திருப்பூர், ஜூன் 18 –
திருப்பூர் மத்திய மாவட்ட கழக அலுவலகமான முரசொலி மாறன் வளாகத்தில் மாவட்ட மாணவர் அணி சார்பில் முத்தமிழறிஞர், செம்மொழி காவலர் கலைஞரின் 103வது பிறந்தநாளை முன்னிட்டு
மாவட்ட மாணவர் அணி சார்பில் “நவீன தமிழ்நாட்டின் சிற்பி” என்ற தலைப்பில் பள்ளி, கல்லூரி மாணவர்கள் பங்கேற்கும் மாபெரும் கருத்தரங்கம் மாவட்டச் செயலாளர், திருப்பூர் தெற்கு சட்டமன்ற முன்னாள் உறுப்பினர் க.செல்வராஜ் தலைமையில் திருப்பூர் தெற்கு மாநகர கழகச் செயலாளர் டிகேடி மு.நாகராசன் பகுதி கழக பொறுப்பாளர், மாமன்ற உறுப்பினர் பி.ஆர்.செந்தில்குமார்,
மத்திய மாவட்ட மாணவர் அணி அமைப்பாளர் து.கோபிநாத், தெற்கு மாநகர மாணவர் அணி அமைப்பாளர் செ.திலகராஜ் ஆகியோர் முன்னிலையில் நடைபெற்றது. இதில் கழக மாணவர் அணி செயலாளர் ஈரோடு ஜெ.வீரமணி, தலைமைக் கழக பேச்சாளர சென்னை எஸ்.கே.ஶ்ரீராம் கருத்துரையாற்றினர்.
கழக மாணவர் அணி செயலாளர் செயலாளர் ஈரோடு ஜெ.வீரமணி கூறியதாவது :- கழகத் தலைவர் அவர்களின் தலைமையிலான கடந்த திராவிட மாடல் ஆட்சியில் முத்தான முன்னோடி திட்டமான அண்ணல் அம்பேத்கர் அயலக உயர்கல்வி திட்டத்தின் மூலமாக நலிவடைந்த மற்றும் பட்டியல் இன ஏழை மாணவ, மாணவியர்கள் வெளி நாடுகளில் உயர்கல்வி பயில முழு செலவையும் ஏற்கும் வகையில் கொண்டு வரப்பட்ட உன்னதமான திட்டம் தற்போதைய தவெக ஆட்சியில் பெரும் கேள்விக்குறியாகியுள்ளது.
கடந்த 2020-க்கு முன் அ.தி.மு.க. ஆட்சிக்காலத்தில் இத்திட்டத்தின்
மூலம் வெறும் 2 நபர்கள் மட்டுமே பயனடைந்த நிலையில், முத்துவேல் கருணாநிதி ஸ்டாலின் அவர்களின் தலைமையிலான திராவிட முன்னேற்றக் கழக ஆட்சிக்காலத்தில் இத்திட்டம் விரிவுபடுத்தப் பட்டு, விண்ணப்பித்த மாணவர்களை தனிப்பட்ட முறையில் ஊக்குவித்ததன் மூலம் பல கோடி ரூபாய் நிதி உதவியுடன் 386 மாணவ, மாணவியர்கள் பயனடைந்தனர். மேலும், 1000 மாணவ, மாணவியர்கள் வரை வெளி நாட்டுக்கு அனுப்பும் வகையில் இத்திட்டம் விரிவுபடுத்தப்பட்டது. ஆனால், தற்போதைய தவெக அரசு இத்திட்டத்திற்கான இறுதி தேதியை நீட்டிக்க மறுத்து மாணவர்களை தவிக்கவிட்டு கொண்டுள்ளது.
லண்டன் ஸ்கூல் ஆப் எகனாமிக்ஸ், ஹார்வர்ட் போன்ற உலகத்தரம் வாய்ந்த பல்கலைக்கழகங்களுக்கு ஏழை மாணவ, மாணவியர்கள் விண்ண ப்பிக்கும் போது, அங்கிருந்து சேர்க்கைக்கான கடிதம் (ஆபர் லெட் டர்) வருவதற்கு ஒரு மாதத்திற்கும் மேலாக ஆகும் என்கிற அடிப்படை தகவல்கள் கூட தெரியாமல், த.வெ.க. அரசு விதித்துள்ள குறுகிய காலக்கெடுவால் ஆஸ்திரேலியா, இங்கிலாந்து, சுவிட்சர்லாந்து போன்ற நாடுகளுக்குச் செல்ல இருக்கும் ஏழை மாணவ, மாணவியர்கள் பெரிதும் பாதிக்கப்பட்டுள்ளனர்.
தமிழக மாணவ, மாணவியர்களின் உயர்கல்வி திட்டத்தை முடக்க நினைக்கும் த.வெ.க. அரசின் செயல்பாடுகளை தி.மு.க. மாணவர் அணி கண்டிக்கிறது.
மும்மொழிக் கொள்கை மற்றும் பல்கலைக் கழகங்களின் அதிகாரத்தை பறிக்கும் விக்ஷித் பாரத் சிக்ஷா அதிஸ்தான் மசோதாவை ஒன்றிய அரசு திரும்பப் பெற வலியுறுத்தி, ஜூன் 23ம் தேதி சென்னை ஆளுநர் மாளிகை அருகில் தி.மு.க. மாணவர் அணி சார்பில் மாபெரும் கண்டன ஆர்ப்பாட்டம் நடைபெற உள்ளது. இதில், தமிழக மாணவர்கள் அனை வரும் பங்கேற்க வேண்டும்.
ஜென்சி டிஎம்கே மீட் அப் நிகழ்ச்சி சென்னையில் இளைஞர்களுக்கு மண்டபங்கள் கிடைக்காத வகையில் அமைச்சர் ஆதவ் அர்ஜூனா தலையீடு இருந்த தால், தி.மு.க. சார்பில் இட வசதி வழங்கப்பட்டது. இது தி.மு.க. நிகழ்ச்சி அல்ல, தன்னெழுச்சியாக இளைஞர்களால் இப்போது மாவட்டம் தோறும் நடைபெற்று வருவது வரவேற்கத்தக்கது என்று கூறினார்.