் கேசவன் வெளியே சென்றுவிட்டு தனது அறைக்கு திரும்பிய போது அவரது அறையில் மேலும் 5 பேர் இருந்தனர்.

அவர்கள் கேசவனிடம் தகராறு செய்தனர். பின்னர், அவரை இரும்பு கம்பியால் தாக்கி அவர் அணி ந்திருந்த 2 பவுன் தங்க செயினை பறித்தனர். மேலும், கேசவனை அறையில் அடைத்து வைத்ததுடன் ரூ. 2 லட்சம் கொடு த்தால் தான் வெளியே விடுவோம் என மிரட்டி னர். இதனை அறிந்து பக்கத்து அறையை சேர்ந்த சிலர் காவல் துறையினருக்கு தகவல் கொடுத்த னர். அதன்பேரில், குனிய முத்தூர் காவல்துறையினர் அங்கு வந்தனர். அவர்கள் வருவதை அறிந்ததும், அந்த கும்பல் முதல் மாடியில் இருந்து கீழே குதித்து அங்கிருந்த பைக்குகளில் தப்பி சென்றனர்.

இதுகுறித்து கேசவன் அளித்த புகாரின் பேரில், குனியமுத்தூர் காவல்துறையினர் வழக்குப்பதிவு செய்து விசாரித்தனர். அதில் கேசவ னிடம் நகை பறித்து அறையில் அடைத்து வைத்து பணம் கேட்டு மிரட்டியது ஆகாஷ், பாண்டி உள்பட 5 பேர் கும்பல் என்பது தெரியவந்தது. காவல்துறையினர் அவர்களை தேடி வருகின்றனர்.